[الســـ بنت ـــلامي]

الوقـت هالايام مايحشـم المناعيـر … لاهو على كيفك ولاهـو بـودّك

تصير به اشياء مـاودك تصيـر … والنفس عن شي ٍ يفيدك تلـدّك

اصبر على دنياك لو مابها خير … لاتشتكي حتى لو الوقـت ضـدّك

وان حدتك سود اليالي على الغيـر … لا تطلـب الا واحـد ٍ مـايـردّك

عليك باللـي عالـم ٍ بالمقاديـر … اليا تعبـت وبيّـح الوقـت سـدّك

وان جات للواجب وجا منك تقصير …مالك نعم لو سالم الزير جـدّك

بعض المواقف ماوراها معاذيـر …اما بخـدّ العـذر والا بخـدّك

ومن قدّرك لابد تعطيه تقديـر …ولا تعدّه شي مـن لا يعـدّك

ولا تبرر للفشـل اي تبريـر … افهم وميّز بين ضحكك وجـدّك

للكل ند ولا يجي ندّك صغير … اعرف ترى مقياس حجمك بنـدّك

[عبدالرحمن الحربي]

نصائح قيمة وقيم نبيلة



شكراً على النقل الرااااااااااااااااائع

[الســـ بنت ـــلامي]

المشاركة الأصلية كتبت بواسطة عبدالرحمن الحربي نصائح قيمة وقيم نبيلة شكراً على النقل الرااااااااااااااااائع

يسلموووووو

[m_nooooon]

وشي المناعير لو سمحتي ؟

[رذاذالمطر]

أأية أية..........صح لسانـــــــــك يابنت الاجواد...............

[الســـ بنت ـــلامي]

المشاركة الأصلية كتبت بواسطة m_nooooon وشي المناعير لو سمحتي ؟

لحظه ادور بالقاموس >>> وش ذي الورطه

اللي يعرف معناها يقول لها >> الله والبلشه

[الســـ بنت ـــلامي]

المشاركة الأصلية كتبت بواسطة رذاذالمطر أأية أية..........صح لسانـــــــــك يابنت الاجواد...............

خخخخخخخخخخخخخخخخخخخخخ
البنت متفاعله بالمررره
صح بدنك
,,
,,
,,

[رذاذالمطر]

المشاركة الأصلية كتبت بواسطة الســـ بنت ـــلامي لحظه ادور بالقاموس >>> وش ذي الورطه اللي يعرف معناها يقول لها >> الله والبلشه

خخخخخخخخخخخخخ ,,,يالله ياحلوة طلعي شطارتك,,,,,
سوي بحث بقوقل,,,خخخخخخخخخخخخخ

[الســـ بنت ـــلامي]

المشاركة الأصلية كتبت بواسطة رذاذالمطر خخخخخخخخخخخخخ ,,,يالله ياحلوة طلعي شطارتك,,,,, سوي بحث بقوقل,,,خخخخخخخخخخخخخ

رذااااااااااااذوه ههههههههههههههههههه

ياشيخه انا عارفه معناها بس مدري كيف اشرحها>>> بكاااشه
طيب انتي ورينا شطارتك >>> قصدها أفزعي لها
,,
,,
,,
رذاااااااااذوه ماتلاحظين انو البنت هذي مدري ولد والله مدري وشهو نكها المهم ياشيخه مستقصداني
مدري وش تبي >>>>> قصيدة شنبكـــ .. الخ ردت وهيه معصبه ومطرطعه خخخخخخخخخخخخخ
,,
,,
الحين تشوف ردي وتعصب اكثر هههههههههههه

اقول اللي يعرف معناها يقول لها
ولا اقلكم انا بشرحها واشوف صح ولا لا

المناعير >> معناتها الله يسلمك كنو قصدهم ان الايام هذي ماعاد فيها حد محشوم حتى المناعير >> بالله شوفوا الشرح هههههههههههه

المناعير حسب فهمي للبيت>>>>ياقصدهم الشيوخ يعني الكباريه او انو العكس الطراطير
اذا كان قصدوا الشيوخ الكباريه >> معناتو انو هالزمن ماعاد يحشمون حتى هذول الكبار >> يعني قليلين ادب
اما اذا كان قصدوا الطراطير >>> معناتو راح فيها وماله حشمه بهالزمن

هههههههههههههههههههههههههههههههههههههههههه
اتحداكم اذا فهمتوا شي
ههههههههههههههههههههههههههههههههههههههههه


بالله لو فيكم واحد كذا خبره يقول وش معناتها المناعير
وشرحي صح ولا خطأ

بس تكفوووووووون لحد يضحك

هههههههههههههههههههههههههههههههه


مره ثانيه لحد يسألني

[m_nooooon]

××××××××××××××