[Ŝђǿǿq Ťąbσύĸ]

لا شـكر عـلى واجـب إخـتـي وفـاااا

ولا يـهـم الـمـوضـوع بـإسـم مـن ...

كـنـت مـجـهـزه لـشـاعـر هـذا الإسـبـوع وإجـتـهـدت بالـخـلفـيـه وتـزيـيـن الـصـور والإخــراج

وأردت إنـزالـه لـيـلـة أمـس

لـكـن ضـعـف الإتـصـال عـنـدي مـنـعـنـي مـن ذلـك ...

واللـه إنـي كـتـبـت الـمـوضـوع مـن يـوم الـخـمـيـس وجـهـزت لـه

وعـنـد مـا أردت لـيـلـة أمـس أرسـالـي للـرد لايـنـرسـل أو يـعـطـيـنـي لايـمـكـن الـعـثـور عـلى الـمـلقـم

فـقـلت سـوف أنـزلـه هـذا الـصـبـاح فـلـم يـفـتـح الإنـتـرنـت إلا الأن

وبـصـعـوبـه بـالـغـه جــداً ...

وبـمـا إنـك إخـتـرتـي شـاعـر الإسـبـوع قـبـلـي فـسـوف ألـغـي شـاعـري لـهذا الإسـبـوع

فـلـعـلهـا خـيـره مـن رب الـعـالـمـين

[وفااا]

:
:
بـارك اللــه فيــكم

ولـم اجهـز شيئـا إلـى الآن
كمـا رأيتـي فقـد وضعـت روابط قديمـه لمواضيع في المنتدى
للأخت الرائعه قمر الرياض واخر لـي

لا يوجد شيء في بالي
بإنتظـار الشـاعـر الذي اختريتـه ويسلم راسك يالغاليه
إنتي راس المال

وسأعـود للإنضمــام معكن
بحول الله



ممتنــه جـدا لصفــاء قلبــك ... واصـالـة معـدنك

دمتي قريبــه أخيـه
:
:

[Ŝђǿǿq Ťąbσύĸ]

رائــعـــه وفـااا

إسـتـمـتـعــت بـديـوان سـعـد الـحـريـص ...

كـانـت خـلـفـيـتـي عـنـه قـلـيـلـه

وعـنـد قرأتـي لـمـوضـوعـك تـمـنـيـت إنـنـي قـرأت لـه أكـثـر

دمــتِ ودامـت ذائـقـتـكِ

[Ŝђǿǿq Ťąbσύĸ]

لاحـــرام أكـــرهـــك لا حرام أكرهك وإنت الحـلال الحـرام=ليـه أحملـك ذنـب الحـب وذنوبـي ليه أجي كارهٍ نصفي وصوتـي هـدام=أحفر عيوب غيـري وأدفـن عيوبـي ليه أناديك حلم العمـر تحـت الظـلام=وإنت وجـهٍ تلاشـى فيـه عذروبـي عيبك إنك تشب النـار بـرد وسـلام=ما تقول إحرقـي يـا نـار محبوبـي ما حيا الصدق فيك إلا بمـوت الكـلام=ولا رضيت الشروق إلا على غروبـي قبل أعرف السهر من قبل أعرف المنام=كنت أحبـك وأحـب الليـل ودروبـي جيت أبكرهك طاح القلب عشب وحمام=والتوى طفل يبكي فـي طـرف ثوبـي الــرائــع / ســعــد الـحـريـص

[شمس نجد]

غابت الشمس

غابت الشمس وإلا الحزن له مغربه
............... وين ابغرب وأنا حزني غروبه ثقيل

مجدبه ياجروحي والسماء معشبه
............... ساكنه والهوى ميل جريد النخيل

بارده ياحروفي والدفا موهبه
............... بارده مثل برد الخوف والمستحيل

صوت ابعيد في قلبي ياليت اقربه
............... وبين قلبي ومابيني طريقٍ طويل

ليت حزني مثل حزن البشر وأكتبه
............... وليت دمعي مثل دمع العيون ويسيل

أشهد اني ردي حظ وردي تجربه
............... وأشهد اني على بعض المشاعربخيل

ايه مذنب بهالدنيا وهي مذنبه
............... من دفا حلمي الطيب لبرد الرحيل

عذري اللي متعبّني وأنا متعبه
............... مال قلبي على بعض الهقاوي دليل

كل طيرٍ له اللي بالسماء يجذبه
............... وكل غصنٍ تجوز له الهبايب يميل

صرت أقول الكلام المر واستعذبه
............... صرت أخاف الدفا لوني وحيدٍ نحيل

كم صبرت وليال الصبر مستغربه
............... لين قلة حلاة الصبر لو هو جميل

الزمن صعب والنسيان يامصعبه
............... والدفاتير نشيلّها الهموم وتشيل


سعد الحريص

[Ŝђǿǿq Ťąbσύĸ]

بــســم اللـه الـرحـمـن الـرحـيـم شـاعـرهـذا الإسـبـوع شاعـر يعـتز بكـبريـائـه وشــاعــريــتــه وسـبق عمره بكـثير من الزمن ... يمـسـح عـن الـقـلوب بعـض تراكـمات الـزمـن الـرمـادي ويعـزف على أوتـار الـقلب حـزنـاً وألـماً وهو بداية حـقيقـية لـشاعر مـُـبـــدع إستـطاع بفـترة قـصيرة أن يـدخـل فـي مـسامـعنا مـفردات بدوية سـلسة بـسيطة مـؤثرة في سماعها غـنية في جـمالها وكـبـيرة في مـعانيها إنـه شـاعر مـُـتـمـكـن فـي الـكـتابة والإلـقـاء وإلتـقاط الـصورة ومـفردة جـزلـة وكـلامـه كبـيـر وكـأنـه يـرف من بحـر من الشعـر العـذب لــه عــدة أمـسـيات شــعــريــه كانـت بدايـتـه الأولـى في الظـهور عـبر وسـائل الإعـلام ... مـن خـلال البرنامـج التلفزيوني (ديوانـية شعراء النـبط ) وذلك في أواخـر عام 1996 للـمـيلاد أطـُــلـقـت عـليه العـديد من الألقـاب مـن خـلال الـصـحـافه الشعبـيه الخـليجـيه ومـن أهـم هذه الألقاب : ( قـنبلة الشعر ... شاعر المخـتلف ... شاعر الـشباب ... شاعر المطـولات ... شاعر الخـناجـر ) شـاعـرنـا لـهـذا الإسـبـوع هـو الـشـاعـر : :: حــامـــد زيـــــــــد :: بـإنـتـظـار مـاتـجـود بـه ذائـقـتـكـم ... دمـتـم بـود

[Ŝђǿǿq Ťąbσύĸ]

الــجــمــهــره / \ إي بالله أخطو والخطا اللي جابهم عين الصواب=مبطي وأنا أشوف الطمع يكشف زادهم وأستره مايملي عيون الحسود بهالزمن غير التراب=ومن لايتوب من الخطأ تحرم عليه المعذرة اللي من أولها خراب أكيد تاليها خراب=والبندق اللي ماتثور بهدفها تذعره ودك ليا من جاتك الغلطة من الناس القراب=الصاحب اللي ماكسبت محبته ماتخسره مشكلتي إني ماعرفت أحسب لصدتهم حساب=قلطتهم صدري على ذكرى قصيد وحنجرة صوتٍ يصول منبره وخطاب مامثله خطاب=والطيبة اللي زعزعت صوت الخطيب ومنبره مافي دمعٍ صوبوه أحبابي بوجهي وخاب=ولا زرق حزني على غالي ولا فج أنحره كل الزهاب اللي معي ذكرى من أصحاب الزهاب=واللي بقا لي من عذاب أشرس طريقي وأخطره لأني تجنبت الغرق, عديت من فوق السحاب= (لأن أكثر أصحابي ورق ماشفت للطيب ثمره) والله ماحطيت بين الحقد والخوة حجاب=حتى غدو ربعي يحدوني على الضيق أشكره البارحة ثارت علي أرقاب و آوتني أرقاب=البارحة وياثقل دم البارح ويامحقره أثر المصايب ماتجيك إلا من الناس القراب=(وبهالزمن حتى الخوي اللي تثق فيه إحذره) هٌب ياوجه الحسد وشلون جمعهم وغاب=كيف السنين اللي عطتني بعثرتهم بعثره لابارك الله في رقيقٍ تزعله كلمة عتاب=ولاجمع الله الرجال اللي تفرقهم مره الصاحب اللي مايجي من صحبته غير العذاب=نذرٍ علي إن ماهجرني ولا أنا اللي بهجره من يفتح لفرقاي باب أفك له عشرين باب=وإذا خويي مايقدر خوتي ما أقٌدره عودت نفسي كل ماشددت لليمه ركاب=ماصدد وجهي عن طموح إلا لياجبت خبره إن روٌحو فأنا بريء منهم ليوم الحساب=(وإن جرٌحو قولو لهم ماحركو فيٌ شعره) شفهم لهم حول السنة ولا خذو مني جواب=أحسن دوا للي يستفزك تحقره ماكنت أحاتيهم صغير, عاد أحاتيهم شباب=الصاحب اللي مأذخره لليوم الأسود ما أذخره شفني جمٌعت أوراقهم بكتاب وأغلقت الكتاب=ياوقت لم اللي تلمه وأنثر اللي تنثره اللي يخاف من الظما يترك لنا طرد السراب=واللي ماهو بقد الظلام و وحشته لايسهره عقب إكتئاب البارحة ماعاد أنا حمل إكتئاب=الطيب جرجرني وأنا ماني بناقص جرجره أنا تجرعت الظما لين إحترق وجهي وذاب=أنا كسرت بخاطري قبل الصداقة تكسره أنا خسرت اللي غيابه غير عن كل الغياب=أنا غفرت لعالم ماتستحق المغفرة أنا أكثر إنسان تعلم من كثر ما أخطا وصاب=أنا أخر لسان يتكلم في زمان الثرثرة أنا القصيد اللي فزع من دفتره مليون ناب=وأنا الوحيد اللي جمع مليون ناب بدفتره جفني وجرٌحه السهر وحيلي هدته الصعاب=دمعي هدر, ضحكي ندر, عمري وضيعت أكثره شيٌبت بعقول العرب, هيبت روسٍ ماتهاب=جمهرت ناسٍ عمرهم مايعرفون الجمهرة ماصرت ذيب إلا لأن اللي تحدوني ذياب=ماكنت أغيب إلا لأن العفو عند المقدرة ترا حلاتك لاحملت لصاحبك كلمة عتاب=(إن مانطقت بها بوجهه, ماتذمه بظهره) بهالزمن مايملي عيون الحسود إلا التراب=ولا الحظيظ الطلقة اللي ما تصيبه تذعره ودك اليامن جاتك الغلطة من الناس القراب=الصاحب اللي ماكسبت محبته ماتخسره / \ الــشــاعــر / حــامــد زيـــد

[ربي أسألك العفو والعافية]

،،،،يعطيكِ العافية الشوق ،،،،

يجيني يوم و أعطيها


انا ما اخطيت في حقك ولكن الكلام عتاب
............................أعاتب والعتب كلمة تفسرها معانيها
اعاتب واحسب بهرجي الا مني حكيت حساب
............................وكلمه يستحي منها لساني يبتدى فيها
واذا انت من العتب تزعل علينا وابتصك الباب
............................ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب
............................اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب
............................واشوف ان الجفا خطوة ولاني قادر اخطيها
وقلبي لو عشق يخلص ولو طالت عليه رقاب
............................وتشهد له دروب الحب حاضرها وماضيها
عشقنا والهوى حسرة،مشينا ولاأمل كذاب
............................بدينا نانبني منها قليل من بلاويها
عرفت الحب من عمري صغير بالغرام وشاب
............................وقلبي للحبيب اكبر من الدنيا وما فيها
صحيح انى نويت ابعد ولكن الهوى غلاب
............................وهي رحلة بديت بها ولا ادري كيف بنهيها
تحريتك شروق الشمس وشفتك للشروق غياب
............................ولا اضنك تبيع العشره اللي كنت شاريها
بقى لي بالهوى نظرة وتغريبة ودمع اهداب
............................وقصة بترك لسانك على العذال يرويها
واناجي باقي حروفي وبألف للفراق كتاب
............................قصايد تملي اوراقي ارددها واغنيها
واذا مرتني الذكرى وجرحي بالحشا ما طاب
............................بتبعدني وتدنيني وببعدها وابدنيها
وانا عيب علي اشكي من الدنيا بدون اسباب
............................مدامي ما خذ منها يجيني يوم واعطيها

الرائع ،،،،، حــــامد زيـــد

[شمس نجد]

الحلم

بوقت من البطا وبليل تتراقص شياطينه
بعد شفت الضيا ينزع من ثياب المسا ثلثين

تحايلت المنام اللي مثل بيتك تمرينه
وأنا اللي من تفارقنا وأنا ما غمضت لي عين

غريبة كل حلم برقادي تزورينه
والأغرب كيف احلم الحلم وارجع واحلمه بعدين؟

!قبل يومين شفتك بالمنام .. وقمت من حينه
ونمت امس ، ورجع نفس المنام اللي قبل يومين

أنا اللي قبل اسافر شلت قلبي من شرايينه
تركته في يدك مثل الأمانة ، واحفظيها زين

ترى حفظ الأمانة دين .. مجبورة تردينه
!أجل مافي أحد قالك حفظ الأمانة دين؟

مرد المقفي بيلفي .. ويستوفي ، وتوفينه
بعد ليله ، ثلاث ، أربعة ، عشرة ، شهر ، شهرين

إذا انتي ، ما انتي بقد الكلام اللي تقولينه
حرام استأمنك حاجه ، واذا جيت اطلبك تنسين

!تخونين وتبين ارضى ! وأحد يرضى تخونينه
أنا لاجيت أخونك ، مع حبيبة ثانية ، ترضين ؟

من أول ما رجعت من السفر ما شفت لك بينه؟
وأنا اللي كنت احسبك قبل لا ادوس أرض المطار تجين

تكونين أنتي أول شخص عيني تحتظن عينه
وكنت اتخيلك من زود فرحة رجعتي .. تبكين

واشوف بدمعتك حكيك .. واعرفه قبل لا تحكينه
واجيب لك أحلى من اللي بتحكينه ، واتركك تحكين

تقولين : الوطن نور .. واقول بنور مضوينه
تقولي لي : غديت أحلى ، وأقول : عيونك الحلوين

كلام نام بشفاهك .. وخفتي لا تصحينه
ذخرتيه لغرام اللي ينام .. ويتركك تصحين

تغانمتي غيابي .. لين رجحتي موازينه
تعلم من يدك لمس الكفوف وعلمك تجفين

وليتك لاقيه به شي .. فيني ما تلاقينه
مهو بغرور .. لكن خابرك مالك أمل تلقين

تغافلك بغلا .. ولا الحلا ما هو بمن زينه
تزينه الصور .. بس الصحيح ابن الحلال زوين

وأنا ماني بناقص عنه يوم انك تبدينه
نصيبي .. هو نصيبي لو يسددها من الصوبين

قنوع بمظهري .. والسم ما يذبح ثعابينه
على قول المثل : ماني حلو .. لكن ماني بشين

إذا اهداك الزهر مرة فأنا اهديتك بساتينه
وإذا الهاك بفرح ليلة .. فأنا تهت لبكاك سنين

واذا استضعفتك املاكه .. وشتتك ملايينه
أنا حتى فتات الخبز اقسمها معك نصين

طموحي ، بس اجي وأظفر بشي تستحقينه
تدينته .. تسلفته .. سرقته .. مو مهم منين



كأني من كثر ما ارضى بكل اللي تمنينه
لو انك تطلبين الله .. يعنيني ، بقول آمين

أنا مالعب على الحبلين ، وقت الطيش وسنينه
تبين الحين يوم اني كبرت العب على الحبلين ؟

ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين

غرام نسكن ضلوعه .. حشيمه من مجانينه
جفا يجمع معزتنا .. ولا عشق يذل اثنين

كثار اللي تحدوني وقالوا لي : تحبينه
أمانه .. لا تخليني صغير بعينهم تكفين

لاني كل ما قالوا : تخون ، اقول : مسكينة
عليك الله وأمانه .. علميهم من هو المسكين

أنا خايف ليا طاح الجمل تكثر سكاكينة
وأنا ما عادت ضلوعي تحمل طعنة السكين

مثل ما قالوا المكتوب واضح من عناوينه
لو ارحل منك للغربة باسافر من ظلامك وين ؟


كفاية .. كل حلم يمر في رقادي تزورينه
كفاية .. من تفارقنا .. وأنا ما غمضت لي عين

قبل يومين شفتك بالمنام وقمت من حينه
ونمت امس ، ورجع نفس المنام اللي قبل يومين



حامد زيد

[Ŝђǿǿq Ťąbσύĸ]

ربـي أســألـك الـعـفـو والـعـافـيـه

اللــه يـعـافـيـكِ يـالــغــلا ...

مـشـكـوره عـلـى مـُـشـاركـاتـك وتـواصـلـك

بـهـذا الـمـتـصـفـح

شـمـس نـجـد

شـاكـره لـكِ مـرورك ومـُـشـاركـاتـك الـعـطـره