[شهلاء]

السلام عليكم ورحمة الله وبركاته


انا طبعا من يوم جيت من الحج واحلامي شي مو طبيعي كل يوم

ثلاث اربع احلام

ومن يوم اقوم من النوم

اقول لامي بعض احلامي

وبصراحه شكلها انقهرت

وقبل نص ساعه

كانت بالمطبخ

ورحت لها قلت لها امي تحلمت بفيروز

ردت


بقلك قصه


ذكرتيني فيها
يقولون وحده زارت جارتها وتبكي وتبكي وتبكي

تقول ولدي اكيد بيموت ولدي بيموت

الا ردت عليها جارتهااا
قالت لها لحظه لاتبكي اناديلك بناتي
ونادت بنتها الاولى

حلوووووووم حلوووووووم حلووووووووووووم

امس زرتي جارتنا؟ قالت لها لا والله من زمان ما شفتها

وقالت لها امها
روحي خلاص

وبعدها الام نادت البنت الثانيه

وتنادي
علووووووووووم علووووووووم علووووووووووووم

رحتي امس زرتي جارتنا؟
قالت لها لا والله يمه من شهور مدري عنها ولا شفتها ولا جيتها

ردت الام لبنتها روحي خلاص

وبعدها نادت بنتها الثالثه

ونادت
خثاااااااارد خثااااااااااااارد خثااااااااااااارد

امس زرتي جارتنا

ردت وقالت لها
اييييييييييييييييه رحت لها وطلعتها وادي ونزلتها وادي ومن مكان لمكان

ضحكت

وقالت لجارتها اقلك لاولدك بيموت ولا شي لاتبكي امس زارتك بنتي خثارد :D

[شهلاء]

وبالأخير قالت امي

الظاهر خثــــــــارد قالطه بغرفتك من اسبوعين



تتوقعون الاخت خثارد عندي

[AMANY]

تدرين ياشهلا اني اول ماقريت اسم الانسة خثارد قلت ياربي رضيت باماني (لاني موعاجبني اسم اماني وكل يوم اقول ابي اغير

اسمي ضاقت الاسامي مالقيتم الا اماني.......) وبعدين اكتشفت ان خثارد يعني اضغاث احلام, لكن عن جد حلوووووووووة ,

وامك معها حق واقترح على المعبرين يخففون الزحمة ويحذفون احلامك ( امززززززززززح ),اضحكتيني اضحك الله سنك

ودمتي:امانـــــــــــــــــي

[شهلاء]

هههههههههههه

اي والله ارضي بأماني

يهبل حلووو لاتفكري تغيريه

و احلى من حلووووووم وعلووووووووم وخثارد



اما امي
والله حتى انا ضحكتني مو ضحكت كركرت

مدري شكلها استهبلتني
لاني اصلا اوصف لها الحلم وشكلي يضحك
اقلها يمه شي غريب شفت المغنيه فيروز؟
مدري لا ببالي ولا لها طاري ولا سمعت لها الا بصدفه ومن زماااااااان؟
وكملت وانا منسجمه
على بالي معاي عالخط
واقلها يمه بعدها دبكت دبكه لبنانيه بس بهدوء ومع ناس وماسكين بعض وحركاتنا وحده
وكنت طفشانه ...وابي اضحك شوي....
قمت اقلد لها حركاتي بالدبكه اللبنانيه
ورجولي طاخ طييخ
ههههههههههههههههههههههه

الحرمه شكلها قالت بنتي انخبلت هههههههههههه

وحكتني قصة خثاااااارد

على قول جدتي مزحلي جدلي
يعني يعني تمزح وهي قصدها لاتحكيني احلامك:(
.....





اما المنتدى فانا اكتب على بالي خثارد

وثاني يوم انصدم انها الاخت علووووووووووووووم هههههههههههههههههه

لا وماتمزح:(

عالعموم نور الموضوع بمرورك والحمد لله اني رسمت ابتسامه على وجهك

[AMANY]

والله ياشهلا ما احد سواها قبلك فيروز ودبكة وانتي جاية من الحج ههههههههههههه , الله يعين امك عليك

والله يبشرك بالخير لكن معناه معقدني (واماني اسمي الحقيقي كل ما اقول اسمي يقوووووووولون الاماني من الشيطان عقدوني )

[شهلاء]

دبكه من غير موسيقى
هههههههه

على فكره

ترى ما احب الاغاني ولله الحمد

عن قناعه
ودايم اقول للي يسمعون....... تكون بمصيبه وواحد يزودك
انت مسكين انت حظك نحس انت يائس.....الخ هذي كلمات الاغاني يعني تزود الهم همين

والحمد لله.....تركتها من تقريبااا ثلاث سنوات عن قناعه

لاني ولله الحمد شفت كيف حياتي ونظرتي للدنيا تغيرت بعد ماتركتها
وراحه نفسيه كنت مفتقدتها و الحمد لله بعد ماتركتها
لقيت الراحه والهدوء والتفاؤل والامل


بس بعد الحج
الحمد لله
احاول
حتى التهاون فيها ....لا..يعني عزايم عروس اول اتهاون فيها
الحين احاول ابدا ما اسمع


والحمد لله راحه....الله يديمها


لان كل شي الله حرمه سبحان الله فيه راحة الانسان



..اما اسمك فيختي غيريه اذا موعاجبك
مو شرط بالبطاقه
خلي اهلك ينادونك باي اسم.........وبعملك وباي مكان
الين يتعودون علاسم الجديد

ترى مو صعبه....

<----------------------- غيرت اسمها

بس الله يعينك مره واثنين وثلاث الين يتعودون عليه
والافضل يكون اسم قريب منه
خاصة لو كنتي بعمل جديد اطلبي ينادونك باسمك الجديد وراح يكون سهل باي مكان جديد تقولين اسمك الجديد
بس انوي واطلبي الله يعينك
خاصة ان نيتك خير....لان قالو لك الاماني من الشيطان على قولتك
واصري عالكل وذكريهم
وشهر راح يمشي الوضع
صدقيني راح يغيرونه

وعلى فكره احم اسم شهلاء يمدحونه

[AMANY]

وش رايك نكتب ممنوع الدخووووووووووووووول لغير المختصين , انا وانتي وبس

لاااااااااااااا ابي اسمي بارعة

وبعدين مالي شغل انتي اللي حجزتي لي مكان ........ جاية جاية خصوصا ان الا جازة بتنتحر بكرة عن عمر يناهز 25 يوم

والسلاااااااااااام خير ختااااااااااااام

[شموخ الأمل]

وانا تسمحولي ادخل عرض :p

شكرا شهلاء ..

ولا تهتمي وايد بالرؤى ..والله يصبر أمك :p

الله يوفقك في حياتك الزوجية :)

اختك الدمع

[نوراي]

سالفتكم حلوة .
بس ترى ثلاث احلام في اليوم شوية اعرف وحدة حلمت في يوم واحد 26 حلم طبعا على حسب كلامها مادري كانت تتغشمر ولا من صجها وقلت لها وزعي من الأحلام على الفقارى اللي ولا حلم يشوفون مو في اليوم في السنة كلها.على حلم واحد والناس تصيح زحمة يا دنيا زحمة بعد مثلكم 4 و26 - المهم عطيتها عنوان المنتدى شكلي بوزع كروت للمنتدى - وقلت لها ما شاء الله تسع مفسرين كل واحد ان شاء الله يفسرلك حلمين هذها اذا ما طلعوا خثارد مثل ما قلتي ....
اماني امونه لا تغيرين اسمك ..

[شهلاء]

هلا الدمع المنسكب

وتفضلي البيت بيتك

وبالنسبه للرؤى
هي تفرض نفسها
يعني انااااااااااام اقوم الاقي كل احلامي كشخه وكنها افلام
ويبيلها تفسير

عالعموم الله يستر لان وحده بالعمل عيونها@@ ماشاء الله تحسد
فنسولف عن الاحلام يوم الاربعاء
وقالت لي

حلووووووووووووووووووومك كثيرررررررررررره اووووووووووووووووووووووووف
انا ما احلم


مدري الله يستر لاتعطيني عيني

لان الظاهر خثارد اقبلت من اليوم من عيون زميلتي

ومشكوره عالدعوه..........




نواري

ترى المتوسط ثلاث اربع
ولا غالبا اكثر
بس ماتوصل 25@@
ماشاء الله
هذي من ربعي خويتك ياحليلها , وانا اقلك من الحين شكل خثارد ساكنه بالشقه الي يمهم