[سونالي]

بسم الله الرحمن الرحيم
... السلام عليكم ورحمة الله وبركاته ..
اخواتي انا كل كم شهر اغير من شكل الغرفة حقتي
بس الالوان هيا هيا ( درجات الوردي والموف ) بس ابغى افكار حلوة الحين صار لغرفتي الله يطول بعمرها
يارب حول ثلاث سنوات يعني نفس الاثاث ما تغير بس الترتيب والشكل يتغير يعني الديكور الخارجي
الحين ابغير شكل الديكور الحين أنا حاطه بالغرفه فراشات ولها تقريباً سنة ما غيرت الفكرة لأني مولاقية
افكار جديدة وحلوة .. طبعا احب الألوان البنوتيه والاشكال البنوتية..
واتمنى تساعدوني ..
غرفتي مكونه من دولاب _ سرير . وفوق السرير رف على الجدر _ وتسريحة _ كوميدينو وحده _
وكنبتين وطاولتين صغيره وكبيرة _ والكمبيوتر مكتبي _
ياريت تساعدوني بأي اقتراحات جديدة او افكار حلوة تغي من شكل الغرفة ابدون ما اغير الاثاث
ولو عندكم اقتراحات بمشتريات اثاث جديد او قطع بسيطه اضيفها او استبدلها افيدوني بآرائكم
وجزاكم الله خير
اختكم سونـــالي

[بنوتة زايد]

حبوبه حاولي تستغنين عن الكنبه واتحطين شيزلونج ويكون صوب الستاره وعلى وحطي طاوله على طرف وحطي عليها ابجوره غاويه ومزهريه من الزجاج المعشق وفيه ورد انتي وذوقج بس يستحسن اتحطين مزهريه وورد وشيلي الرف الي عالشبريه اقصد السرير وحطس لوحه فيها برواز غاوي واتكون عوده شوي وحاولي تاخذين كوميدينو ثاني واتحطينه وان ماحصلتي كوميدينو يشبها خذي كميدونوين يقاربون السرير وحطي عليهن ابجورتين غاويات ولو تاخذين كفر يديد واتروحين تاخذ كوشنات ومفارش امطرزه الي يبيعونهن واتصفينهن عالتسريحه وعالسريري ابطريقتج بيغيرلج وايد في الحجره وخذيلج اكسسريز شرات الشمعدان المذهب وصناديق غاويه وابجي بتحسين ابتغيير واختاري لون يكون بارز عالصبغ يعني هب شرات لون الصبغ لانه بتحسين كل شي على بعض

وهذا رايي وانشالله خواتي يفيدونج اكثر

في داعة الله يالغاليه

[سونالي]

هلا والله بنوته زايد ..
فكارك حلوه بالترتيب مشكوره بس حبيت اغير الشكل انا راح امشي على طريقتك بإذن الله بس ابتر ك شيء معين
ملفت ... يعني وش تنصحيني فيه
اختي قالت لي خلي الشكل ياخذ فكرة الورود والفراشات مع بعض
انا حاطه عل الجدر فراشات بصدر الغرفة ..ممكن استغني عنها بلوحات .. والله محتارة

عالعموم مشكورة وما قصرتي

اختكم سونــالي

[بنوتة زايد]

شوفي يالغلا تقدرين اتشلين هالفراشات واتحطين لوح بطريقتج وذوقج او اتيبين شخص يعرف يسويلج حركه عاليدار بطريقه حلوه مثلا رسمه عاليدار الي عليه فراشات او اتسوين مثلا نوع من الصبغ عالمكان واتحطين لوح وشوفي حبوبه انا بييبلج صور مقاربه عن الفكره وبنزلهن اذا بغيتي
في داعة الله يالغاليه

[بنوتة زايد]

يالغلا حطيتلج هني صور الكوشنات











وهني صور الشباري وش وفي الحركات الي عاليدار



[url=http://uaeup.net][/url

وشوفي يالغاليه حركة الجدار هنيه بطريقة اللوح





وهني المفارش والكوشنات بعد عالشبريه انا مسويه شراتهن تقريبا بس البيج والباذنجاني وظهر غاوي خذت المفارش والكوشنات من مكان وصفيتهن عالكفر وبعد عالشيز لونج





وان بغيتي اي شي يالغاليه مايردج الا لسانج وانشالله بحاول اييبلج افكار ان بغيتي

في داعة الله حبوبه

[سونالي]

اهلين والله
يا قلبي والله تسلمين
جيبي افكار كمان بصراحه ذوقك فعال وصدم بذوقي
انا احب درجات الوردي والموف وغرفتي حالياً بالالوان هاذي
عجبتني فكرة اللوح خلف السرير ومن الجوانب
وكمان الخداديات اللي باول صورة راح اسوي زيها تقريباً لانها ابداااع
ويا ريت اختي بنوته اتجيبين لي افكار غير الفراشات على الجدر
ودخلتي ابراسي اسوي حركة في الجدر يعني اجيب ارفف حلزونيه وارص فيها عدة لوحات ..
ان شاء الله راح ابدع بالغرفه بمساعدتك اختي الغاليه
الله لا يحرمني منك وجزاك الله كل خير يارب
اختك سونــالي

[بنوتة زايد]

انشالله يالغلا بحطلج صور زياده وانشالله اتعيبج الصور