[فدوووش]

نسيتني علمني وشلون ابنساك

في هالزمن نسيان الاحباب عادي

وشلون لامرت على البال ذكراك

وطيفك سرق مني لذيذ الرقادي

وشلون لاقالوا لي الناس وش جاااك

من كنت في لذة منامنك تنادي

وشلون اعيش اللي بقالي بلياك

لااامن غدينا كل واحد بوادي

لو قلت اداوي جرحي اللي تباطاك

ماكل جرح يفيد فيه الضمادي

اعلنت حبك لين كل تمناك

غلطه وغيري من خطاي استفادي

لو لي مثل قلبك تمنيت فرقاك

واكيد قبلك بالجفا صرت بادي

كن هالليالي ودها تكسب ارضاك

وانا يطول مع الليالي جهادي

في ذمتي ماهي غريبه خطاياك

مبطي وقلبك لوتنبهت غادي

سهله على من كان مثلك وشرواك

مثل الثياب يغيروون المبادي

علمني اكره ذكرياتك وطرياك

وانسى من الليله صدوق الودادي

ولاني بقايل عقبها وين بلقاك

راضي ولو جروح قلبي جدادي

ولا القصايد جعلها من فداياك

لبستها مبطي ثياب الحدادي

باكـر على المخطي يدورن الافلاك

ونشوف من يصعب عليه البعادي






منقوول

[الملكه شهرزاد]

قصيده جميله جدا تعبر عن مافي داخلي مؤثره

[ملامح فرح]

قصيدة جميلة ....تسلم ايدك يافدوش