[^انفاس الصباح^]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

حبوباااات عملت مبارح فروجة رووووعة ، و نكهتها بتجننن ، بكفي إنها شغل بيت و أنضف من شغل المطاعم ...

نبدا بالمقادير و الخطوات سوا :-
اول شي بنحضر التتبيلة ( تتبيلتي كانت : 4 حبات توم مدقوقين / معلقة كبيرة لبن زبادي / معلقة كبيرة معجون بندورة / 3 معالق كبار زيت زيتون او زيت نباتي / 3 معالق كبار خل / 1 معلقة كبيرة زعتر ناشف / عصير نص ليمونة + برش الليمونة كاملة / بهارات مشكلة ( قرفة ،، بابريكا ،، فلفل أسود ،، بهار مشكل ،، معلقة صغيرة ملح ،، نص معلقة صغيرة كركم )

هاي شكل التتبيلة بعد الخلط

هلأ بنعمل شقوق بالفروجة و بنعملها مساج بالتتبيلة اللي حضرناها أول و حاولو تدخلوها بالشقوق و تحت الجلد و جوا الفروجة + نص الليمونة التاني بنحطو جوا كمان

هاي الخطوة اعملو قبل بيوم عشان تتشبع منيح بالتتبيلة و تستوي بسرعة

بنجيب صينية تيفال و بنمد عليها قصدير و بنحط بصل شرائح + بطاطا (دهنتها بالخلطة شوي)

هلأ بنحط الفروجة اللي تبلناها و بنسكرها منييييح بالقصدير ( لو كان القصدير رقيق حطي طبقتين و اكتمي نفسها )

يـــــتـــــبـــــع يا كتاكيت لا تردو

هلأ بنحط كاستين مي بالصينية و كل ما تقل المي بالشوي بنزيدها

بنتركها من ساعة و نص لساعتين عشان تستوي منييييح (اول تلت ساعة على حرارة 180 بعدين بحطها 160) و بنحمرها من فووق

هون بعد ما استوت ،، شايفين المي اللي بتنزل من الجاجة ،،لا تكبوها أبداُ لئنا حنعمل فيها الرز ،،و هاي المرقة اللي بتعطي الرز نكهة خياااال (للأسف نسيت اصور الطريقة من العجلة بس واضحة كتير )

لعمل الرز :-
بنصفي مرقة الجاج بمصفاية ،، و بنكون ناقعين الرز من أول ،، و بنحط المرقة عالنار لتغلي بندير عليها الرز ،، ازا احتاجت ملح زيدي و ممكن تضيفي شوية مي ازا المرقة ما كفت للرز

بعد ما يستوي الرز بنحط الفروجة معو بالطنجرة و بنولع فحمة و بنحطها بفنجان قهوة فيه زيت زيتون

و بنسكر عليهم منيح عشان ياخدو ريحة الفحم

هاي شكل الطبق بعد ما خلصت

تم بحمد الله

ان شاء الله تعجبكم حبيباتي

[^انفاس الصباح^]

نسيت اكتب ان الموضوع منقول

[ام لولة]

سلمت يمينك اختي الكريمة انت وصاحبة الطبخة.

جزاك الله كل خير.

[رذاذالمطر]

يسسلمواا علي النقل الجميل

[^انفاس الصباح^]

مشكورة اختي ........يعطيكي العافية

[^انفاس الصباح^]

[يووم جديد]

يعطيك العافيه

[^انفاس الصباح^]

[صحبة الرسول]

شكرا على الوصفة و الصور