[بأستغفاري احقق احلامي]

يارب سامحني اولا شكرا لتواجدك في صفحتي وثانيا كلنا مو متعودين ع الاستغفار بس سبحان الله من تجارب النااس احسست اني في غفله قلت ليش انا بعد مااستغفر ليه اهم شي حطي في بالك ان ربي بيحقق لك هالشي مثلا اجلسي كل يوم لمدة عشر دقايق فقط واستغفري قولي استغفر الله او استغفرالله واتوب اليه شوفي الطريقه الاسهل او مثلا بعد كل صلاه استغفري 20 مره تخيلي باليوم 100 مره او بعد كل صلاه 100 مره تخيلي تكون 500 مره وانا اتحدا اذا خذت منك ال100مره اكثر من دقيقه ونص تخيلي المهم اللذه والسعاده تحسينها تدريجي وكل ماضاقت عليك استغفري حتى لوماشفتي الفرج لحظتها اكيد ربي يرد عنك شي اكبر واهم شغله الاستغفار والدعاء يبيله صبر ممكن في في لحظتها وممكن شهر او 3 او5 او حتى سته اشهر بس لاتستعجلين الدعاء وتأكدي الفرج قرييييييب بأذن واحد احد انا بصراحه جالسه استغفر وان شاء الله ربي يحقق لي اللي ابيه تكفين لاتحرميني من دعوه في ظهر الغيب واذا استفدتي من كلامي ارجو الرد الله يفتح لك ابوب رزقه عاجل غير اجل...دمتي بووووووووود

[بأستغفاري احقق احلامي]

للرفع.............

[ورود الزيزفون]

الله يكتب لكي الاجر على كل حرف في هذا الموضوع والله يفرج عنكي كل هم

دعواتكي لي اختي بتفريج الهموم ...........لاهنتي على الموضوع أستغفر الله استغفرالله وأحببت ان اضيف شيء بسيط لابد ان يكون الاستغفار باالاستشعار وحضور القلب لتقع الفائده وشكر الله لكي

[بنت سوزان]

انا بقول لكم عن تجاربي مع الاستغفار والي اشوف انه حلم وربي حلم

سبحان الله مااحسن عطاياه

شي الكثير غافل عنه مع انه احس معجزه

الي هو الأستغفـــــــــــــــــــــــــــــــــــــــــار

كنت اسمع عن الاستغفار وشفت كتاب اسمه التداوي بالاستغفار وعجبتني القصص الي فيه

ورحت وفتحت قوقل وكتبت تجارب الاستغفار وجلست اقرى و تحمست مررررره


وبعدها قررت استغفر 1000 مره باليوم

وكنت بوقتها مقدمه على وظيفه

وكانت نيتي وقتها للزواج وربي شهر بس واخطبوني 2 وكلهم ماشاء الله

بس واحد رفضوه اهلي علشان متزوج

والثاني استخرت وماارتحت

وسبحان الله جاء معهم الرزق تم قبولي بالوظيفه وماتدرون وش قد فرحتي وسجدت شكر لربي


ياللله بسسسسسسسسسسسسسسسسس


وبعدها يوم توظفت والله ثم والله ثم والله جاني رزق وخير مايعلم فيه الا سبحانه

ودي ابكي ماادري من وين يجيني احس غمضت وفتحت والرزق قدامي وربي اني

اول اذا كلمت البنك استفسر مثلا عن البطاقه ولا اي شي يكلموني كاالعاده بالسيده فلانه


والحين عقب الخير والله انهم مايكلموني الا استاذه فلانه

وكنت اول والله ان البطاقه مع زوجه اخوي لان مافي رصيد عندي يعني صفر وهي تستعملها

علشان الاسهم طبعا لها وبالاخير تعطيني 200 ريال علشان البطاقه حقتي وهي داخله باسمها


قولو ماشـــــــــــــــــــــاء الله تبارك الله



وبعد ماشفت الخير كنت كل من اشوف احد اقوله عن الاستغفار وقصتي معه وقصص الناس

ومره كنت اقول لااخوي عنه وكان مايهتم ابدا وكان متهاون بالصلاه ويدخن وهو متزوج

المهم جاء يوم من الايام قبل رمضان هاذا بيوم وكان قبلها ماراح الدوام وكان غايب يمكن اربع ايام بدون

عذر وهو عسكري

ودق عليه المدير علشان يداوم ويقول لازم يستلم لمده 15 يوم علشانه غايب بدون عذر

واخوي رفض بالمررره وقال ماني مستلم وماني مداوم

المهم المدير كلم اخوي الثاني واخوي كلم امي وقالها السالفه وامي دقت عليه تهاوشه وتنصحه

وتحاول فيه لين رضى ...

المهم يوم رضى وهو شايل هم لانه بيستلم برمضان وصيام ومن هاذا و يوم راح اليوم الي الثاني

للعمل طبعا استلم اول يوم وبعدها بالليل يقول تذكرت كلامك وانتي تتكلمين عن الاستغفار

يقول جلست استغفر قبل انام لين نمت ويوم جاء الصباح وانا بستلم الا شافني المدير وقال خلاص

اطلع بيستلم الي بعدك ويقول استغربت وقلت له مو انت تقول اني بستلم وقال المدير لا خلاص الي

بعدك بيجي وانت روح بسلامتك .. يقول انا ماصدقت خبر وطلعت وانا فرحان وتذكرتك على طول قلت

من الاستغفار

وعاد وانا جالسه بالمطبخ العصر برمضان الا وجوال امي يدق وصار هو وهو فرحان ويعلمها بالسالفه

وامي ماتتصورون وش قد فرحتها والله من بعد هاالسالفه هو تاب وصار يهتم بالصلاه ويحاول انه يترك

الدخان

حتى زوجته تقول انه يبغى يختم القران معي وصار كل ماشاف احد مهموم ولا فيه شي جلس يقول له

عن الاستغفار .. الحمد لله رب العالمين


واخوي الثاني اكبر مني بس كان احسن من الاول يعني بسرعه يتاثر وكان لسه متزوج

وعليه دين ووالله انه ياخذ فلوس البنزين والخبز من امي لين يجي الراتب لانه مديون من جهتين

ومايكفيهم راتبه .. وبعد ماقلت له عن الاستغفار وهو ماشاء الله مايتركه والله حتى اذا ركبت معه

بالسياره يوديني مشوار بس ساكت ويستغفر والي يشوفه يقول يحسب وهو جالس يستغفر باصابعه

ووالله من بعدها وحالته ماشاء الله والخير جاءه

والاجازه الي راحت راح هو وزوجته وسافرو يتمشون راحو لاابها ومكه والمدينه

وحالتهم ماشاء الله حتى صار والله هو الي يعطي امي فلوس واول كان هو الي ياخذ منها


ماشــــــــــــــــــــــــاء الله تبارك الله


والحين انا صار لي كم يوم استغفر بنيه الزواج لاني انشغلت بالوظيفه وماعاد فكرت بالزواج


والحين بديت استغفر بنيه الزواج واقوم الليل بركعتين وادعي وبعد الفجر اقرى سوره البقره

وكثير هنا من المفسرين بشروني بالزواج بالرؤى


واختي اول مره تستغفر وهي حامل بعد ماعرفت بفضل الاستغفار والله ثم والله انها فرحانه وتقول احسن ولاده لي هاالولاده حتى

الدكتور يقول

ماشاء الله ولدتي سرعه والرحم عندك ممتاز


الحمد لله


ماشاء الله تبارك الله


ويارب تستفيدون وادعو لي

[اموت واشوفك]

والله الذي لااله الا هو ان بالاستغفااااااااااااار انحلت لي امور كثيره

واني فتره قعدت استغفر بنية الوظيفة ولا اسمع اغاني وابتعد عن مايغضب ربي..والمهم جاتني وظيفه عالكيييييييييف وراحة ورزق والحمدلله..

اذكروا الله

وادعولي بالزوج الصالح

[بأستغفاري احقق احلامي]

ورد الزيزفون الله يفرج لك كل هم ويفتح لك ابوابه المغلقه ياااااااارب عاجل غير اجل ...دعواتك ربي يجمعني باللي ابيه.......

[بأستغفاري احقق احلامي]

نوووووووووووووووووووني الله يفتح لك ابواب الرزق ويزيدك الله لايحرمنا جميعا شكررا ع مرورك

[بأستغفاري احقق احلامي]

امووت واشوفك الله يرزقك بالزوج الصالح يارب ويرزق كل محرروم ..لاتحرموني من دعوه في ظهر الغيب ان ربي يجمعني باللي ابيه عاجل غير اجل .......

[قلبي طيب]

استغفر الله

[بأستغفاري احقق احلامي]

استغفر الله الذي لاإاله إالاهو الحي القيوم وأتوب إليه..