[غزة الجريحة]

بسم الله الرحمن الرحيم

هذى القصة قبل يومين فقط

ساروي لكم القصة على لسان صديقتى..


امها كانت مداومة على الصلاة ودايما تقرا قران وتحن على اولادها وبناتها ولما حد من اولادها يغلط ما تحكى لزوجها(ابوهم )حتى ما يضربهم

الفترة الاخيرة تغير الوضع صاروا الكل يشك فيها انها بتكلم راجل على الجوال من ورا ابوهم

وصديقتي هي اول من كشفتها ونصحتها لكن امها ما سمعت ..صديقتى بتقولى انها حاسة انو امها مغصوبة على هالشي.. وصديقتي اكثرت عليها الاسئلة هل حد بدايقك هل حد ماسك عليكي شي؟وامها تنكر

بعد فترة الوالد صار يشك فيها ويراقبها لحد ممسكها ولكن هي انكرت بالاخر..

والوالد سامحها ... بعد فترة ابنها الوسط راح اخذ هذا الجوال واعطاه لاابوه وقله امى بتكلم راجل على هالجوال .. والاب مايخلى ولامسبة ولا كلمة الا وحكاها الها وضربها وحرقها بالسيجارة

بالاخر اعترفت انو هدا الراجل من منطقة بعيدة انو هو اللى كان يبعتلها بالاول وهي كانت تبعتله رسائل وبس مش اكتر وانها مستحيل تخون زوجها .....الخ


وانقلبت حياتهم نكد وغم وهم.. وكل الخوة وقفوا ضد امهم الا صديقتي وقفت مع امها ..حكتلى صديقتي صح امى غلطانة ..بس ماتنسي انو الجنة تحت اقدام الامهات وامي محتاجة لى هاي الفترة كتير وبكفى اللى عمله معاها ابوية ...

وبالنهاية بضل امي وبكفى انها كل يوم بتحكيلي الله يرضى عليكي ""بتقولى صاحبتي حتى لو هى غلطت انا مسامحاها"" وبنفس الوقت انا عاذرة ابوية



لكن صديقتي مو مسامحة اخوها اللى فتن على امها وبتشوفو زي العمى وصارت تكرهه كره العمى وكل يوم بتدعى عليه يموت لانو هو السبب في دمار العيلة كان مفروض ياخد الجوال ويعطيه لاخوها الكبير مش لاابوها



شو رايكم...

والدتها تابت وعرفت غلطها وبتحاول ترجع العلاقة مع زوجها بس مش عارفة كيف؟

الوالد مش هاين عليه فيها وسامحها وما طلقها لكن بعاملها اسوأ معاملة؟

واخوها انا برأي انو ولد عاق..لانو لما اخته(صديقتي )حكتله ليه فتنت عليها ابوية حكالها انا متعمد لانها مش امى وبكرها ...مع انو هو اكتر واحد بغلط عليها وعلى ابوه وامه وامه دايما بتداري عليه ومابتخبر الوالد


ارجوكم احكو ارائكم بجدية

وعادى ما تخجلوا وووعد منى شو متكتبوا راح اخليها تقرأه؟؟؟