[جده فارس]

يسلمو ع الموضوع الحلو

[شوق27]

تزعل واراضيك

تزعل واراضيك وازعل منك وترضــــــيني ********** وازعلك واعشقك لامـــــنك تزعلني

وتشتاق واجيك وانا اشـــــتاق وتجينــي ********** وتشتاق واتغلى وإذا اشتقت تجنني

تشكي وانا أشكي ودمعك تسكبه عيني ********* شفت إن دموعك ليا من ضقت تعذبني

إن قلت أبنساك قلبي صــــــــار ناسيني *********وجـــــاك وتركنــــــي ولافكر يكلمني


اضـــحك واصــــــافق يديني يوم يخليني ********* مايدري بانــــــــي أداعب بسمتك لاني


أغار من ايدك إليا جـــــــــات في يديني ******* لأجل أنا اقول انســــــــــاني ورح عني


مسكين قلبي يحبك مــــــــــادرى فيني ******* إن مـــــــــــوتي لاغبت ولاجاء مايطمني


هذا انت تزعل وانا أراضيك وترضينــــي ******** وهذا انـــــــــا ازعلك وانت تزعلنـــــــــي


ايمن اليامي

[طال السفر]

من روائع الأمير الشاعر / بدر بن عبد المحسن و التي تغنى بها الفنان محمد عبده .


كل ما أقفيت ناداني تعال
.........وكل ماأقبلت عزم بالرحيل
وكل مااجنبت واعدني شمال
.........ياهل الحب ضيعت الدليل
الحقيقة غدت مثل الخيال
.........هو عدوي وهو أغلى خليل
شفت أنا الظلم من بعض الدلال
.........يجرح القلب لو أنه جميل
اشهد أن الهوى مابه عدال
.........هو خلي و أنا قلبي عليل
وكل ماقلت له يابن الحلال
.........المحبة عطا و أنت بخيل
ألتفت لي و هو عجل ٍ وقال
.........لذة الحب في الشيء القليل



. أرجوا أن تنال إعجابكم .

[Ŝђǿǿq Ťąbσύĸ]

الــحـــب / \ المحبـــه حديث الناس والســاعه = سالفتهـــا تطـول ودربهــا سيــره !! من زمــــان وثراها تبكـــــي أوجـاعه=وما أمطــر الغيـم غير الخــوف والحيــره !! كل مانسنس الطاري بذعذاعه =هزت الريـح قلبيـــن وسمــا ديـــره !! حيــر الحب ناس بغربة أطبــاعه= بين حلو الخيـــال ومر تفسيــــــــره !! فيه حب ارتباط وسمعٍ وطــــاعه = وفيـــه حب وهيـام ونــارٍ وغيـره !! فيه حبٍ وراه أهداف طمـــاعه =وفيـــه حــبٍ يعزه بس تقديـــره !! فيه حــــبٍ بعقله يرسم أوضـاعه=وفيــه حــبٍ بقلبــه صـار تفكيـره !! فيـــه حـــبٍ حدوده همــــس سمـــاعه= وفيــه حـــبٍ مقاديره مقــاديـره !! فيه يامــا ,, ويامـــا ناس ملتـاعه = اللـــه اللي حرمهم ماحـــــدٍ غيــره !! وفيـــه ناسٍ تحط الحــظ شمـاعه != وتبجــح بقولة علهـــا خيــره !! ياهو الحكـــي يجرح درب مرجــاعـــه = كبـــر ذنبــه يغص بحلق تكفيـره !! ياهو الصمـــت يظلم لهفة أتبـاعه = ضيع اللي يخــون وبان تقصيـره !! والمحبـــه من الله لو هي بساعه= اللـــه اللي يسخــر جل تسخيـره !! الله أكبــر عليها ياهي طمــــاعه=رغم نــار الأسـى والشـوق والحيـره !! / \ فــيـصــل الـمـجـفـل

[شمس نجد]

اللي شفته في وصالك مو شويه
............... كيف أصبر وأنا في وصلك أعاني
جيت لك شايل خفوقي بين إيديه
............... ما بغيت إلا من أيامك ثواني
ما هقيت الدنيا في قرْبكْ رديّه
............... وقلبك اللي لو طلبته ما عطاني
البقا .. ما باقي في قلبي بقيّه
............... مدري منّك طعنتي أو من زماني
لا إترجاني وأعدّي لك خطيّه
............... وكل ما أزْعل تسمّعْني أغاني
(( أعْطِني حُرّيَتي أطْلِقْ يَدَيّه ))
............... إنّني أعْطِيْتُ ....... لَكنّك أناني
بس تبي تاخذ ولا تردْ العطيّه
............... وغيرك أعطا بس منّك ما خذاني
ما أبي منّك عطورات وهديّه
............... بس أبي قلبك يبادلني حناني
غيرك أصلاً إحْتَرق قلبه عليّه
............... باع عمره وكل ما يملك عشاني
قلبي تفاحه ... وحُبك جاذبيه
............... ما نطرني أستوي .. وفجأه كلاني
لا تجيني تعتذر عينك قويّه
............... قلبك إنتَ من عذاريبه ملاني
غلطتي حبيت .. وكلّي عاطفيه
............... ما أشوف العيب وإحساسي عماني
وإلا أنا لو صار ضدي ألف وميه
............... ما يهزْ إنسان في لحظه كياني
يا حسافه بسبّتك شفْت المنيه
............... كنت اظنك شيء وشفتك شيء ثاني
وقلبك اللي كان مجهول الهويه
............... عادي عنده لو خذا غيري مكاني
والجروح اللي من أسبابك نديّه
............... إصرخت لك ..بس يا جارح كفاني
قصتي وياك جداً واقعيه
............... ماهي حلمٍ مر في بال الأماني
مامداني أكتب ابيات الوصيه
............... والكلام ثقيل احسه من لساني
والقصيده ليه ماصارت وفيه
............... لما أكتب فيك ماالقى المعاني
والنهايه تكفا بس ((إطلقْ يَديّه ))
............... ((هلْ رأى الحبُ)) مثل قلبك أناني
يا محامي روح وإرفع لي قضيه
............... قلبي مجني وهذا في إيده نهاني



احمد الصانع

[شمس نجد]

شاعر أنا ياحنين الأمس محتاجك
....................... أبغاك لامن طرقت الباب .. تفتح لي !

مشتاق والله كثير لراحة إزعاجك
....................... مشتاق أحسّك مثل ماكنت تفرح لي

ماتذكر الحلم يوم ينام بـ ادراجك
....................... تعال فسّر غيابه ليه !؟ واشرح لي !

مشتاق أداعب بحرك وألمس امواجك
...................... مشتاق ألامس عميقك وانت تسبح لي

تعال واشعل بصمتي كلمة سراجك
..................... تعال لكن إذا ماجيت لك ... رح لي !!

ماجيت أجمّع جروحي قاصد احراجك
..................... جيتك أببكي وابيك الحين تسمح لي !!

بـ بكي على الناس والإحساس لاماجك
.................... بـ بكي على الموت يوم إنه يلمّح لي !!

بـ بكي على الجوع والموجوع لاداجك
................... بـ بكي على الكون والمدفون في وحلي !!

بـ بكي على الروح والمجروح لا هاجك
.................. بـ بكي على الحب يوم الحب يلوّح لي !!

ياخطوة الحلم نامي وسط ديباجك !
.................. وإلا اتركيني .. وخليّ الدرب .. وارتحلي !!

الموت لامن بكيت وجيت .. محتاجك !
................. وطرقت بابك .. ولابه ناس .. تفتح لي !!



بركات الشمري

[شمس نجد]

وش الحيله اذا قلبي يحب.. وصادق الإحساس
كأنك بس في الدنيا ..وجروحي ماتبي غيرك
اجيك ايدي على قلبي .. واكتم داخلي الانفاس
اموت وماابين لك .. وامسي لك على خيرك
اسلم لك انا نفسي .. ويعاتب قلبي الوسواس
واجي طاير سما قلبك .. حبيبي يحضنه طيرك
فقير .. وجيت لك حافي وقلبي جوهرة ألماس
عطيتك كل ما عندي / عساي أحظى بتفكيرك
شربت الكاس لعيونك.. وأدري فيه سِـمْ الكاس !
كأنه .. منجبر قلبي .. على حُبك .. وتقديرك
كثير أشكال مرَّتني .. ومرَّتني كثير أجناس
رفض قلبي يكلِّمْهُم .. رفض واللـه تغييرك
خسرت الكل صدِّقني .. وقلبي أعلن الإفلاس
وإنت الباقي في عمري ..وعلي يا كُبر تأثيرك


احمد الصانع

[هذا المعرف مسجل مسبقاً]

موضوع رائع

تقبل مروري

[شمس نجد]

وصل ركب الرحيل لشاطئ الغربة ودار اجناب
............... بعد طول الطريق اللي تمادى.. واتعب اركابي
ضحك وجه المدينه للمسافر والوجيه أغرااب
............... وانا عابر سبيل وضحكتي مابينت نابي
وقفت انظر على شط المدينه .. والجروح أسراب
............... ولعنت ( أم الحنين) وسالت الدمعه على اهدابي
هنا كنت الغريب .. بلا حبيب..ولاوطن ..واقراب
............... حزين وماقدرت اجمع شتاتي ..واحسب حسابي !
حداني للسهر جرح(ن) سجني بين ناااب .. وناااب
............... وتركني بين صمت الذكريات بصفحة كتابي
حبيبي والغلا جرح(ن) ذكرته وانفتح له باب
............... وانا لوماذكرتك وانت ناسي .. ويش يبقابي
صحى هم الفراق ..اللي فتح للذكريات ابواب
............... وغفيت وماصحيت الا وطيفك يطرق ابوابي ؟
حبيبي ترسم الغيمه ملامح وجهك الجذاب
............... واشوفك وين مالد النظر مع كل هندابي !!!
ذكرت اول لقاء فيه اجتمعنا بالغرام احباب
............... الين آخر لقا منه افترقنا .. وآخر اتعابي
فداك الجرح ياوجه(ن) تركني للملام وغاب
............... بقاله في حياتي طعنتين .. وجرح ماطابي !!
انا اللي كنت اضيع بنظرتك شوق..ووله .. واعجاب
............... واظيق بغيبتك..وتظيق بي دنياي ..وثيابي
عطيتك قلب ..واشواق..وحنين ..وفيك ظني خاب
............... احسب انك تمنى رجعتي.. واثرك تسلى بي !!
تبعتك مثل ضحضاح السراب ..وجيت لك مرتاب
............... واشوفك مثل الامس المستحيل .. وباكر الغابي؟
حبيبي وانت ماتسوى ملام..ولاانت قد عتاب !!
............... تعداك الملامه .. والعتاب.. وشرهة ذيابي ؟!
خطاي اني تماديت بغلاك .. وماحسبت حساب
............... احسب ان الوفاء طبع البشر .. واحبابي ..احبابي
وعزاي اني ردعت القلب ! عن باقي غلاك وتاب!!
............... وصحى في داخلي طفل(ن) غرير .. وشايب اعرابي !!
حبيبي للصبر بال(ن) طويل وللجروح اسباب
............... وانا مارحت ادور للجروح .. اعذار.. واسبابي
حبيبي يوم شفت ان الزمان برجعتك كذاب
............... تركتك للتجافي .. والغرور .. بزحمة اصحابي
رحلت وقلت اسافر عنك ..واجزيك الغياب ..غياب
............... واببعد واستريح من السهر.. واريح اعصابي !!
هجرت ارض الجروح ابغى عن تراب الجروح..تراب
............... عساي انساك ..وانسى رجعتك .. والجرح.. وترابي!!
يطيب الجرح والا ياعسى جرح الهوى..ماطاب
............... تفضل هاك جرحك..واستريح .. وجرحي اولابي !!
طلع صبح الفراق بشاطيء الغربه ودار اجناب
............... ولعنت ام الحنين وسالت الدمعه على اهدابي !!

[طال السفر]

للرفع
الله على أيامك ياوفاااااا