[أم صفاء]

عندي بنت عصبيه حيل وطلباتها أوامر الصراحه حاولت أنها تصير مثل أخوانها الكبار
تتأدب ولكن ماكو فايده أحس أن عصبيتها تزيد مع السنوات لدرجه أنها تضربني
ولكن مو يشكل عنيف وتصرخ أنا على طول ألبي رغباتها لاني أحبها كثير كثير
واذا شافت أختها تحبني مثلا على طول تعطيني كف وتهدد أنا مو قلت لا تحبينها
أنا أضحك ولكن بيني وبين نفسي أخاف تكبر وتزيد بالعنف
قولولي شنو أسوي معاها عمرها 5 سنوات
لا تقولون أضربيها ما أقدر أضربها لاني مجرد أنظرلها بغضب تبكي وتسويلي مناحه

شنو الحل

[الايطاليه]

اول شيء ربي يسعد ج و يسعد بناتج و يخليهم لج يارب ..

الحل سهل جداا لازم تعاقبنهااا عشان تعرف حدودها معج من البدايه ..

يعني مثلا اذا ضربتج تمسكينه و تقولين لها عيب البنات الشاطرات مايضربون الماما ..

و بعدها تخلينها تجلس فوق كرسي و تقولين لها انتي معاقبه و لاتكلميني و تجلسين ولا كلمه لمده 5 دقايق ..

و علميه ع شغله ان لازم تقول لج اسفه ع كل تصرف غلط تسويه ..

طبعا هذا الحل من وجههة نظري الشخصيه ..

وربي يووفقج و يووفق عيالج ..|

[أم صفاء]

مشكوره أختي ايطاليه والله يا أختي تعبت معاها معاملتها حيل جافه
ويقولون بنتك بنيتها ضعيفه ما تاكل قلت بالعكس أكلها طبيعي ولكن من العصبيه
والحراره صايره ضعيفه يعني تخيلي اليوم أقولها نادي اختك بسرعه تقول ليش أنا
خدامه عندك روحي انت ناديها مستحيل تسوي اللي أقول لها حتى اللبس هي تختار
اللي يعجبها مرات تفشلني بذوقها تلبس بدله غير والتنوره غير والألوان تعالي وضحكي
احترت فيها من جد احترت أخاف تكبر على العناد الله يستر

[رومنسيه حدي]

اسألي طبيبه نفسيه افضل

[الايطاليه]

يا اوم صفاء نفس ماقلت لج كوني شديده شوي عليها ..

يعني احرميها من اشياء تحبهم مثلا شوكلات او الالعابها مثلا ..

اخذي كرسي وسميه كرسي العقاب وقولي لها اذا ماسمعتي كلامي راح تجلسين عليه ..

و لاراح تتكلمين اي كلمه و كل راح يزعل عليج ..

جربي الشيء معها مارا و بعدها صدقيني ماراح تسوي شيء الا بموافقتج ..

علمي نفسج اول شيء ان تقولين لها عيب بصوت عالي شوي علميها ان تصرفاتها غلط .

لا تضحكين ولا تتهاونين في اغلاطها ..

وربي يهديهااا و تشوفينها عروسه يارب ..

[أم صفاء]

مشكوره أختي رومانسيه المشكله اني عارفه بالطب النفسي
وعارفه أن الغلط مني مومنها لاني دلعتها كثير على حساب نفسي
أختي إيطاليه بنتي الي أكبر منها عمرها عشر سنوات تقولي انت دلعتيها
وايد وتخاف منها لان الصغيره تضرب الكبيره مرات ولما يتهاوشون أكون بصف الصغيره أكثر
لاني بصراحه ماحب أحد يضربها فان شاء الله أنا بتبع كلامك وأحرمها من شغلات تحبها
وأشوف حل مع العنيده هذه والله يستر على بناتنا والله يوفقكم خواتي

[الايطاليه]

ربي يسعدج اوم صفاء و بشريني شنو يصير معج ..|

[جرح عميق]

أختي
أنتي سهلتي عليها إنها تضربك
شدي عليها بلطف
وعالجيها بالحرمان
وإذا عصبت لاتعصبي منها روحي وخليها
لأن العصبية مرض يمكن تسوي شيء لو عصبتيها زيادة
الله يكون بعونك

[أم صفاء]

مشكورين خواتي اعذروني ترى جبتها على كبر الله المستعان

[املي بربي *]

اهلييين اختي ام صفاء جربي احرميها من شي وقوليلها انتي ماسمعتي كلامي
وانا زعلانه عليك فتره كيذا

او يمكن بنتك من النوع يمشي بالتشجيع والمسايسه يمكن تبي حنان دايم الاطفال الي عندهم عناد فقده حنان

يمكن وراثه يمكن انتي عصبيه يؤؤؤؤؤؤؤ ه اذا كان ورررراثه الله يعينك يبغالها دراسه
فيه حل يمكن من نوعية الغذاء حاولي تعطينه اشياء مهدءه طبيعيه مثل خس خياااار ينسون بابونج امممممممم بكرى نكمل ....