أقسام الموقع

الأمـــــل

يمه علامك وش بلا مـا ترديـن

حسك فقدته مدري اليـوم وينـه

يمه صغيرتك ما سلة عنك للحين

حايرها ودمعه جرح اهداب عينـه

رشيت عطرك يمه اللي تحبيـن

ليتك يايمـه تقربـي تنتشينـه

ما ظن يمه انك اليـوم توحيـن

صوتي ولو صدري تعالي ونينه

رحتي وكلك بالشرايين تجريـن

غلاك في قلبـي بنالـه مدينـه

حطوك في قبرك وغطوك بالطين

تجمعت حولك قلوب (ن) حزينـه

رحتي وقلبي صابه اليوم رمحين

رمح الفراق ورمح ظلم الوزينـه

حملي يايمه زاده الوقت حمليـن

شوفي عشيرك شل وقته يدينـه

رفيق دربك صابته صدمة البيـن

واصبح طريح للفـراش وانينـه

يابوي قلي وين ابلقـى مداويـن

وتبع خطاهم لو يبون الخزينـه

لو يطلبون الروح تفداك يالعيـن

روحي وقلبي تحت كفك رهينـه

ودي اشوفك واقف(ن)فوق رجلين

تجري كما خيل جموح(ن)ثمينـه

مالي سواك اليوم بعد الله الحين

اقفت ملاك الروح نـور المدينـه

لو احكي يمه عن جمايلكم سنين

مااوفاكم المخطي ولو ربع دينـه !!

aiii i3asel

ما شاء الله أبداع X أبداع
الله يحفظك و يعوضك خيرا ,,,,

@حاملة المسك@

لو احكي يمه عن جمايلكم سنين

مااوفاكم المخطي ولو ربع دينـه !!

صح لسانك....ما شاء الله جميل جدا بارك الله فيك

عذراء الثلـج

صح لسآنك

وغفر لأمآ أنجبت مثلك ... صبرآ أخيـــه

فكلنا على هذا الدرب سآئرووووون ,,,

ريحانة الوجود

رحتي وكلك بالشرايين تجريـن

غلاك في قلبـي بنالـه مدينـه

وافية يا أمل وربي يرحم امك

وفي الجنة تهنئ00وبدعواتك

ويصبر قلبك00احسي فيك
مجروح قلبي000مثلك

وماالقيت بطول السنين
غير زاد الدمع 00وماراح للي اغلية عن بالي

الأمـــــل

المشاركة الأصلية كتبت بواسطة سراب 8

رحتي وكلك بالشرايين تجريـن

غلاك في قلبـي بنالـه مدينـه

وافية يا أمل وربي يرحم امك

وفي الجنة تهنئ00وبدعواتك

ويصبر قلبك00احسي فيك
مجروح قلبي000مثلك

وماالقيت بطول السنين
غير زاد الدمع 00وماراح للي اغلية عن بالي

الله يعوضنا الجنه ويجمعنا بمن نحب في اعالي الجنان

والله مالنا غير هالدفاتر والاوراق تسطر احزانا وتشاطرنا همومنا

وربي يجبر مصابي ومصابك اختي سراب وجميع المسلمين