[Manal 1]

السلام عليكم ورحمة الله وبركاته

لدي سؤال قد يضحك البعض... ويصدم البعض الآخر... لكني مو لاقية له جواب صارلي فتره افكر في هالسؤال...

ليش نتزوج؟

اذا وحده تشتغل. عندها معاشها.. عندها سيارتها.. مرتاحه في بيت أهلها.. عندها خصوصيتها في البيت.. تطلع مع صديقاتها.. تسافر.. وكل شي الحمدالله مرتاحه ومستانسه... ليش تتزوج؟ ماتدري هالراحه بتكون موجوده واهي عند زوجها ولا بيمنعها من هذا كله وبيقعدها في البيت!؟

ساعدوني؟

[وريف..]

وعليكم السلام ورحمة الله وبركاته

صحيح وانا بعد احيان افكر مدام اننا مرتاحين في البيت ليش نتزوج ونتعب نفسنا ومع اني ماااسافر وماعندي وظيفه لكن بغض النظر عن الي قلتيه مرتاحه لكن احيان واكيد يمر عليك هذا الشي احيان افكر ليش ماتزوجت وليش ...وليش ..
هذا الحال محد مرتاح لا المتزوجات مرتاحين ولا الي ماهم متزوجات مرتاحين
ماندري لوتزوجنا وتبهذلنا والله وحده يعلم حالنا الحمدلله يارب .

[Manal 1]

مافي شي يخلينا نبي نتزوج غير كلام الناس وحنتهم... يالله متى نفرح فيج؟ يالله خلي فلانه تشوفج يمكن تخطبج...... الخ!

[زهرة @]

نتزوج لأنه ستر وفطرة طبيعي

والأجمل والفرحة والسعادة لما تجيبين لك بنوته نور الدنيااااا. وتناديك ماما فيه أحلى من هالشعور. يازينهم الأطفال. بهجة الحياة


أجل بعد ليش أدرس ؟ تعب ؟ دام متوفر لي كل شئ وموحاجة للوظيفة وابوي غني لانها مكانة اجتماعية. بعد الزواج مكانة اجتماعية

إذا نبغى نرتاح ماأنجزنا شئ. في الحياة

والراااااااحة الأبدية في الجنة

وتفاااااائلي

[حمامة الاقصى]

كلا النوعين يحتاج للزواج
نتزوج لتكوين أسرة وأطفال وبيت ..... وللشعور بالاستقرار النفسى والآمان والاحتواء
وللشعور باهتمام الطرفين لبعضهما ... زوجان يتشاركا الاهتمامات و الميول والعواطف
ولكى يعين كلا الطرفان للآخر على تأدية فروضهم الدينية ويساعدا بعضهما على أمور الحياة
يتشاركا فى تربية أبناء أسوياء يعلمهما الدين والأخلاق

[uozbn]

صحيح ان كل شيئ متوفر
بس ربي جعل الزواج نصف الدين ..
تبي تكملين دينك تزوجي *_^