[غيـــــد]

المشاركة الأصلية كتبت بواسطة ابتسامه هاجيجا السلام عليكم اختى الغاليه كريم (ليكوسيد ار) كريم انا بستعمله دايما وبجد اكتر من رائع بس تتهدنى مرتين او 3 بس مش اكتر والنتيجه بعد يومين او 3 ايام هو بيشيل طبقه الجلد السمرا ويطلع مكانها طابقه جديده بلون البشره الاصليه ماتحطيش اكتر من مرتين او تلاته حتى لو مظهرتش النتيجه على طول استنى عليها يومين عشان الجلد مايتسلخش عافاكى الله

الله يجــزاك خير ياعمري
طيب الكريم هذا أقدر أستخدمه في أي مكان من جسمي
حتى المناطق الحساسة؟

[صاحبةالصيت]

حبيبتي المنطقه صارت بني زي ..الحاله الي تصيب الجلد في ايام الشتاء صح

بني و جاف و المطقه قاسية..حاولي انك تحافظي على ترطبينها

باستمرار بكريمات البشرة و طمان استخدمي المقشرات

للجسم لانها تزيل الجلد الميت تساعد في توحيد لون البشرة

واتمنى اني ساعدتك و قول لي وش النتيجه*_^


ماتشوفي شر يالغلا

[أسرني الأمل]

اختي
ادهنيه
بعسل مع فازلين وان شاء الله مع الزمن بيروح لانه له مفعول حلو لاخفاء الالم
واذا كان يألمك
خذي المره ونقعيها وخليها ثقيله شوي وادهنيها شوي تخفف الالم
ومعافيه ان شاء الله

[غيـــــد]

الله يعافيكم ...أسعدني مروركـــم جميعــــــاً

[نجلاء الحربي]

والله انا مثلك وياليت اعرف شي يخليه يروح

[حب الصحابه]

يسلموووووووووووووووووووو

[اقحوان]

حبيباتي .. السلام عليكم ورحمة الله وبركاته
حبيت أقول لكم عن تجربتي لما تعرضت للحرق من
كواية البخار .. يعني البخار حرق ذراعي بطول الاصبع
تقريبا .. ولان أي حرق يكون قوي شوي لازم يتسبب
بتجمع السوائل تحته وانتفاخ وألم قوي ..
حطيت عليه عسل .... عسل وبس ....
أولا ما شفت أي انتفاخ إلا بيوم الحرق فقط
وثانيا لسعة الحرق اختفت بفتره بسيطه
وأثر الحرق مره بعد مره بيختفي ... ولا تسألوني بعد كم
يوم .. لان السالفه ما يبيلها تعب
حطي العسل على مكان الحرق او حتى على (( الجروح ))
وغطيه بـ شاش طبي او الرباط الضاغط .. وهذا انا اللي استعملته
لاني اقدر اغسله واستعمله مره ثانيه .. يعني خلي عندك
اثنين واحد تستعملينه والثاني تغسلينه بعد الاستعمال
.. استعملت العسل لما سمعت الدكتور خالد الطيب يتكلم
عن مريض سووله عملية غرفوله من بطنه دمل وصار مكانه
حفره عميقه .. الله يعافينا وجميع المسلمين من كل مرض
وصبوا في هالحفره عسل وخيطوا الجرح وبعد ثلاث ايام
لقوا ان الجرح سبحان الله ملتئم ومافيه أي التهابات

ماني معتذره لاني طولت لان وربي الشاهد علي اني
استفدت واستفدت واستفدت من كل وحده فيكم
حتى اللي بس تحط في مشاركاتها كلمة جزاكم الله خير
هذي بس تشرح الصدر

[غيـــــد]

اشكر الجميع ع التفاعل

والله منكم استفدت

جزيتن خيرا

[القلوب الدافيه]

مشكورة الله يعافيك انا من زمان ادور شي يشيل اثر الجروح

[**سمو انسانه**]

ماادري
بس اتوقع اكريمات التفتيح لها دور كبير في تفتيح المنطقه
الله يوفقك ويبعد عنك الاصابات