[جبليه]

[

السلام عليكم أخواني وأخواتي...
اشحالكم ..عساكم بخير(دامكم في دوحة الخير اكيد بتكونون بخير) يا الربع

اكيد العنوان جذبكم ..لكن صدقوني أنا أتكلم اليوم عن مــوضوع جـدي وبمعنى الكلــمة..وتوافقــــني عليه كـــــثير من البنـــات..
أبي أتكلم عن ظاهره كانت موجودة من قديم وما زالـــت تكوينا بنارها..>((حسبي على من جاب أصلها))..
و ينص قانونها على إن البنت لازم تكـــشف..>((أي لا يلزمها غطاء شرعي)) على عيـــال عمها لأنهم بمثابة إخوانها وغيرتهم عليها مثل غيرة أخوانهـــا..>((عز الله ما صدق من قالها....إلا من رحم الله))..
يعني حتى لو البنت ما تبي تكشف عليهم لأنها تستحي ولأنه محرم أصلاً يغصبونها بحجة إنهم ماهم غـــرب..
طبعاً تختلف صرامة هالظاهرة من قبيله لأخرى...يعني إن بعض القبايل تلزم البنت بلبس الشيله على رأسها فقط...وبعضهم لأ موب لازم شيله..بس ما تقعد معهم واجـــد يعني تسلم وتسأل عن الحال وبس..أما البعض الآخـــــــــر بايعــــها يعني لا شيله ولا غيره وما عندهم مشكله أبد إذا قعدت معهـــم وضحكت ودردشت و استانست....>((عيال عمها موب غرب!!!))
..؟؟؟..
يا عالــــم بالله هذا منطــــق...؟؟؟
يا ناس بالله هذا هو الصــح؟؟؟
معقول لهذه الدرجة العادات والتقـــاليد هي اللي تمشينا...!!
وجننا عن عقــــولنا وجننا عن ديننا..؟؟؟
..!!!..
وين راحت الغـــــيرة يا ناس..؟؟.. ..يعني بالعقل كيف واحد يرضى لأخته أو لبنـــته إنهـــا تقعد مع ولـــد عمها وهي بكاااااااامل زينتهـــا وريحة العطـــر تطرح الطير وهو طــــاير وتسولف معه وتــــضحك وتتدلع....لا وتسهر معه أحياناً بعد....!! بغض النظر إذا كانت بروحها أو معها أخواتها أو خواته هو....!!

الصراحه إللي يرضى لبنته أو أخته كل ذا فهـــو انسان متخلـــف ماتت الغيره عـــن قلبه..>((إعذروني على هالكلام بس والله من حرة قلبي))
يعــــني الولد بيكــــون شاب وبطبيعته بيـــكون عنده ميل للجنس الناعم...إللي هي بنت عمه...خاصه إذا كانت حــــــــــ ـــــلوة وتبين مفــــاتنها قدامه...>((حتى لو أهلها ما يدرون إنها تبين مفاتنها لكن هم إللي فتحو لها الباب))
ونفس الشي بالنسبة للبنت هي شابه وبتميل بطبيعتها للجنس الأخر.....

يا ناس ارحـــــمو بناتكم ...ارحــــموا أولادكــــم والله إذا استمـــر هالشي بيحصل شي لا يحــــمد عقبــــاه.....>((والقهر انهم إذا حصل البلا يرمــون بالتهمة كلـها عالبنت..وينسون إن هم السبب الأساس))
يعني بالله يا عالم....تفتحون الباب لبناتـــكم ولشبـــابكم وتقولون لهم لا تدخلون..لا وتتركونهم بلا رقيب بعد....بأي منطق هالكلام..؟؟

يا عالم ودنـــــا نرجع لديننـــا ونستند عليه بهذه الأمور....والله يا ناس إذا رجعنا للدين بنـــسلم والله بنسلم...
وبتزول أغلب أو كل مشــــاكل الشباب والشابات...من هالناحية...
..
يا عالم صدقوني أنا ما اضطريت للكتابه عن هالموضوع إلا من جو المعـــــاناة إللي أعيـــــشه وتعيشه غــــيري كثير من بنات هالبلــــد أو غيره....
..

أتمنى يا أخواتي وأخواني إننا نناقش هذا الموضوع بجديه تامة..ونحاول إنا نبحث عن الحلول الجذرية أو الجزئية لهذه الظاهرة...
..
أنتظر ومنــــــاقشتكم.....

[هموم]

شدني عنوان الموضوع ولكن حبيت اوضح لك اختي الغاليه شغله ان بنات البدو مايكشفون الوجه امام ابناء عمومتهم حرام واصلا اخوانها مايشفون وجيههم تصدقين والله جميع النساء في قبيلتنا ماعمري شفت الا عيونهم فقط تخيلي الابن لايعرف شكل امه فقط البنت والله ماقلته صحيح ولكن جيلنا نحن الشباب (البنات) لانلتزم بلبس البرقع امام بعضنا ولكن بعض الاقارب مازلوا متمسكين بهذه العاده تصدقين ماعمري شفت وجهه خالتي
والقبائل التي تكشف الوجه امام ابناء العم وايضا تقبلهم كانهم محارم لها (قبائل شمال المملكه ليسوا جميهم ) اما بدو نجد والحجاز متمسكين بما شرعه الله عليهم

[مها]

وعليكم السلام ورحمة الله وبركاااته

ما اعتقد البدووو يكشفووون امام ابناء عمومتهم إذا فيه فهم قله وهذا من الجهل .اسأل الله الهدااايه للجميع ....

جزاااك الله خيرا على الموضوووع ....

[بنت أبوي نور عيني]

إي والله عيب على الأهل والبنات اللي يسمحون بها الشي
والله ماقصرتي أختي كفيتي ووفيتي وسمعت كثير عندهم هالظاهره لكن الحمد لله قبيلتنا بعيده عن هذه الظاهرة والله يرفعها عن الجميع

[وفااا]

.
.
واللـه إنـك صـادقـه يـاجبليـه . بكـل كـلمه قلتيهــا

أنـا وبنـات قبيلتـي كنـا نعـاني من نفـس المشكـله ..

وألحين لازلت مـوجـوده عـند بعـض العـوايـل .. وبعضـهم بطلـوهـا بسبب الوعي الديني ولله الحمـد

والأدهـى والأمـر يـاجبليـه يتشـرهـون يبـون البنت تـرضـى بـولـد عمهـا إذا خطبهــا ..

كـيف وهي طـول عمـرهـا تعتبـره أخـوهـا المـزعـوم .. وهـو بنيتـه أو نيتهـم زواج

شـي طبيـعـي تستـحرمـه.. هنـي تهـون السـالفـه ..

عـند مشـاكـل ومصـائب الـشرف .. نـسأل اللـه السـلام والعـافيـه
.
.
هـذا غيــر سـالفـة الحمـا ( أخـو الزوج) ..
عنـد بعـض العـوايـل عنـدنـا مـايصيـر تتغطيـن عنـه

ويمـون عليـها مثـل زوجـها .. أقصـد يمـون من نـاحية يمنعها من الطـلعه مثـلا أو حتـى يـرفـع إيـده

وسـوالف وبـلاوي نسمعهـا تقشعـر البـدن
.
.
بـس اللـوم مـو كـله علـى الـبدو .. أو العـايلـه الـي تستن بهـ السنن

اللـوم عـلى البنات والحـريـم بعـد

والمـره لابغـت شـي تسـويـه .. كثيـر حـريم وبنـات أعـرفهـم إقلبـو هالمـوازين .. واكسبو أجـر بعـوايلهم

يعنـي

مـاتستسـلم .. بسهـولـه .. والشـي الغلـط مـا ترضـى فيـه لـو عـلى قطـع رقبتـهـا ..

وتظـل .. تتغطـى حتـى لـو انقـدوا عليهـا أو امنعـوهـا .. وعـلى قـولتهتم كثـر الطـق يفـك اللحـام

يعنـي بيـد أي وحـده فينـا بعـد حـول اللـه تغيـر أي منطـق خـاطـئ عنـد قبيلتهـم
.
.
واللـه يـوفقـك إختـي ويعينك
.
.

[حربية]

الصراحه هذه الظاهره تعتبرنادره في طيبه يعني مااعرف احديسويهاالازمااااان ايام الجهل ذحين العلم انتشر
الله يهدي المسلمين

[وجـــود]

فعلا اوافقكم الرأي فهـــــــذا الذي يحصل كان موجــــود لدى الملايين من العوايل ولكن ولله الحمد فالوعي الديني انتشر بشــكل سليم والان قلة من يفعلون هذا الشي ونجد من ينكر عليهم هذا الفعل ..فنسأل الله الكريم ان يبصر السلمين في امورهم....."امـــين"

[الشــاهينة الأزديــة]

هلا بك أخت جبليه ..


وهذا شي مهب عيب بس هذا منكر ..
ويعتبر من عوايد قبيلة وحدة من القبايل المعروفة عندنا في قطر وأعتقد إنك وأنا عارفينها هالقبيلة .. لكن بقولك إن هالشي يمكن قل تواجده أو ما عاد سمعنا عنه فالناس توعوا أكثر وأفهموا دينهم أكثر والحمدلله رب العالمين ..



الأولين ..

حتى البنت تطب وترقص بين الرجاجيل ويتحدون بعض إن فلانة بنت فلان خذت الناموس ( أمحق :) ناموس ) .. وحتى لبسهن بعد .. أول تجيك الوحدة عليها الثوب مخصر وقرونها ( عكفات الشعر ) تتسحب إثنين قدام وإثنين وراء والمفرق عليه مرسال ذهب وش طوله :) وتصب الدلة على الضيف بدال ما تنكفس داخل ..


فـ عادي أختي هالشي عندهم أول لكنه حرام وهم ما يتفهمون إنه كذلك للجهل وقلة الوعي ..



الحين الحمدلله الذي بنعمته تتم الصالحات إنقرضت هالعوايد البدائية المليئة بالمنكر نسأل الله يعفا عنا وعنهم ..




شكراً لك أخت جبليه ..




..

[تسـواهـــن]

هذا من العادات والتقاليد وسببها الجهل بالدين الشرع

[آزاده]

استغفر الله ..نعم قد يحدث هذا مع الاسف هذا نتيجة ظروف معينة ...ولعل القضية أعمق من دفع الاذى بل هي سلامة القلوب (فلاتخضعن بالقول فيطمع الذي في قلبه مرض..) فرفع مثل هذه الحدود بين الجنسين يؤدي إلى أن يعيش الإنسان الهواجس الجنسية والتي هي مقدمة للدخول في المحرمات العملية..

والله جميع النساء في قبيلتنا ماعمري شفت الا عيونهم فقط تخيلي الابن لايعرف شكل امه فقط البنت والله ماقلته صحيح ولكن جيلنا نحن الشباب (البنات) لانلتزم بلبس البرقع امام بعضنا ولكن بعض الاقارب مازلوا متمسكين بهذه العاده تصدقين ماعمري شفت وجهه خالتي

قوية !
شلون يعني ؟صراحة مافهمت ...!!
الولد كيف يعرف امه واقاربه الحلال ان يرى وجوههن وزينتهن ؟؟؟ !!!