[سنــدســ]

السلام عليكم ورحمة الله وبركاته

صبآحكم .. مسآئكم روآقه ورضى الرحمان

المنيو ~

صينية بطاطس بالتشدر والبشاميل


صينية الشاورما


صينية الباذنجان بالبشاميل


صينية الدجاج المحمر بالفرن


اسباغيتي التونة بالبشاميل


دوائر التوست بالتونه


الكيكة الأوروبية


حلى الشوفآن


بسكوت الكاكاو بحشوة السنكرز


فطيرة التفاح


حلى كرات البسكويت


كيكة التمر

بسم الله نبدأ




صينية البطاطس بالتشدر والبشاميل









المقادير والطريقه مع بعض




الطبقة الاولى (طبقة البطاطس):










4 أو 3 حبات بطاطس حجمها وسط مسلوقه + رشة ملح + رشة فلفل اسود + ملعقة زبده


+ملعقة جبن سايل >> نخلطهم مع بعض بشوكة أو ملعقه خشبيه أو البسي gloves القفازات


وبيدك اعجينها (اللي يريحك) وافرديها بالصينية









الطبقة الثانية (حشوة الدجاج):









نسلق دجاجة وننتفها ولو فرمتيها احسن ( بس انا كانت الاله خربانه وقتها)


+ بصلة مفرومه + 2 فص ثوم مفروم + بهاراتك اللي تحبين (واضيفي عليها الاعشاب الايطاليه وورق الريحان >> انا بصراحه استغنيت عن الاعشاب الايطالية والريحان)


حبه فلفل بارد + ذره معلبه +جزر مبشور + ملح >> لاتحطين ماجي لأن الصينية فيها ملح بكل طبقه فنستغني عنه




نشوح البصل والثوم بالزيت >> بعدين نحط الدجاج ونقلب شويااات >> بعدين نحط الخضار


وبعده البهارات ونقلب >> وآخر شي نحط الذره لأنها مستويه ونخليها شوي على نار هاديه


ثم نطفي عليها ونحطها بالصينيه كطبقة ثانيه










الطبقة الثالثة:


علبة جبن تشدر كبيره نبشرها ونحطها فوق خلطة الدجاج









الطبقة الرابعة (البشاميل):


بخلاط الكاس >> كاس مويه دافيه + 2 ملعقة كبيره دقيق


+4 ملاعق كبيره حليب بودره + رشة ملح وفلفل ابيض او اسود >> نخلطهم ونحطهم عالنار


حتى يثقل الخليط ونفردها عالصينية ونحط هالوجه موزاريلا وبابريكا









ندخلها فرن مسبق التشغيل من تحت شوي


ومن فوق لحد ماتسيح الجبنه




وهذي شكلها اول ماطلعتها









وهذي بعد التقطيع والتزيين









وبالعافية




صينية الشاورما









بس بصراحه مادخل مزآجي اسمها لأن طعمها بعيد عن طعمة شاورما السوق


طعم بنكهة ثانيه ... أحب هالصينية بكثر حبي للي عطتني الوصفة الله يذكرها بالخير


ويوفقها دنيآ وآخره


هذي الصينية إدماني انا والعايلة وسهلله جدا


إدمان بشكل مو طبيعي وإذا بغيت ازيد كم كيلو سويتها



نرجع لطبختنا


المقادير والطريقه




الطبقة الأولى:









نقطع بطاطس وباذنجان مكعبات ونقليهم ونحطهم بالصينية









الطبقة الثانية:









نسلق دجاجة وننتفها ( ماتفرمونها بالآلة بس تنتيف )




عالصاج >> نحمس البصل مع الزيت لحد مايذبل البصل شوي ثم نضيف له مكعب ماجي


>> بعدين نضيف الدجاج ونقلب >> بعدين الفلفل البارد >> ثم الملح




ونحط هالحشوه فوق البطاطس والباذنجان









الصوص :


علبة زبادي + علبة قشطة التاج او بوك + 4 ملاعق كبيره مايونيز


+ 4 ملاعق كبيره جبن سايل >> نخلطهم ونحطهم فوق طبقة الدجاج









وهنا رشيت عليها بابريكا ( اختياري)









وندخلها فرن مسبق التشغيل من تحت وفوق بنفس الوقت


ويكون مستواها وسط بالفرن مو فوق ولا تحت
















BroB

[سنــدســ]

اسباغيتي التونة بالبشاميل

هالاسباغيتي سريع وسهل وطعمه حلو ويشبع
ينفع لآخر الليل اذا حسيتي بالجوع وطعمه افضل من الاندومي >> من اعداء الاندومي

المقادير والطريقة
أولا: نسلق باكيت مكرونة اسباغيتي مع موية وملح وشوية زيت
لحد ماتوصل الاستواء اللي تحبينه وطفي عليها وصفيها من مويتها ورجعيها للقدر

ثانيا: نقطع >> فلفل بارد + بصل أخضر + شوية كزبره
ونخليهم على جنب
وآخر شي نسوي اسهل بشاميل بالكون
بالخلاط >> كاسين مويه دافيه + 4ملاعق كبيره دقيق + 8 ملاعق كبيره حليب بودره
+ ملح وفلفل ابيض وفلفل اسود >> نخلطها بعدين نحطها عالنار حتى يثقل الخليط
ونطفي عليها

الحين نضيف للمكرونه اللي بالقدر>> 2 ملعقة كبيره جبن سايل ونخلطها مع المكرونه
بعدين نضيف علبة تونه جيشا ( افضل هالنوع) ونخلطهم
>> بعدين البشاميل ( مو كله على حسب مزاجك اذا تبينه كثير او قليل البشاميل)
وآخر شي الخضار المقطع
ونخلطهم كلهم مع بعض
وبس ومافي اسهل من هيك ^_^

دوائر التوست بالتونة

وهذي بعد اسهل من اللي قبلها
وادمنتها حيييييل وشكلها رايق في التقديم

المقادير والطريقه

1/ توست نقطعه بقطاعه دائرية كبيره
2/ الصوص وهو عباره عن ( خردل + كاتشاب + مايونيز )
بكميات متساويه وندهن فيه التوست

3/ اي حشوة متوفره عندك حطيها وانا دايما استخدم ( تونة + مايونيز + فلفل بارد + كزبره + عصرة ليمون + ملح وفلفل اسود ) ولك حرية الاختيار

4/ نجيب طماطم ونقطعه شرايح دائرية عريضه نوعا ما
>> نحطها عالصاج مع زيت زيتون ونخليها لين تذبل شوي
( لاتلين مراا ولا نبيها قاسيه ) ونحط الطماطم فوق حشوة التونه

5/ جبنة اي نوع متوفر عندك بس مو سايله >> انا استخدمت تشدر المراعي
نبشرها فوق الطماطم

6/ ندخلها فرن حااار مررااا من تحت وفوق بنفس الوقت لين تذوب الجبنه ونطلعها

ملاحظه : اذا ماتحبينها مقرمشه ولعي عليها الفرن من فوق بس
واول ماتذوب الجبنه طلعيها >> راح تصير طريه
بس انا افضلها مقرمشه احلى

وبالعافيه

نبدأ بأحلى شي بالمنيو .. الحلويات

قبل ماابدأ أحب اذكركم إني استخدم الاكواب والملاعق المعياريه لما اسوي الحلى
بس عاتي انتي لما تسوين اي وصفة حلى
الكوب اللي تستخدمينه يكون للوصفه كامله مو تغيرينه
عشان لاتتغير عندك المقادير ويمكن ماتضبط بعدين
اتمنى اكون وضحت لكم وفهمتوا


يتبع

[سنــدســ]

الكيكة الأوروبية

هالكيكة ادمااان ادمااااان ادماااااااان .. مو طبيعي يابنات
كل اسبوع اسويها .. ادمنتها انا واهلي
طعمها مرراا حلو وطريه ولذيذه هالكيكه
صاحبتها الله يذكرها بالخير تقول هالكيكة ادماني وكل من جربها ادمنها
وأحلى مافيها ان طلباتها متوفره وطريقتها سهله ..
بس اخلطي >> كلها خلط في خلط

المقادير والطريقه

في خلاط الكيك >> كوب زيت + كوب سكر واخلطيهم >> ثم نضيف
3 بيضات + الفانيليا السايله ( أو الفانيليا البودره + اضافه من عندي ملعقه كبيره موية ورد)
واخلطي >> ثم نضيف كوب حليب سايل ونخلط >> ثم نضيف كوب حليب بودره ونخلط
>> آخر شي نضيف كوب دقيق + ملعقه كبيره بكنج باودر ونخلط لين يمتزجون ونقفل الخلاط

ونحطها بصينية مدهونة بزيت ومرشوشه بدقيق ونخبزها
وطبعا نكون مشغلين الفرن من قبل يعني الفرن يكون حار

وأول ماتطلع الكيكة نتركها تبرد شوي بعدين نصب عليها الصوص
واللي هو عبارة عن:
ثلاث ارباع علبة حليب محلى نستله + 4 أو 5 حبات جبن كيري

ونرشها بشوية قرفه أو كاكاو باودر أو بالصوص بس
بس طعمها بالقرفه خيااااال

وهذي صورتها قبل ماادخلها الفرن


وبعد ماطلعتها وبردت






وبما اني سويت هالكيكة كثييير راح اعرض صور مختلفه لتقديمها


.
.
.




وهنا مسويتهم كب كيك



وهذي طريقه بسيطه لتزيينها


.
.



وهذي ميني كب كيك
مراااا يدنننووون وبالتزييين أحلى



وشكلها بعد التزيين



.
.


.
.



وبالعافيه

ملاحظات:

1/ انا بعض الاحيان اول مااطلعها وهي حاره اصب نص الصوص عالكيكه


ولما تبرد أصب باقي الصوص ولك حرية الاختيار


2/ بالنسبة للي ماعندها خلاط كيك تقدرين تستخدمين خلاط الكاس بنفس الطريقه لكن الدقيق والبكنج باودر ماتخلطينه بخلاط الكاس تخلطينه عاتي بالمضرب اليدوي مع اللي خلطتيه بخلاط الكاس.

[سنــدســ]

حلى الشوفآن

في هالحلى طبقة الشوفان تكون مررااا مقرمشة
للي يحبون الحاجه المقرمشه راح يعجبهم هالحلى البسيط

المقادير والطريقه

الطبقة الاولى:
كوب شوفان + نص كوب جوز هند + نص كوب سكر بني + أصبع زبده سايحه
+ ملعقة فانيليا سايله او رشة فانيليا بودره
>> نخلطهم زين ونصبها في صينية بايركس وندخلها الفرن لمدة 15 دقيقه بس

الطبقة الثانية:
نص علبة حليب محلى نستله + 6 حبات جبن كيري
>> نخلطهم زين بعدين نصبها على وجه الصينية وندخلها الفرن من فوق بس دقايق ونلطعها
وعند التقديم نرش عالوجه شوية قرفه
وبس

بسكوت الكاكاو بحشوة السنكرز

المقادير
كوب دقيق + اصبع زبده ذايبه بحرارة الغرفه + نص كوب سكر
+ 5 ملاعق شوكولا بودره غير محلاه + نص ملعقة صغيره بكنج باودر
+ ربع ملعقه صغيره ملح + بيضه + رشة فانيليا بودره
+ اصبع ونص سنكرز الكبير

الطريقه
1/ نخلط الدقيق والشوكولا الباودر والبكنج باودر والملح مع بعض
2/ نخلط السكر والزبده بخلاط الكيك لين يصير مثل الكريمه >> بعدين نضيف البيض والفانيليا ونخفق زين
3/نضيف خليط الدقيق بالتدريج ونخلطه لين يتجانس الخليط ونقفل الخلاك
4/نقطع السنكرز قطع صغيره ونضيفها للخليط ونحركه بملعقة سباتيولا
او ملعقه خشبيه
5/ نكور الخليط ونحطه بصينية مدهونه أو بصينية فيها ورق الزبده
>> وندخلها الفرن اللي مشغلينه من قبل ونتركها لمدة 20 دقيقه بس
وبعد مانطلعه نخليه بالصينية لين يبرد
وممكن تزينيه بسوكره بودره

فطيرة التفاح

حلاتها تاكلينها ساخنه او دافيه

المقادير والطريقه مع بعض:

الطبقة الأولى

اصبع زبدة بحرارة الغرفه + كوب دقيق + ثلث كوب سكر + رشة فانيليا بودره

نخلطهم مع بعض لين تصير مثل الكوره بعدين نفردها بالصينية

الطبقة الثانية :

بالخلاط >> 12 حبة جبن كيري + 2 بيضة + نص كوب سكر + رشة فانيليا + ملعقة صغيره موية ورد >> نخلطهم مع بعض لين يروح تكتل الكيري ويصير خليط متماسك

الطبقة الثالثه :

3 حبة تفاح احمر يقشر ويبشر + ثلث كوب سكر + 2 ملعقه وسط قرفه مطحونه (انا حطيت ملعقة ونص )

>> نخلطهم كلهم بالقدر وعلى نار هاديه لين ماتنشف موية التفاح ويذبل نطفي عليه

بس ماتنشف المويه مررااا وطبعا ماتحتاج تحريك متواصل

ملاحظه : هذي الطبقه سويها أول شي بعدين سوي الطبقه الاولى والثانيه

وآخر شي رشييها بلوز مبشور

ندخلها الفرن لمدة 40 دقيقة لين ماتتحمر اطرافها وبعدين نطفي الفرن ونولع عليها من فوق حتى تشقر

.

.

.
.
.

ملاحظه ثانيه : يفضل استخدام صينية بايركس وطبعا الحجم يكون وسط مو كبير

وبالعافيه

منقول

[محبة المطر]

تســـــلم الايـــادي
شـكــ وبارك الله فيك ـــرا لك ... لك مني أجمل تحية .

[البراء بن عازب]

يعطيك العافيه

[أم رضوى]

الكيك روعة تســـــلم الايـــادي

[Nihad]

شـكــ وبارك الله فيك ـــرا لك ... لك مني أجمل تحية .

[هامة المجد]

تسلم الأيادي على النقل الجميل

[قيود الصمت]