[haneen26]

ربي يجزاك الجنه
رايت رؤيا امس بعد ما رقيت نفسي وكنت متعبه مره وصحيت نص الليل بخوف كبير وكان احد حولي وسمعت اصوات اطفال وبقيت صاحيه الى اذان الفجر
................
رايت اني كنت في غرفه كبيره وكان قدامي صفوف من الشيوخ جالسين على الارض وكان بجنب كل واحد فراش وكنت اشوف بعضهم فيه مرضى
فشفت اني رحت لبعض الشيوخ وكان كان معي امي واخوي .... كنت احس فيهم موجودين فقط .... فكنت اسمع كل شيخ يقول وكانه يقول لاهلي هي مسحوره بس كان كل واحد يذكر سبب السحر غير
فجاء اخر واحد وهو يناظر لاهلي وياشر علي فيها سحر معقود او عقد وكانه جاء ببالي لماذكره خيط رفيع وفيه عقد صغار وكنت اشوف بينت مره مريضه منسدحه على فراش جنبه لابسه عبايتها ومتغطيه وعليها بطانيه مغطيه نصف جسمها وكان الشيخ جالس عند راسها
فذهبت وجلست قدامه وكنت عشان يرقيني فشفت نفسي صرت قدام البنت فطلب الشيخ من البنت انها تجلس فجلست متعبه فانرفع الغطا عن وجهها فشفتها جميله فحزنت وكنت اقول في نفسي وش فايده الجمال والواحد مريض فشفت الشيخ رجع الغطا على وجهها وحط يده على راسها وبدا يقرا
فحسيت بخوف شديد فرجعت وبعت عنه وكنت خايفه فناظر فيني وعرف اني تاثرت فمسكني من اسفل ثوبي وسحبني ورجعني
فحط يده على راسها مره ثانيه فخفت مره ثانيه وبعدت فسحبني ورجعني فرجع وحط يده على راسها وقرا فخفت خوف شديد وبعدت مسافه اكبر من قبل وبقيت بعيده فصار يكتب كلام في ورقه وكنت خايفه خوف شديد وكاني شفت طفل صغير صار جنبي وبعدها شفت اني في مكان واسع وناس كثيره مجتمعه فسمعت واحد يتكلم بالمكرفون ويقول نشكر كل اللي جاء في حنازه ابراهيم اخو محمد وكنت جزينه كثير انه مات واقول في نفسي كيف حات اهله الحين وصحيت
كنت احس بكانه موجود حولي وكنت خايفه ارجع انام وارى احلام مزعجه ... وحسيت بشي صغير لما صحيت في حلقي بقى مده ومع البلع حسيت انه رجع داخل
ماني متاكده اذا هو بسبب الرقيه او من شي بداخلي ...

[المعبر العمودى]

رؤياكِ لها علاقة بمعاناتكِ , فهي تشير إلى بعض الأحاسيس والحيرة التي مرت بكِ من معاناتكِ , وبعض التساؤلات التي تدور في نفسكِ , وتشير الرؤيا إلى أنكِ كنتِ تتميزين بالجمال وفي وقت لم تكوني متحصنة بالأذكار فحدث لكِ ماحدث , وتشير إلى ترددكِ في الرقية فتارة تقبلين عليها ثم تشعري بخوف منها فتتراجعي عن الرقية , ثم تعودي .... وتكرر منكِ عدة مرات , فاحرصي على المواظبة عليها فأنتِ تسيري في الطريق الصحيح حتى تصلي إلى الشفاء التام بإذن الله ..

[haneen26]

جزاك ربي خير الجزاء
وكتب ٲجرك وغفر لك ولوالديك ياارب
شكرا لكم شيخي....

[haneen26]

تعبت ياشيخ ...و حاسه اني ضايعه
كل ما قلت بيتحسن الوضع احصله ساء اكثر ...تعبت مع الرقيه واحاول والله بكل مااقدر
بس احصل نفسي ارجع اسفل وخسرت كثيييير ....

قيل امس بعد العشاء كنت جالسه مع اختي نتكلم بس فجاه حسيت بثقل بجسمي وبظهري بالذات وحزن وابي ابكي مع اننا كنا نمزح وتنميل وكنت ابي انسدح وانام تغير وجهي كثير ولاحظت اختي ..
كنت بارجع ادهن لما انام واقرا بس توقفت بعدالعشاء لانه كان متعب لي طول اليوم لكني مااعرف سبب اللي صار معي..
نمت بعده مع اني صحيت متاخر فرايت ...
اني اناظر من شباك المقلط فشفت نفسي امشي في الحوش وكان الوقت ليل فشفت دخان اسود قدامي فدخل فيني.. وصحيت تعبانه وبصعوبه اتحرك او افتح عيني وخاصه ثقل اللي بجسمي وظهري .. تغير حااااالي
تغيرت على اهلي ... كيف اسوي
سااعدني....

[المعبر العمودى]

رؤياكِ لها علاقة بتراجع همتكِ نحو الادهان وتأجيلكِ له بعض الشيء مما تسبب في تسلّط الشيطان , فالرؤيا تذكير لكِ بالحرص على الادهان بالزيت المرقي في وقته .. كذلك لابد من المواظبة على الأذكار ولاتتأخري عنها أو تأجليها .. والله أعلم .

[haneen26]

جزاك الله خير الجزاء ....
بس يتكرر معي هالامرانه يخف التعب وفجاه احس بهالشي حتى بعض الاحيان اكون على وضوء والاذكار هي المعوذات وايه الكرسي لكن يجي فجاه احاول الادهان بس مااقدر يكون طول اليوم
واكرر الفاتحه اذا شعرت بتعب
وهناك امر خايفه منه العارض في الوقت اللي اعاني منه واحاول اتحمل اصبر واكون متعبه كثير احصل امي او احد اخواني يجي ويطلب او يخانقني او تصر مشكله
والله احاول اتحمل احس برجفه وضيقه كبيره وابكي والله كان شي يجيبهم في هالوقت ولما يخف شده
وما يجون اهلي ويخانقوني ولا يطلبون امور صعبه
وماني عارفه كيف اتفادى هالامر وصارت مشاكل صرت خايفه طول اليوم

فيه رؤى .... شفتها وقلقه من بعضها

رايت اني في مقلط بيتنا القديممعصبه ومضايقه وكان شي بحضنيوماابي احد ياخذه واني خانقت اختي الكبيره وهددتها اذا اخذته مني راح ااذي اطفالها فكانت خايفه فقالت لها امي خذيه منها وماعليك فاخذته مني فقمت معصبه ومتنرفزه كثير ورحت لها وقلت راح ااذي عيالك ورحت ادورهم لكن اخواتي اخذوهم وبعدوهم عني فصرت اعصب على اهلي واخانقهم واصارخ عشان يرجعونه
هذا الحلم قمت وانا خايفه انه يصير مشكله جديده

ورايت قطه سوداءفي حوش بيتنا القديم جنب السياره مريضه وكان عيونها صغيره وبارزه وبيضاء وكان فيها شي تعاطفت معها فجات اختي الكبيره وقالت ابعدي عنها لا تهتمين فيها فراحت القطه للحوش فلحقتها فشفت 3 قطط هي القطه نفسها وقطه سوداء ثانيه لكن شعر جسمها اغلبه موموجود وقطه بيضاءوكلهم مريضين
ولما ناظرت فيهم جات القطه السوداء الاولى ومسكت بيدي بقوه وكان بتعضني وتاذيني لكن كان شي وقفها ....
واذا سمحت كيف اعرف الحلم اذه هو من الشيطان او له معنى
جزاك الله خير واعتذر ان اثقلت عليك

[المعبر العمودى]

هل عانيتي من تغير في لون الجلد في بعض الاماكن .. وهل عانيتي من تساقط للشعر ..؟

[haneen26]

نعم اعاني منه

[المعبر العمودى]

بالنسبة للادهان فلابد من وقفة صارمة فتحرصي عليه , بالإضافة إلى التحصن بالأذكار , ولاتشغلي بالكِ بالمعاناة وإنما أشغلي ذهنكِ بذكر الله في كل وقت وحين وأكثري من قول [ لاإله إلا أنت سبحانك إني كنت من الظالمين ] , وكذلك [ حسبي الله ونعم الوكيل ] ..
بالنسبة لمايحدث لكِ مع أهلكِ فهي محاولات من الشيطان لإيقاع المشاكل بينكم حتى تعتزلي أهلكِ وتجلسي لوحدكِ فيبدأ يوسوس لكِ , فاحرصي على الصبر وملازمة ذكر الله كما ذكرت ذلك لكِ ..
بالنسبة للرؤيا الأولى فهي تحزين من الشيطان ليحزنكِ فلا تلتفتي له , وأكرر لكِ بأن تحرصي على ملازمة الوضوء وذكر الله ..
الرؤيا الأخيرة تشير إلى وجود تغيّر في لون الجلد وبعض مشاكل الشعر وستزول تلك المشاكل بعد أن تصلي إلى الشفاء بإذن الله , كذلك تشير إلى أن العارض تأثر جدًا بسبب الرقية والادهان ورغم تسلّطه وازعاجه لكِ إلا أن الله سييسر لكِ ايقافه عند حده وستصلي إلى الشفاء بإذن الله ..

بالنسبة لسؤالكِ فأي رؤيا محزنة فهي من الشيطان ...

[haneen26]

يااااااارب
باذن الله...
شكرا لكم شيخي...
وجزاكم الله خير الجزاء ورفع قدركم في الدنيا والاخره ياارب والمعذره