[جوهرة عالمها]

اختي شيبس
اسال لله العظيم في هذه الساعة المباركة في الثلث الاخير من الليل ان يفرج كربتي وكربتك وكل من هو مكروب
ويجيب مطلبك ويحقق لك مرادك
يالله يامجيب الدعاء اجب طلبها وطلبي وكل من هو في هذا المنتدى ومن اجاب على سؤالي ومن لم يجب فليس لنا رب سواك فلك الحمد والشكر
ولك الشكر يا حنان يا منان يابديع السموات والارض
اللهم صلي وسلم على سيدنا محمد وعلى اله وصحبه وسلم تسليما كثيرا

[ام لنا]

يااختي جوهرة عالمها
بنتك توها صغيره خليها تكبر بس وهي بتعرف مين الي يحبها ومين الي يكرهها وبعدين فيه رد لوحده من الاخوات قالت فيه ان بنتك لما تروح لهم في ال كم ساعه هذي يدلعونها وهي تفكر انهم كذا .........

اخت زوجي مثل حالتك بس هي عنده ثلاث وتخيلي لما يجي ابوهم يوديهم ماكدونالدز ويخليهم عنده كم ساعه ويجيبهم لها تخيلي يبكوون عليه ويكرهون امهم ..... جاء يوم من الايام واخذهم عنده وظلوا معاه مدة ثلاث شهور والله لو اعلمك وش صار فيهم ماتصدقين ولا احد يمكن يصدق بنتها رجعت لها وهو (( ابكي لما اذكر ذا الموقف حسبي الله عليه)) مطفي السيجاره على صدر البنت ... لما سئلناها مين عمل كذا معك تقول بابا ؟؟ طيب ليش؟؟ ماتعرف هي وش سوت طبعا عمرها 4 سنوات......
اتوقع ان البنت ضربت بناته الي من الحرمه الثانيه قام يأدبها بذي الطريقه ... رجعها لامها بعد ثلاث شهور صارت البنت ماتبكي وماتبيه واذا عرفت انه جا ياخذهم ماتطلع له ....
ولدها اخذه سنه كامله وهو طلع معاه بدون حتى رضاء امه وعمره 10 سنوات طبعا ذاااااااااااق المررر عنده وصار يبكي يبي يرجع ولما وداه زوجي للمطار صار يشكي له عن معاملة ابوه وزوجة ابوووه وانه يبي يرجع .. والحين رجع لها وشوفي كلهم كرهوا ابوهم ومردهم صار ل امهم ...

خليها بس تكبر وهي بتعرف من الي يحبها ..... تحلي بالصبر وهي بالنهايه طفله .........
دعوااااااااااااااتي لك ولبنتك الله يخليها لك ولا يحرمك منها ..........

أختي انا مطلقه وعندي بنتين وهما معي من يوم يولدوا ابوهم ما يعرف عنهم شي الا في النفقه
وبعدين تزوج والكبيره عمرها سبع والصغيره عمرها 4
ولما زارت الكبيره كان رد فعلها مثل بنتك تماما وكانت تسوي مقارنات بيني وبين زوجة ابوها وتقول هي احسن منك
وتسميها ماما موضي وقررت انها خلاص راح تعيش معهم وتتركني
انا ما عارضت قلت في نفسي يمكن زوجة ابوها تخاف الله وحريصة على اسعاد الصغار وان عاشت معهم بنتي لن اعارض لاني اعرف انها بين ايدي امينه
ولكن سبحان الله مع الوقت بنتي صارت ما تبيها وتزمل(تشيل هم) جدا اذا جاء وقت زيارتهم
احيانا ترفض تروح
لأنها رأت الفرق بين امها ومرت ابوها

أختي اللي في بنتك نوع من تجربة شي جديد وهم هناك يعطوها حلاو وهدايا ويعاملوها برفق لانها ضيفة
بس صدقين لو تجلس كم يوم عندهم راح تشتاق لك وراح تبكي لمين ترجع لك من اشتياقها لحضنك

انتي اصبري وكل شي بيكون تمام .

[تاج راسي أبوي]

أختي هذا شي عادي وطبيعي والطفل اذا عرف نقطة ضعف امه يكرره عليها

صدقيني راح تكبر وتعرف الام ايش ؟ وزوجة الاب ايش ؟ لاهنتي والله يفرج عنك

[جوهرة عالمها]

ام لنا
الله يجزاكي خير ماقصرتي انتي والاخوات ريحتوني
والله جالسة ادعيلكم وانا صايمة

[جوهرة عالمها]

ام محمد
تصدقين لمن قريت رسالتك بكيت
لكن اسال الله انه يهدي بنتي وبنتاك ويحببهم فينا
الله يجزاكم عني كل خير

[جوهرة عالمها]

ياج راسي ابوي
الله يفرج همك وعلى قولتك حتى هيه صارت تعتبرها نقطة ضعف لانها تشوفني ابكي وهيه خارجة فصارت تهددني ترى
ترى بروح لبابا 0000 بس صرت اقلها ايوه شاطرة تروح بنتي لابوها

[شيبس بارد]

لاتبكين وتعودي انك تخلينه مع ابوه واذا جات تروح اعطيه سجاده وعطرلي زوجة ابوه علشان تعرف ان نيتك زينه فيه وفرج ربي كربتك