[امــيــرالــحــزن]

بسم الله الرحمن الرحيم


السلام عليكم ورحمة الله وبركاته


بعد السلام.. هذي اولى مشاركتي في ها الصرح الجميل والمميز..

وبكل صراحه انا عرفت عن المنتدى من خلال المقابله اللي حصلت اليوم مع الشيخ فهد العصيمي حفظه لله..
وبعد ماشفت المقابله حسيت في الشيخ فهد انه انسان كثير واضح وكثير راقي في الكلام .. مع ان المذيع حاول
استفزازه اكثر من مره .. لكن كانت ردود الشيخ بقمه الاخلاق والادب ... الله يطول بعمرك ياشيخ ويحفظك من كل مكروه


ابصراحه بعد ماقدمت لكم نبذه بسيطه عن كيفيه معرفتي في المنتدى .. ودي اتكلم وياكم بكل وضوح وبكل بساطه
انا شاب سعودي عمري 27 سنه تخرجت من الثانويه العامه وكلمت دراستي وانا من عائله معروفه ..
ولكن انا شخص مرت علي اشياء غريبه في حياتي اولا لايوجد لي اصدقاء والسبب بعدهم عني بسبب
حزني الشديد دايم كأيب دايم احس ان الناس يكرهوني دايم احس اني احسن منهم في كل شي
والله العظيم اني شخص اخاف الله في كل شي .. لكن انا مقصر في طاعته سبحانه وهذا اعتراف مني
كل شي فيني زين الا اني ما اواظب على الصلاه .. اه اه حزن في حزن ودي اطلع من الحاله اللي انا فيها
عندي اشياء كثيره ابي اقولها لكن يخوني التعبير انا مدري الحاله اللي امر فيها هل هي غضب من الله عزوجل
ودي اكون مثل اخواني الملتزمين اكون شخص اصلي واحرص على العبادات واطيع ابوي وامي ..
تصدقون انا دايم اعتبر الانترنت هو صديقي الوحيد .. احس هو اللي يفهمني وافهمه ..

ابصراحه فيه كثير كلام ودي اقوله لكم...

يمكن بعدين ارسل لكم موضوع ثاني الله يخليكم عطوني نصايح ابي ارتاح من الهم اللي انا فيه




اخوكم
امير الحزن

[الطامحة إلي الفردوس]

السلام عليكم والله العظيم اني دمعت وانا اقرأ كلامك مدري احس اني حسيت فيكم
كلماتكم تطلع من القلب والقلب كله حزن حتي التوقيع حزين ..... الله المستعان

اخوي كل انسان فيه حزن وفيه هم وكذاب اللي يقولك انا مافيني
ومسألة انك تحس ان الناس يكرهونك مدري والله بس يمكن من ضيق فيك او وحده او حزن ااسراك وخلاك تفكر كذا
مدري يمكن
بس ليه ما عندك اصدقاء؟ حاول علي الاقل تجمع كم صديق ترا حتي انا مو من كثر صديقاتي اقصاهم 5 بالقليل طبعا
ومسأله انك ما تحافظ علي الصلاة لا هنا مافي مجامله اذا ما حافظت عليها ترا بنضربك كلنا لين تحافظ
لازم تحافظ عليها واذا تبي تسهل عليك واسأل مجرب صل القيام وكثر من النوافل وفرضك راح يكون سهل وبسيط

واخوي قول اللي بقلبك وطلعه كله وكلنا آذان صاغيه بس لا تحطه بقلبك ترا مو زين ننتظر ردك
اختكم : الطامحة الي الفردوس

[امــيــرالــحــزن]

افارق هم وعانق هم

ولاادري وين مشوري

[الأميره الصغيره]

اولا اهلا وسهلا فيك

وحبيت اقلك شي مهم وصدقني انا مجربه هالشي

عليك بالاستغفار قال الرسول صلى الله عليه وسلم (( من من لزم الاستغفار جعل الله له من كل هم فرجا ومن كل ضيق مخرجا ..))

فعليك اخي الكريم بكثرة الاستغفار والاكثار من ذكر الله
واقرأ الاذكار دائما بشكل يومي لان كثر ه الذكر تبعث للنفس السرور والطمانينه

حاول تكون علاقات مع اصدقاء الخير


الله يرفع همك ويزيل غمك

[امــيــرالــحــزن]

ساعات افكر اني اهاجر اسافر بدون محد يدري عني .. احيانا افكر اني اجاهد في سبيل الله
اموت شهيد ولا اموت حزين دايم احب اشوف صور اخواني المجاهدين ابتسامته عند الشهاده
شي خيالي .. الله يعني لو اموت شهيد راح اشفع 70 من اهلي .. احس ان هذا هو الحل
بس خايف على امي المسكينه اللي والله العظيم انها حريصه علي وخايفه علي ويوميا
تنصحني لكن انا قلبي قاسي ازعل اذا احد نصحني ولا اتقبل من احد الكلام
بعد ماشفت الشيخ اليوم وشفت وجه البشوش وكلامه الطيب قلت بدخل في اسم مستعار
بقول اللي بقلبي وانا مرتاح بس الله يخليكم لاتعطفون علي لاني صدقوني محتاج
نصيحه هذ اللي ابيه .. اخاف ارتكب في نفسي شي وانا غرقان في الحزن
3 اشياء تمر على بالي يوميا اموت شهيد او اهاجر عن بلدي او ماراح اكملها استغفر الله من كل ذنب

[الأميره الصغيره]

اجاهد اهاجر اموت .......!!!!

شكلك ارهابي ...!!!

بقلك شي اجره اعظم من الجهاد في سبيل الله وهو ((( كثرة ذكر الله جل وعلا )))

[رفيعــة الشــأن]

هلا بك اخوي امير الحزن
اول شيء حبيت ارحب فيك معنا في المنتدى شرفنا انضمامك لنا ياخوي
وحياك الله بين اخوان واخوات لك في الله

لاتقول ماعندك اصدقااء احنا هنا كلنا ان شاء الله بنكون اخوان لك في الله
ونسأل الله ان يظلنا الله بظله يوم لاظل الا ظله


والاخوان هنا ماراح يقصرون كلهم بيكونون اصدقااء لك


اما بالنسبه لمشكلتك فهي بسيطه جدا
لكن انت فيك خيرر وانت رجال تخاف من الله
والدليل هو تانيب الضمير اللي انت جالس تعيشه
ولو انك انسان مايهمك شيء كان ماكنت حزين ولا اهتميت للشهاده ولا لخاتمه الحسنه
يعني انا اهنيك بالشيء هذا

واول شيء انصحك فيه هو الصلااااة ثم الصلااااااااة
سبب هالحزن وضيقه الخلق اللي فيك هو بعدك عن الله سبحانه وتعالى
وصدقني لو صليت الفروض الخمسه اللي واجبه عليك راح تحس براااحه كبيرررره
انت جرب هالشيء كم يوم وشف النتيجه

حاول انك تختلط مع ناس يخافون الله من هالشباب اللي ماشاء الله يسوون حلقات علم في المساجد
رح احظر درس في اي جامع وتعرف على اللي حولك فمن صاحب الاخيار تاثر بهم

ان ماقدرت تروووح او ماتحب تروح خلاص انت تقول ان النت صديق لك
ليش ماتستغله في طاعه الله
انت الحين تقول مقصر في جانب الصلاة روح لقسم المحاضرات اسمع محاضره عنوانها
صلاتي نجاتي
للمحاضر عبدالمحسن الاحمد
كلامه رائع جدا واسلوبه هاديء ومؤثر

انت مقصر مع امك وابوك
تذكر انهم قضوا كل عمرهم وهم يربونك و يسعون لراحتك
وهل جزاء الاحسان الا الاحسان !!!
انت تقول ودي اجهاد علشان اموت شهيد
والرسول صلى الله عليه وسلم لما قال له رجل اريد الجهااد فقال هل والداك احيااء فقال نعم
قال له ففيهما فجاهد
بما معنى الحديث
يعني حبك لوالدك ووالدتك وبرهما وطاعتهما مثل الجهاد في سبيل الله سبحاان الله

وشيء ثاني خليك طيب ومتسامح وتقرب الى الله ليحبك الله وينزل في الارض حبك
فيحبك كل من حولك
فمن احبه الله احبه النااس

ولا تيأس او تفكر بالموت ولاحول ولا قوة الابالله
فانت في ريعاان شبابك والمستقبل امامك طويل باذن الله
فاستغله في الطاعاات وخدمه الاسلام

وما تمر به هو ازمه نفسيه وسوف تذهب عنك باذن الله
وان لم تكن متزوج فتزوج من امرأة صالحه وسوف تقلب حياتك باذن الله الى سعاده ونعيم
وسوف تعينك على الطاعات والتقرب الى الله
ولاتنسى الدعااااااااااااااااااااااء فانه مفتاح السعاده هو والقرااااااان


اسأل الله لك التوفيق والسداد
واسأله سبحانه ان ينزل عليك الراحه والسكينه ويغمر حياتك بالحب والسعاده في ظل والديك وزوجتك واولادك
انه على ذلك قديرر

[lamo0]

وعليكم السلام ورحمه الله وبركاته ..

اخوي امير الحزن ..عسى الله ان يفرج كربته ويزيل همك..

× بالنسبه للي ذكرته في موضوعك شي عادي وكل واحد فينا يمر بظروف مثلك واكثر بعد , بس كل واحد يختلف عن الاخر بقوه تحمله وثباته وصبره على همومه بكثر تقربه لله او ابتعاده ..

" ومن يعرض عن ذكري فان له معيشه ضنكا ونحشره يوم القيامه اعمى "
× لو دققت شوي في الايه على حسب اللي فهمته ان فيها تهويل وتخويف بس في البدايه يبين لنا الله طريق النجاة .. اللي هي التقرب الى الله بالاذكار والصلوات المفروضه في وقتها ..

× الاشياءالغريبه اللي مرت عليك في حياتك كلها اشياء عاديه وممكن تكون ماهي موجوده اصلاً لان حسب مافهمت انت وحيد نفسك وشي طبيعي من كثر ماتجلس مع نفسك انها تحدث لك اشياء غريبه وتطمن هالاشياء ماراح تظرك ولا تنفعك في شي وبعد كم سنه راح تنسى كل شي حتى انك راح تتذكر هالشي صار معي ولا هواجيس , بالنسبه للاصدقاء المفروض في سنك يكون عنده لو واحد ومو شرط يكون خارج نطاق العائله احتمال يكون احد من اقرب من تثق فيه يكون هو صديقك .. واذا كان علي يوم كان عندي صديقات كانت حياتي اسوى من الحين واحلف بالله ماشفت منهم خير حتى الكلمه يقولنها على لساني بالكذب ومن يوم صفيتهم وانسحبت منهم وحده ورى الثانيه ونا بخير على الاقل يكون ضميري مرتاح ..

× عندي عده طرق اسويها حتى اتخلص من حياه الامس وابدى في يوم جديد وطبعا على دفعات وبحرص حتى ان اهلي مايعرفون اني جالسه اغير نفسي بنفسي بدون تدخل في احد :

1 - كنت عايشه في غرفتي عالمي الخاص وماكنت اشوف احد حتى من اهلي وهذا الشي يضايقتي كثير لان الدنيا تتغير وماتدري شلي صاير فيها فعمدت اني اطلع التلفزيون حتى اضطر اني اجتمع مع العائله , وبعدها بفتره المسجل حتى اترك سماع الاغاني << وهذا بالذات من تركتها ونا في راحه نفسيه عجيبه .

2 - احاول كل فتره احفظ ادله او ايات قصيره عن حفظ النفس واذكارات الصباح والمساء واذكارات الهم والحزن وهي موجوده في كتيبات او مطويات ومتوفره في كل وقت ابحث عنها في النت .. وكل حديث او ايه اكتبها في نوته واعلقها على جهازي حتى يتم حفظها بسرعه .

3 - بعد كل صلاه فريضه اقرا صفحه من القرآن وبعد فتره بتلاحظ على نفسك انك قريت صفحتين
بدون ماتشعر وياليت تبدا من الاول وتترك عليها فاصل حتى تشوف وين وصلت وراح تختم القرآن
في السنه عده مرات .

4 - في وقت المتاخر من الليل خذها عاده انك تصلي الشفع والوتر يمكن تستصعبها في البدايه وتكون ثقيله بس بعد المداومه تحس انك فاقد شي ولازم تسويه وكأنها فريضه عليك .. وطبعا الادله اللي حفظتها سابقا راح تكررها في الوتر وادعوا ربي ان يزيل عنك الهم والحزن وثق ثقه تامه ان الدعاء لايرد ..

5 - اذا كنت تبي تجاهد جاهد في والديك تراهم هم احق عليك , شف محتاجين او ناقصهم شي او حتى تساعدهم والكلمه الطيبه لها ثمراتها ,ودعائك لهم ترى فيه خير وبركه لهم .

× داوم على اللي ذكرتهوبتلاحظ بعد فتره براحه نفسيه غير وان حياتك تغيرت للافضل , واكيد عندك اشياء اكثر ممكن تسويها لان حسب مافهمت من رسالتك انك عايش في فراغ وهو اللي مخليك تحس بكآبه وكره الناس .

× سوي زياره للملاجى والايتام وشوف المرضى في المستشفيات وياليت تمر على دار العجزه وانسان , بتشوف نفسك انك افضل بكثير وان فيه ناس عايشه اسوى من عيشتك وماشيه حياتهم ومبسوطين وراضين بحكم ربهم اللي ماراح يضيعهم لانهم متكلين عليه سبحانه .

× ياليت تشكي همك لخالقك لانه هو سبحانه اعلم بك وهو مدبر ومصرف امورك , ياليت تخطو الخطوه وتتقرب اليه سبحانه , قال صلى الله عليه وسلم في الحديث القدسي عن رب العزه والجلال ( وماتقرب الي عبدي بشئ احب الي مما افترضته عليه ولا يزال عبدي يتقرب علي بالنوافل حتى احبه فإذا احببته كنت سمعه الذي يسمع به ,وبصره الذي يبصر به ,ويده التي يبطش بها ورجله التي يمشي بها ولئن سألني لاعطيه , ولئن استعاذني لأعيذه ).

× اتمنى ان يكون موضوعك الثاني عن راحتك النفسيه وتغيير مجرى حياتك للافضل .

[سمر4]

السلام عليكم ورحمة الله وبركاتة
ربي يشرح صدرك ويسر الله امرك ويفرج الله كربتك
بعدين انت ليش خزين ترى الدنيا ماتسوى
اخى فى الله اول شي غير الاسم ترى له دور كبير ضع اسم فريحي شو بدل امير الحزن خلها امير الفرح
او اسم فيه شي من القوة اسم يعجبك لاتظلم نفسك
بدل طريقة افكارك
حافظ على الصلاة من كلامك احس انك طيب
انت تحب ربنا اذا اسع كلامة
اقراء الرقية الشرعية على نفسك او امك او ابويك يقرها عليك
قل ربى اشرح لى صدرى ويسر لى امرى
الست مسلم اذا انت سعيد
الست بين اهلك هذه نعمة وسعادة
حافظ على اذكار الصباح والمساء
الاستغار اكثر منها يمكن فى البداية بيكون قليل مع الايام بتزيد
ادعى ربك وانت جالس تمشي نايم على اى حال ان يشرح صدرك
اشتغل اى عمل طيب لاتقعد فاضى الفراغ يجيب الامراض
ماادرى تحب القراءة ولالا اعطيك اسم كتاب حلو الصفحات ماهى كثيرة
اسم الكتاب (لماذا صلاة الفجر)
المؤلف عدنان الطرشة
فرح البزورة الصغار الى عندك فى البيت او الجيران جبلهم حلاوة اى شي يحبوة اذا فرحوا انت بتفرح جيب لماما هدية
انت لشقت السعادة في عيون غيرك انت بتفرح
لكن اهم شي الصلاة الصلاة الصلاة
انت صلى شوف قلبك كيف بتغير
خلاط الناس لاتقول ما يحبوني ترا هذا الشيطان سيبك منه واجلس معهم

اقراء هذا الحديث

حديث ابن عباس رضي الله عنهما أن النبي صلى الله عليه وسلم قال له: " احفظ الله يحفظك، أحفظ الله تجده تجاهك، تعرف إلى الله في الرخاء، يعرفك في الشدة، إذا سألت فاسأل الله، وإذا استعنت فاستعن بالله " (من حديث رواه الترمذي وقال: حديث حسن صحيح).
اتمنى لك السعادة والهناء يأخي انت مع امك وابيك انت سعيد
اسأل الله العظيم رب العرش الكريم ان يشرح صدرك
يارب انك توفقة لما تحبه ويرضاة
اتمنى لك كل خير

[د. هند الحربي]

الأخ الفاضل : أمير الحزن

أرحب بك في هذا المنتدى وأتمنى أن تكون عضو فعال وتفيد وتستفيد من ما يطرح من اسأله ومواضيع ومقترحات..

أخي الفاضل : اؤكد على ماقيل من نصائح, كما أضيف بأن هذه المسألة سلاحها الوحيد هي الإرادة القوية في التغلب عليها ووضع قدمك على أول الطريق, والثبات أثناء المشي عليه...

وفي حالة عدم مقدرتك فيجب أن تراجع طبيب نفسي حتى يتم التغلب على هذه الحالة , فالحالات المشابه لحالتك كثيرة ويتم علاجها في وقت جداً قصير ولايوجد لها أثار جانبية أطلاقاً, كما أنه بالإضافة إلى العلاج الدوائي هناك جلسات نفسية من قبل المختصين في هذا المجال تساعدك على التفكير المنطقي والعقلاني واستبدال أفكارك الخاطئة بأخرى صحيحة..

في حالة عد أقتناعك بالذهاب للطب النفسي فابعث لي معلومات كاملة عن وضعك وسوف أحاول وضع برنامج علاجي مناسب لحالتك وأبعثه لك على الخاص...


ودمتم,,,