[غيوم ممطره]

السلام عليكم ورحمة الله وبركاته



تضاريس الطبايع


ياصاحبي لا عاد تنشد عن سبب بغض القلوب
الناس في هذا الزمـن كـلٍ مضيّـع طاستـه

كلٍ يدوّر مصلحة نفسه ولـو كـان مغلـوب
يبي السعادة مادرى إنـه يشتـري تعاستـه

المال غيّر ثوب ناس وراح لبّس ناس ثـوب
غيّر تضاريس الطبايع مـن سبـب سياستـه

بالوقت هذا ما يعيش إلاّ المنافـق والكـذوب
وراعي البلاسه تدفعه يـم الـردى طفاستـه

كل المصايب من سبب كثر الخطايا والذنـوب
والنجس في قلبـه تبيّـن للبشـر نجاستـه

صارت مفاهيم الخيانه شي عادي ومحَسـوب
والشك وارد والحريـص تضيّعـه حراستـه

كل السلوم اللـي تعلمنـا تقفتهـا الهبـوب
ماضي جميل وجت سلوم بهالزمان وحاستـه

الله وأكبر يازمانٍ فات فـي عهـد الشعـوب
كان الولد يتعب شبابه فـي سبيـل فراستـه

كانت شقا كانت جهل كانت صراعات وحروب
لكن بعد كانت نوايا الرجل أسـاس دراستـه

كان الكرم والطيب وركاب المراجل ما تتـوب
تحفي قدمها والطريق اللـي تعشقـه داستـه

واليوم نمشي في دروبٍ غير عن كل الدروب
كلٍ يدوّر في حياتـه عـن سبـب وناستـه

هذا زمانٍ كل زينه شيـن وعيوبـه عيـوب
الطفـل مايقـدر يحـل الواجـب بكراستـه

وشلون تنشد عاد عن سود النوايا والقلـوب
برقٍ تخيله جو يشيلـون الضحـا عساستـه.


م/ن

[coco90]

سلمـــــــــــــتٍِِ اشكرك

[جمانة الرشيدي]

سلمت يمينك ياغيوم


اختيااار مميز

وصح لساان الشاااعر

[mohanad.]

وعليكم السلام ورحمة الله وبركاته
عاشت ايدك وصح لسانك