[حياة...]

المشاركة الأصلية كتبت بواسطة حلم بين احضان الأمل لما اضغط السجل المدني والرقم السري يدخل الصفحه وكل مااضغط تعديل البيانات مايرضى

طيب حاولي تغيري المتصفح الى كروم ..أسهل بالتصفح للموقع

أو اختاري وقت مايكون فيه ضغط

[حياة...]

المشاركة الأصلية كتبت بواسطة المشتاقة للقاء الله وأي خدمة انا مستعدة ما للإنسان بالدنيا إلا الخلق الطيب

الله يجزاكِ خير ..ويجعل ماتقدميه في ميزان حسناتك..

[حياة...]

المشاركة الأصلية كتبت بواسطة المشتاقة للقاء الله لكن أبغى أعرف كم عدد الوظائف اللي بتنزل ؟؟؟؟؟؟؟؟؟؟؟؟؟؟؟؟

كل سنة ينزلوا الاحتياج بعد مايغلقوا التقديم ..

[حياة...]

المشاركة الأصلية كتبت بواسطة البارقه 2009 لسا مارضى يفتح لي لما اعبي البيانات يواضغط التالي يرجعني للصفحه الاولى ايش الحل

هذا من الضغط حاولي فيه كم مره

أو حاولي تغيري المتصفح إلى كروم ..أسهل بالتصفح

يالتوفيق لك

[حياة...]

المشاركة الأصلية كتبت بواسطة عطر ! حياتي ياحياة شوفي وش صاير معاي هاليومين آلحين لما اسجل متقدم جديد واعبي بياناتي من السجل والخ .... طبعاً يكتب لي انت مسجل لدينا في النظام , بعدين رحت ودخلت السجل والرقم السري يكتب لي خطأ وساعات يرجعني للصفحة مدري وش العمل اخاف يكون الغلط بالرقم السري والله حايسه ومو عارفه الآقي لي حل !! ياليت لو تساعدوني .,’

اوكي إذا خطأ بالرقم السري ..روحي أرسلي للدعم والمسانده وقولي لهم عن المشكله وإن شاء الله يرسلوا لك الرقم السري الجديد

هذا رابطهم


الدعم والمساندة

وبالتوفيق لك

[حياة...]

المشاركة الأصلية كتبت بواسطة رفيف الغامدي الله يسعدك ياحياة ويوفقك سهلتي علينا المعاناه يارب أول اسم يتعين اسمك ابي استفسر عن بداية الدراسه يعني اكتب تاريخ تحرير وثيقة الثانوي والا ازيد على التاريخ 3 شهور وكمان الرغبات التعليميه احط المركز اللي انا منه والا اقدر اضيف مراكز ثانيه لانه مكتوب نقدر نضيف عشر رغبات يعني مثلا انا مركز الرياض اقدر احط الرياض والرغبات اللي تحته وبعدين اختار مركز جده واحط الرغبات اللي تحت جده. معليش طولت اسألتي ياليت تساعديني انت او اي وحده من الاخوات....

حياتي أنتي اللهم آمييييييييييييييين والجميع إن شاء الله

*بالنسبه لبداية الدراسه ..شوفي أي سنه أنتي تخرجتي من الثانويه ؟؟ ثم أبحثي بقوقل التقويم الدراسي لنفس السنه ..راح تلقي فيه كل التواريخ للسنه ..

* الرغبات المكانيه : ضعي المركز الرئيسي : ثم أنتظري كم ثانيه ويفتح لك خيارات هذا المركز وإيش فيه من محافظات ..وأختاري منه

- أما إنك تضعي مركزين يعني الرياض وجده لا ماأعتقد أنه يصير لأن من زمان الخدمه الامدنيه رافضين هالشي ..وفيه إثبات الاقامه كل سنه يطلبونه لكن السنه الماضيه عملوا تعديل له يعني عملوه شامل ع المركز الرئيسي ..يعني أنتي لو أخترتي مركز الرياض وأنتي ساكنه في الخرج ووضعتي أكثر من محافظه في الرياض وتينتي في المجمعه..عادي ..لأن الاثبات شامل لمركز الرياض الرئيسي..

* طبعاً الرغبات هم سامحين 10 رغبات

وبالتوفيق حياتي

[العفة]

السلام عليكم ورحمة الله وبركاته

تصوير الشهادة المؤهل لابد سكنر ؟

ام تصوير جوال ينفع لاباس به

شكرًا لكم

[حياة...]

المشاركة الأصلية كتبت بواسطة طــيف كيفيه التعديل في البيانات المصيبه اذا دخلت المعلومات الاوليه يقول مسجل من فبل

اذا دخلتي وطلع لك اسمك ورقمك السجل

روحي جهة اليمين مكتوب تعديل بيانات المتقدم اضغطيه وعدلي

..أما اذا مادخل ويقول الرقم خطأ راسلي الدعم

[حياة...]

المشاركة الأصلية كتبت بواسطة حنين الوجدان الله يوفق الجميع ويسهل امورهم شـكــ وبارك الله فيك ـــرا لك ... لك مني أجمل تحية .

آمين وإياك ..شكرا لك

[حياة...]

المشاركة الأصلية كتبت بواسطة العفة السلام عليكم ورحمة الله وبركاته تصوير الشهادة المؤهل لابد سكنر ؟ ام تصوير جوال ينفع لاباس به شكرًا لكم

وعليكم السلام ورحمة الله وبركاته

لا هاللحين تصوير الشهادة مو ضروري

لأن بوقت تسجيلي انا كان فيه خانة التصوير وتركتها ..

وقبل كم يوم سجلت ثنتين من قريباتي ..وماكان فيه خانة التصوير يعني شالوها

لأنهم عرفوا انها شي مو ضروري