[الله يرحم بحالي]

مر عام وما دريت إن الزمن قد مـر عامـه

مر يمه وكل خوفي ترجـع الحـال القديمـه

حالنا يوم الفقر فـي بيتنـا مظلـم غمامـه

حالنا يوم القهر ملعـون والذكـرى أليمـه

حالنا يوم الوجـع يالغاليـه يرمـي سهامـه

يوم أشاهد في عيونك دمعتك وإنتي سقيمـه

راح حافز والستر شوفيه متبعثـر حطامـه

رغم إيماني بقـدرة ربنـا مانـي غشيمـه

راح حافز والشعر في روحته يعجـز كلامـه

راح من كان السند والظـل للبنـت اليتيمـه

هاتها وصفة علاجك برجع لـدرب الندامـه

برجع أشحذ بالشوارع وأطلب قلوباً رحيمـه

وصاحب الشقة بروح أستعطفه وأبلع خصامه

وأطلبه يصبر على من صارت أحواله عديمه

وإن طوانا الجوع عادي يومنا نكمل صيامـه

نحتسب هالجوع طاعه دام ما بالحظ شيمـه

أجرنا نلقاه يـا يمـه سـوا يـوم القيامـه

عند من يجعل صغار أعمالنا تصبح عظيمـه

ليت صوتي يوصل إللي عالياً فينـا مقامـه

خادم البيتين خيره يا عسـى ربـي يديمـه

يا ملكنا طاب حالك ما نبـي حـال العدامـه

وجّه ألحين البطانـه تعتبـر للنـاس قيمـه

خبّر العساف دامك يا ملك رمـز الشهامـه

إن حافز لو توقّـف يُرتكـب فينـا جريمـه

والله إنا ما ندوّر للغنـى يـأهـل الفخامـه

ما نبي غير الوطن يضمن لنا عيشه كريمـه

مر عام وما دريت إن الزمن قد مـر عامـه

مر يمه وكل وخوفي ترجع الحـال القديمـه

الله يجزاك الجنة يالغلا

[هدى وهداية]

يعطيكِ العافيه على الانتقاء الرائع

[المتئمله]

اهي اهي اهي اهي

راااااااااااااح حااااااااااااااااااااااااافز

[أٌميمه]

الله يعطيكم الف عافيه والله يرزقنا من واسع فضله ..

[الله يرحم بحالي]

اشكركم على المرور
اسال الله ان تفرج على الجميع يااااااارب

[دموع انسانه]

الله المستعان


يعطيك العافية


انا تبهذلت مشتركة في جمعية و قطعوا حافز

و الحال ما يعلم به الا الله

الحمد لله

يا ليت البطانة يحسون بالي نحس فيه

لكن ما يحس بالنار الا واطيها

[الله يرحم بحالي]

تسلمي دموع انسانه على المرور
صدقتي والله الملك ماقصر بس البطانه اعوذ بالله بطانه سوء
ليش قطعو عنك حافز عن اشتغل بالجمعية والحمدالله ماقطعوها بس روتبنا ضعيفة 500 ريال بس الحمدالله حافز ماقطعت الله يعينك يادموع انسانه

[فاتن..]

حسبي الله ونعم الوكيييييل

ولكن سمعت انهم راح يرجعون حافز وتحت شروط معينه والله أعلم

شـكــ وبارك الله فيك ـــرا لك ... لك مني أجمل تحية .