[ربي أسألك العفو والعافية]

إختيار موفق شوق للشاعر المبدع الأمير عبدالرحمن بن مساعد

سألـتـهــا

سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام
وتنتظر شمس اللقا و ما تجي شمس اللقا
ومشوار ما يعرف وصول
ولحظه بها كل الفصول
وقلب واحد يحترق
وبعض الصدق
ووقت عصيب و يتبعه وقت عصيب
ولين يتعدى الصباح
وجراح تدمى لو تطيب
وفي الأخير .. خل عن خل افترق
وفي الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
والليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ما للألم فيني حدود

قالت صدق ..

الأمير الشاعر / عبدالرحمن بن مساعد

[وفااا]

:
:
يعطيـك العافيـه شــوق

إختيـار موفـق ........ أروح وانا متطمنـه :)

لاخـلا ولا عـدم
:
:

[Ŝђǿǿq Ťąbσύĸ]

ربي أسألك العفو والعافية

الــحــمــد للـه إن الإخــتــيــار

حــاز عـلـى رضــاكـــم

شـاكــره لكِ مـشـاركـاتـك وتــواصــلك

وفـااا

اللــه يـعـافـيـك يـالــغــلا

تــرجـعـيـن بالـســلامــه إن شـاء اللــه

[فتــاه الاسلام]

ما أحب هذا الشاااااااعر لكذا ابنتظر الاسبوووووووع الجااااااااااي يمكن شاعر يعجبني

[فتــاه الاسلام]

شووووووووووووق هو قصيدته ( احترامي للحرامي ؟؟

[Ŝђǿǿq Ťąbσύĸ]

الـصـبر ... مـالي أنا الا الـصـبر

الـغـدر ... وشـلون جـاء مـنها الغـدر

ياقـلب أبـي مـنك العـذر

أنا مـا هـقـيت إن الفـجـر يقـدر يخـون وقـت الفـجـر

وإن السـنين تقـدر تـمر بلا عـمـر

لا مـاهـقـيت إن الـوفـا فـي قـلبها مـاله قـدر

وإنـي أنـا محـتـاج مـني الـصـبر

ياقـلب أبي مـنك العـذر .. وإن مـارضـيت مـالي جـدى كـود الـصـبر

ياجـرحـي فـي كـل الـد هـر فارقـت أنا الـدنـيا

يا طـعنةٍ وسـط الـظـهـر ... لابـد أنا أنـسـاك

بنسـى أنا كـل اللـي راح ... بنسـى الفـرح لأجــل الجـراح

بنسـى قـصيدي والشعـر ... بـنسى سنـيني والعـمر

مـع الهـجر يمـكن فـي يـوم أسـلـى

وإن مـاسـلـيت أو مـا نـسـيت

مـنـك الـعـذر ... مـالـي جـدوى كـود الـصـبر

ياللـي خـذلتي مـدمـعـي ... إن كـان ودك تـرجـعي

عـنـدي طـلـب ... لاتـرجـعـي

ياللـي خـذلـتي مـدمـعـي ... إن كـان ودك تـرجـعـي

شـرطـي صـعـب ! ..

لـو تـجـمـعـي آهـات قـلبي اللـي إنـجـرح

وتـنـسـي الـسـعـادة والـفـرح

وتـتـعـذبـــي ...

وبـعـد الـعـذاب تـتـعـذري

[Ŝђǿǿq Ťąbσύĸ]

فــتــاه الاســلام

حـيـاكِ اللــه ...

نـعم الـشـاعـر عـبـدالـرحـمـن بـن مـسـاعـد

هـو مـن كـتـب إحـتـرامـي للـحـرامـي ...

وإن شـاء اللــه شـاعـر الإسـبـوع الـقـادم يـحـوز عـلى رضاكِ

[ربي أسألك العفو والعافية]

النظرة الخجولة

ما سألتوا صاحب النظرة الخجولة .... كيف يسهرني وله وجهٍ صبوح

كيف يظلمني وله طهر الطفولة .... كيف يفتنّي وهو دايم يروح

وكيف أنا ألقى ربيعه في فصوله .... دام كذبه صادق وصدقه مزوح

له صـفاتٍ تورد العاشق ذهوله .... مستكين صامت وكلّه جموح

أصعب الأشياء وأكثرها سهوله .... أغمض الأشياء وأكثرها وضوح

سهل تغرم به وصعب إنك تنوله .... غامضٍ طبعه وواضح في الجروح

أسعد بشوفه ولكن ما أطوله .... كنّي الوادي وهو أعـلى السفوح

يبتسم لا منهم عنّي حكوا له .... ولا حكوا لي عنه أعماقي تنوح

لي بقلبه شيٍ لكن ما يقوله .... وله بقلبي كلّ و لكنّي أبوح

كنّه الغيمه وانا أرجي هطوله .... ما نزل غيثه ولا برقه يلوح

ما عرفتوا ليش تسهرني فعوله .... وليه يسكنّي وهو دايم يروح

هو يبيني بسّ أطباعه خجوله .... وما يبيني أغفا وهو وجهه صبوح


الأمير / عبدالرحمن بن مساعد

[Ŝђǿǿq Ťąbσύĸ]

:: ســيــد جــروحــي ::

سيد جروحي شمس عمري وظلي=البعد طول والخطأ منك واضح
إذا غرورك يمنعك تعتذرلي=تعال جنبي وإبتسم لي وأسامح
تدري أحبك لكن الموت ذلي=أدوس أنا قلبي لو الشوق جامح
الله عطاك الحظ وأصبحت خلي=والله عطاني إياك طاغى ملامح
سألتني يا ياسميني وفلــــــي=ياكيف يشفى الورد... والشوك جارح
مثل العيون اللي لها كل كلي=زايد حلاها لكن الدمع مالح
وش تنتظر يكفي دلال وتغلي =الوقت ماهو للوصل دوم سانح
مادمت ترحالك ومادمت حلي=إن صرت أنا خسران ماصرت رابح
لا تعطي الفرصة لعذالنا اللي=لكل ماهو يهدم الحب طامح
مالك صبر عني ومالي تسلي=والوقت خيل صوب الأجال رامح
سيد جروحي شمس عمري وظلي=الحب بعد وقرب ... مخطي وصافح
إذا غرورك يمنعك تعتذرلي=لاتعتذرلي قول إسمي وأسامح

:: الأمــيــر عـبـدالــرحـمــن بـن مـسـاعــد ::

[ربي أسألك العفو والعافية]

مســـاء الـخـيـــر

مساء الخير والإحساس والطيبة
مساء ما يليق إلا بأحبابي
مساء غير غصن لطير يحكي به
عن اللي مسكنه جفني واهدابي
هلا باللي أحبه كثر تعذيبه
وكثر ما هو يغيب وكثر ترحابي
حبيبي هو ولو ما قصر الغيبه
ولو عن بسمتي قد طول غيابي
اعرفه زين واعيتني أساليبه
عدوي يوم ويوم أقرب من اصحابي
ملكني بين ترغيبه وترهيبه
يفارقني وهو واقف على بابي
به الصادق بها الغارق باكاذيبه
يبي بعدي ودمعه بلل اثيابي
بها القسوه بها الرقه بها الهيبه
بها الضعف القوي به نشوة اغضابي
هلا باللي يصيب العطف بالريبه
يقول العفو أنا زايل ويبقى بي
هلا باللي يقول الورد وس لي به
من المهدى أنا أو هو لاطيابي
هلا باللي علي يقسى وأماري به
هلا باللي أبد مالان لا عتابي
هلا باللي عجزت ألقى عذاريبه
هلا باللي تحبه كل اسبابي
مساء فات كل الشعر ترحيبه
بجية من سكن جفن واهدابي
مساء فاض بالاحساس والطيبه
مسا ما يليق إلا بأحبابي

الأمير / عبدالرحمن بن مساعد