[راغب الخير]

جميل جداً

الآن شوفي اختي راح نعمل نفس هذي الخطوات لكن مع ملفات مختلفة

حنا ابتدينا مع الملف temp

الآن بنبدأ مع ملف شبيه له اسمه %temp%

يعني نفس الاسم لكن جمبه علامات نسبة مؤية وهذا الملف يخص المستخدم للحساب هذا

لان الجهاز ممكن يكون له اكثر من حساب وكل واحد يفرق عن الثاني

واعملي نفس الخطوات ضللي الملفات اللي داخل %temp% بالازرق واحذفيهم بنفس حركة الاصابع

واذا خلصتي من %temp% روحي لملف ثاني اسمه prefetch

واعملي نفس الخطوات

واذا خلصتي منهم كلهم نروح لخطوة ثانية

[همس الخفوووق]

سويت الخطوات وانحذفت الملفات
بس في %temp% باقي 10 ملفات يقول الملف مفتوح وضغطت تخطي

[راغب الخير]

ايه هذا شي طبيعي لابد تكون فيه ملفات يستخدمها الجهاز وماراح تنحذف وفي أي مره تحاولين تعملينها مره ثانيه بتواجهك نفس الحاله في ملفات ماتحذف وهذا امر طبيعي

طيب الحين ننتقل للخطوة الثانية بس قبل ابي اعرف انتي تستخدمين متصفح الاكسبلورو ابو علامة e زرقا للتصفح ؟ ولا متصفح غيره مثل فيرفوكس او جوجل كروم ؟

[همس الخفوووق]

أنا بالعاده أستخدم قوقل كروم بس حالياً مقاطعــــــــه قوقل وأستخدم متصفح أكسبلورو أبو علامه زرقا

[راغب الخير]

طيب جميل اختي

الآن ادخلي على الاكسبلورر المتصفح تبعك

واذا فتحتيه

دوري على واحد من الاثنين ياتشوفين فوق في القائمة وتدورين على كلمة اسمها ادوات

او اضغطي على الزر اللي تحت بالصورة

http://im23.gulfup.com/9LBM1.jpg

واختاري من القائمه "خيارات الانترنت" او "خيارات انترنت"

بعدها تفتح معك نافذه

انزلي لوسط النافذه بتشوفين كلمه "محفوظات" داخل مربع صغير

وتحتها كلمة حذف

زي الصورة هذي

http://im23.gulfup.com/Uaqi2.jpg

اضغطي على كلمة حذف بتفتح معك نافذه

شيلي علامة الصح من

1- كلمات المرور

2- و الكلام اللي في بدايته Active-x Filtering

والباقي اختاري صح جمبهم

وبعدين اختاري حذف

وبنرجع للقوقل كروم دامك استخدمتيه قبل نحذف البيانات اللي فيه بطريقه شوي مختلفة

[همس الخفوووق]

سويت الخطوات وكل شيء تمام

بس ياأخوي الله يجزاك خير شلون نرجع للقوقل ماأبغى أفتحه أبد خلال اليومين هذي
لأن مسوين حمله مقاطعه للقوقل واليوتيوب لأنه حق امريكا وهم إللي سوو فلم إساءه للرسوووووووول
وهذا أقل شيء نسويه عشان نصرة الرسول عليه الصلاة والسلام

[راغب الخير]

صدقتي اختي الكريمه لكن انا اقصد ان احنا نفتح برنامج "جوجل كروم" هذا نوع من المتصفحات غير الاكسبلورر ابو علامة زرقا وراح نحذف البيانات اللي فيه يعني ماراح تشتغلين عليه او تدخلين فيه النت بس نحذف البيانات اللي مخزنتها ونطلع منه

الا اذا انتي فهمتي كلامي خطأ وتقصدين انك تدخلين على موقع قوقل باستخدام برنامج المتصفح الاكسبلورر فهنا يمكن تكونين فهمتي كلامي خطأ

ارجوا التوضيح

[همس الخفوووق]

أنا عندي قوقل على سطح المكتب
وفهمت أني أفتح قوقل إللي عندي على سطح المكتب يعني أضغط عليه وتفتح صفحة البحث تبع قوقل
بعيد عن أستخدام اكسبلورر

[راغب الخير]

طيب اختي ايقونته عندك في البرامج او على سطح المكتب زي اللي بالصورة ؟

http://im26.gulfup.com/5cdg1.jpg

[همس الخفوووق]

أيووه أخوي هذي اللي عندي هي إللي ماأبغى أضغط عليها هاليومين