[خلووووود الخالد]

بسم الله الرحمن الرحيم

المقدمات دائما تحتاج وقت وتنسيق وفن أدبي والمام واختصار لموضوعها

ولكن انا هنا ...حاولت اختصار حزني ....بأبيات كيبوردية ...لم اخطط لها

بل انهمرت علي من غمامه مرت بخاطري ...فانهمرت مني هنا :

اجي على نفسي وانا ادفها دف = واضحك واجاري دنيتي با بتسامة
اضحك مع العالم وانا والله اعرف = ما احد (ن) درى عن خاطري وش علامه
ولا شافوا عيوني من الدمع تذرف = قلت العفو دمعي لضحكي علامة
من كثر ما اضحك قامت عيوني ترف = يا الله عسى خير وستر وسلامة
وانا عيوني يعلم الله تنطف = حزن ٍ بوسط القلب تدمي سهامه
جداي منها افرك الكف با لكف = واقول بكرة ينكشف لي غمامه
و (اسف ) من دنياي وهمومها سف = حتى غدت منها على الخد شامه
واضحك وانا عليه الله يخلف = من هم ٍ اثقل من طويق وتهامه
واجي على نفسي وانا ادفها دف = معكم اجاري دنيتي بابتسامة.!

يكفيني مروركم من هنا ومشاركتكم لي بابتسامة ...

محبتكم : خلووووود الخالد

[يمامة الوادي]

صح لسانك,,, (^_^),,,

[خلووووود الخالد]

المشاركة الأصلية كتبت بواسطة يمامة الوادي صح لسانك,,, (^_^),,,

صح لسانك

كاتبتنا صاحبة القلم الذهبي : يمامة الوادي

شرف كبير لي مرورك هنا

[جوري الشرقية]

\

/

صح لسانك

\

/

[city_dreem]

الطيور .. اللي لها مخالب ٍ تعكـّف=رزقها الله معطي عبده مرامه
فالرجا به ووالله من غير حلف=إن الصبر للفرج الخيط وخطامه
أمسكيه إلين الكربة عندك تعسّف=وتصبح معك دوم ٍيختي خصاما

صح الله لسانك ..

[غفا]

واجي علـى نفسـي وانـا ادفهـا دف

معكـم اجـاري دنيتـي بابتسـامـة.!

ياخلود....


مانرضى إلا نشوفك مبتسمة، ..ابتسامة نابعة من القلب، ومن الروح..

وإنتي قوية، وبإذن الهم مايغلبك.



أسأل الله أن يجعل أيامك كلها رضا وانشراح...و ألف لاباس عليك.




.

[رذاذالمطر]

,,,صح لســــــــــــــــــــــــانك,,,

[ســـــامي العتيبي]

صح لسانك اختي والله لايجيب لك الهم ولا ضيق الصدر

إن الأمور إذا استدت مسالكها

فالصبر يفتح منهـا كل مرتجـا

لا تيأسـن وإن طالت مطالبة

اذا استعنت بصبر أن ترى فرجا

[*&*الروح النقية*&*]

مرحبا ... خلود الخالد

أبيات رائعة سلسه تسللت الى قلبي بسرعه كبيره


صح لسانك والله يوفقك ويشرح صدرك لكل ما يحبه ويرضاه

[وفااا]

.

.
واجي علـى نفسـي وانـا ادفهـا دف

معكـم اجـاري دنيتـي بابتسـامـة.!

.


.
صـح نبضــك .. وصـح نزفــك .. وصـح كلك
.
.
اللـه يرفـع عنـك يالغاليــه

ولـوفينا نشيل عنـك شلنــا

ربي يشرح صدرك .. ويفرج ضيقـك .. ويبدل حزنك فـرح يالغاليــه
.
.