[هنااادي]

أخر قصيده لشاعره؛؛ )عابرة سبيل(؛؛ وهي بفراش الموت مؤثرة



الشاعره : عابره سبيل
شاعره كويتيه لها ديوان شعري اسمه عابره سبيل واشعارها رائعه جــــــــدا ولكن الله شاء ان نفقد هذه الشاعره بسبب مرض السرطان ابعدنا الله عنه ولشاعره 6 ابناء اكبرهم عمره 12 سنه واثناء ما كانت على فراش الموت كتبت هذه القصيده التي تبين مدى ايمانها بالله وان الموت سيكون مصيرها لان هذه ليست اول مره تدخل بها المستشفى بل كانت تدخل وتتعالج ويقوم زوجها بذبح وليمه لشفاءها ولكن المرض دام معها حتى ماتت وكانت هذه اخر قصائد عابره سبيل لزوجها...

ترى الذبايح وأهلهـا مـا تسلينـي
أنا أدري إن المرض لا يمكن علاجه
أدري تبي راحتي لا يا بعد عينـي
حرام ما قصرّت يديـك فـي حاجـه
أخذ وصاتـي وأمانـه لا تبكينـي
لو كان لك خاطر ما ودي أزعاجـه
أبيك في يديك تشهدنـي وتسقينـي
أمانتـك لا يجـي جسمـي بثلاجـه
لف الكفن في يديك وضف رجليني
ما غيرك أحد كشف حسناه واحراجه
أبيك بالخيـر تذكرنـي وتطرينـي
يجيرني خالقـي مـن نـار وهاجـه
سامح على اللي جرى ما بينك وبيني
أيام نمشـي عـدل وأيـام منعاجـه
همي عيالي وأنا اللي فـيّ كافينـي ...
علمهـم الديـن تفسيـره ومنهاجـه ...
الله يسكنها فسيح جناته يارب...
شكرا لكم هنااادي

[شموخ الأمل]

إنــا لله وإنــا إليه راجعــون

رحمهــا الله برحمتــه الواسعــة وأدخلها فسيح جناتــــه

والله قصيدة مؤثرة جدا ..

شكرا لك أختي هنادي على هذا النقل

جزاك الله خير الجزاء

[ميمونه]

عابرة سبيل ... شاعرتي المفضله .. كم أحب أن أقرأ لها ..

ماتت العميده يا حر فرقاها 00000 عسى جنة الخلد مثواها
حيث انها ما هرجت بالنميمه 00000 كلها مروه حين تنصاه



=

من أشعارها

أهلي يـدرون انـي شاعـره
.......... بس مايدرون في جرح الليـال
يمنعوني من كتابـة خاطـره
.......... مادروا اني من زمان بهالمجال
آه لـو يـدرون اني(عابـرة)
......... عندهم بتصير موتتنا.. حـلال

=
http://www.alhttan.com/3aSbeel.htm


http://www.emanway.com/multimedia/anasheed/wSeA1MP3.mp3

تسلمين غاليتي هنهن ..
تسلمين هنودهـ ...
تسلمين هنااادي....
ومشاركه حبيبه على القلب ...



.

[هنااادي]

المشاركة الأصلية كتبت بواسطة شموخ الأمل إنــا لله وإنــا إليه راجعــون رحمهــا الله برحمتــه الواسعــة وأدخلها فسيح جناتــــه والله قصيدة مؤثرة جدا .. شكرا لك أختي هنادي على هذا النقل جزاك الله خير الجزاء

هلا بغاليتي شموخ نورتي صفحتي تسلمي ...
والله يرحمها ويسكنها جناته يارب...

[هنااادي]

من أشعارها

أهلي يـدرون انـي شاعـره
.......... بس مايدرون في جرح الليـال
يمنعوني من كتابـة خاطـره
.......... مادروا اني من زمان بهالمجال
آه لـو يـدرون اني(عابـرة)
......... عندهم بتصير موتتنا.. حـلال
من جد ميمونه يعجبني هالابيات من شعرها ودايما ارددهها لها...
شاعره رقيقه ومبدعه كعابره الكل احبها والله يرزقها بجناته ...
وشكرا ميمونه تسلمي يالغاليه على ردك الحلو وكاني عرفتك بكلمة هنهن ههههههه...
الله يخليكم لي..
هنااادي

[ميمونه]

رثــــاء الشاعره بنت النور الكويتيه....

يا عابرة تبكي عليك القصاايد""""""والشعر كله عقب عينك نعزيه..

ياللي لك الابداع دايم عوايد"""""" الله من قلب بشعرك شغلتيه.

شعرك على شعر المخاليق زايد"""" بقلوبنا ما زال هاللي كتبتيه.

رحتي وتركتي بالضماير وقايد""""" وان مر بيت من قصايدك لبكيه.

في كل عام بيوم موتك نعايد"""""" ديوانك اللي من جروحك نزفتيه.

قصايدك بارقاب ربعك قلايد"""""" وان طروا شعرك زان للقلب طاريه.

كل القصيد المبطيه والجدايد"""""ما هو مثل شعرك ومن دون تشبيه.

انتي بروحك فارقه بالفرايد"""" قصيدك اللي به اسلوبك محليه.

بسلوب سهل وممتنع صار سايد"""""بالساحة اللي شعرك اليوم تنعيه.

ان جابو اسمك مره بالجرايد""""" نشفق على عذب القصايد ونبكيه


:

::

:::

:::::

هـــــــنــــــــاديـ
إســـتـــــريـ علينـــا
وترى ما أحد يعرف غيركـ


::::

:::

::

:

[***محـمـد***]

شكرا لك هنو

بس قد مر على هذا هنا

http://www.22522.com/vb/showthread.p...9+%D3%C8%ED%E1

[ورد الريـاض]

جزاك الله خير اختي هنادي

انا لله وانا اليه راجعون

القصيده مؤثره جدا الله يرحمها ويسكنها الجنه

[هنااادي]

المشاركة الأصلية كتبت بواسطة ميمونه رثــــاء الشاعره بنت النور الكويتيه.... يا عابرة تبكي عليك القصاايد""""""والشعر كله عقب عينك نعزيه.. ياللي لك الابداع دايم عوايد"""""" الله من قلب بشعرك شغلتيه. شعرك على شعر المخاليق زايد"""" بقلوبنا ما زال هاللي كتبتيه. رحتي وتركتي بالضماير وقايد""""" وان مر بيت من قصايدك لبكيه. في كل عام بيوم موتك نعايد"""""" ديوانك اللي من جروحك نزفتيه. قصايدك بارقاب ربعك قلايد"""""" وان طروا شعرك زان للقلب طاريه. كل القصيد المبطيه والجدايد"""""ما هو مثل شعرك ومن دون تشبيه. انتي بروحك فارقه بالفرايد"""" قصيدك اللي به اسلوبك محليه. بسلوب سهل وممتنع صار سايد"""""بالساحة اللي شعرك اليوم تنعيه. ان جابو اسمك مره بالجرايد""""" نشفق على عذب القصايد ونبكيه : :: ::: ::::: هـــــــنــــــــاديـ إســـتـــــريـ علينـــا وترى ما أحد يعرف غيركـ :::: ::: :: :

بعد الكلمات الحلو هنهن راحت استر عليك ..
وشعر رائع من جد لرثاء عابره الله يرزقها الجنه يارب..


اشكرك من اعماق قلبي ميمونه ...
اختك هنهن على قولتك...

شكرا اختي ميمونه ولا تقاطعينا لازم تمرين على المواضيع ولا فضحتك

[هنااادي]

المشاركة الأصلية كتبت بواسطة ***محـمـد*** شكرا لك هنو بس قد مر على هذا هنا http://www.22522.com/vb/showthread.p...9+%D3%C8%ED%E1

شكرا لك محمد...
اعرف ورديت على هالموضوع بس حبيت اكتب القصيده علشان البعض ماعندهم وقت يحملوا ويسمعوا ...
شكرا لك اخوي محمد ....