[-ـ_ الجنة أغلى _ـ-]

ابي ابكي من الضيقة وبعزف للهموم الحان

أبي أطلق مواويل الحزن وبطرح كل دواويني

ابي أشكي ابي أحكي ابوصف للبشر حرمان

أبيهم كلهم يدرون ابيهم يشعروا فيني

ابي لامن طرى اسمي بكى من لوعتي شيبان

أبي لامن طرى عاشق ذكر من كان يغليني

ابيهم يذكرون إني صرت بدمعتي غرقان

ابيهم يعرفون الهم هو اللي صار يخاويني

أبي أصرخ وابلغهم واقول إن الفرح خوان

يجي مرة معاي وهو طول العمر ناسيني

أبي أترك لهم قصة وأخيرهم على العنوان

يسموا "حزن" يحطوا "دمع" ..ماعاد يعنيني

ابي لامن وصل صوتي يحس بضيقتي انسان

أبي لامن نزف جرحي لقيت اللي يداويني

أبي شخصٍ يجي يمي ويقفل للعنا بيبان

أبيه يكون لي خلٍ وعلى حزني يواسيني

ابيه لمركبي مرسى وأبيه لغربتي أوطان

أبي لامن ذرفت الدمع لقيته لي يعزيني

أنا مابيه يصبح ضلع أبي يكون لي ضلعان

ابي لامن مشيت وطحت يحط ايديه بإيديني

إلا من خانني التعبير أبيه يكون لي لسان

أبي لامن سكت ألقاه.. يفهم من نظر عيني

أبي لامن تعبت وضقت يلم الروح بالاحضان

أبيه يكون لي كتابٍ إذا ضاعت عناويني

أبي واحد يسكن بي وابطرد لاجله السكان

أبي يسكن وسط قلبي وعمره مايخليني

ابي أشعل شموع الحب وبأعطي من الغلا بستان

ابي أهديه باقة ورد...مسقيها شراييني

مع تحيتي ... الجنة أغلى ’’’