[هدى وهداية]

يالله ياللي مقامك فوق عرشك مجيد
ياكاتب ارزاق عبدك في مكاتيبها

إما جعلته شقي والا جعلته سعيد
والأدمي في حياته جاهلن غيبها ..

تجعل لنا من فعول الخير عندك رصيد
في ساعتن كل نفسن ينكشف عيبها

نتبع هوى النفس ونجيها على ما تريد
ما ندري انها تخادعنا بالاعيبها ..

ونقول متع شبابك دام عمرك مديد
واليوم روس الشباب مبينن شيبها ..

لا راح ذا اليوم جا بعده نهارن جديد
والناس بتموت ما تمت مطاليبها ..

بتموت غاياتها لا حشرجت بالوريد
وتعيش ما دامت الاقدام تمشي بها

درس الليالي تعلم منه حتى البليد
والناجح اللي كفاه الله مخاليبها ..

ما بين حظ ردي وبين راسن عنيد
تعبت نفوس الرجال وخاب تطبيبها

اضمد اجروح وقتي بالرجايا سعيد
ومكبرن هقوتي باللي بلاني بها ..

وانا على النية العليا وشوري سديد
وامد يمناي لا مديت واعطي بها ..

ياهاجس الشعر عطني من قراح القصيد
عوايدك وانت تفعلها وتحري بها ..

لي هقوتن فيك لا زادت ظروفي تزيد
بين الرجال الزحول افخر واماري بها

لله در النشيد اللي على اسمه نشيد
اللي بيوته تهولك بتعاجيبها ..

والشاهد من الكلام ان القصيد الفريد
سلعه ولا كل شاعر يقدر يجيبها ..


م / ن

[حروف الامل]

صح لسانك,,,

[غيوم ممطره]

جميلة جدا هذه القصيده

وقريبة من القلب

أسعدك المولى هدى ع النقل

ذووووووووووق

[همس الوعد]

أبيات حكمه جزلة المعاني
ربي يسعدك هدى افتقدتك في المنتدى
ارجعي 🌷

[عبد الله الصالح ,,]

إنتقاء جميل جداً ..
الله يذكرك بالخير أختي / هدى وهداية ..
ويحفظك وين ماكنتي ..

[جلكسي 1]

بارك الله فيك ع روعة الطرح

الله يعطيك العافيه

[ضامي ألغيث]

قصيدة رائعة ويعطيك العافية على هذا الابداع