[دنيا الولة]

آمـنـت بـالله لا قـبــلـه ولا بـعـــده
الأول الآخــر الحــي السمــيع العلــيم

الخالق الرازق الفرد الصمد وحده
هـو العلـي المـهيمن والعـزيز الحكــيم

الخافض الرافع الباسط علت يـده
على جميع الأيـادي جل شـان العظــيم

كـافه ونونـه تقــيم الكـون وتهــده
ووحده عليم بما سرت ( ألف لام مـيم )

أنـه هـو الله ربـي وإنـي أنا عبــده
هذي هـي النعمـة الكبـرى وهذا النعـيم

الحمـد والشكر للـي شكـره وحمـده
يستوجب الحمد والشكر الجزيل العميم

لا واهني من قضت دنياه في سجده
ولا واهنـي مـن أتـى ربـه بقلـب سلــيم

خيـره من الله وشـر العبـد من كـده
أعـوذ بالله مـن نـفسـي وشــر الرجــيم

يا رب هذي ضلوع القلب مرتعـده
والقلـب من صحـة ذنوبـي عـليل سقـيم

يا رب أنا ألغـي فينـي بـالـغ رشـده
والـرشد فينـي غـواه إنك رؤوفٍ حلـيم

يا كبر ذنبي عجزت أحصيه وأعده
لا كنت به جـاهل غـافل ولانـي غشـيم

أستغفـر وتغفـر عن الــذنـب وأرده
واستغفر وتغفر,واستغفر وتغفر, وأهيم

إلا من الشـرك الأكبر فيك والــرده
والا فيـامـا ويـامـا طـعت شـور لئـــيم

ما زال خوفي من ذنوبـي مع المـده
والخوف ممـا هقيـت إنه حسانـي مقـيم

إن كـانـها رحمتـك فالحال يا سعــده
وان كـانـها بـعملــي فأنا شقــي كظــيم

يا واسـع المغفــرة يا فــارج الـشــده
يا منزل الغيث يا محيي العظام الرميم

يـا رب عبــدك ف بـابـك رافــع يــده
عفوك وغفرانك ورحمتك بي يا رحيم

قــاضب بحبـل الرجـا يا رب وأشـده
لا ينقطع بي على صراطك المستقـيم