[*ابو عبدالعزيز*]

الله يرحـمـك يــا هــذا الزعـيـم العـظـيـم
يـا ذخـر الأمـه سندهـا يبـو فيصـل فهـد
ويسكنـك يـا شيخنـا جنـات عـدن النعيـم
ولله كــل الأمــر يــا شـيـخ قـبـل وبـعــد
اعــزي الشـعـب والأمــه بـهـذا الـزعـيـم
وأعـزي مطيـر وأهـل الخـيـر هــذا البـلـد
مـخ السياسـه وزيــزوم الـقـرار الحكـيـم
اللي دحر طغمة اهل الشر واهل الحسد
أخـوان مريـم لهـم وقـفـه وعـلـمٍ قـديـم
واخـوان نـوره وفـاء مــا يخلـفـون الـوعـد
ما عمر ضاعت حشائم عند رجلٍ حشيـم
ومـن يصنـع الطيبـه يلـقـا جـزاهـا عـهـد
مهبلـك يـا طامـع ٍ فـي دارنـا يـا غشـيـم
مـا تـدري ان السعـودي دونهـا مستـعـد
اقسم بربي ولي العرش محيي الهشيم
نسـوق الأعمـار دون الـدار مـا يبقـا احــد
واللي زبن ندخله وإبليـس الأعـور رجيـم
إن قـام رأس العصـابـه صوبـنـا وإن قـعـد
إن شفت رأسٍ معاند طق رأس السقيـم
لـو انـت واحــد وعـدوانـك تفـوقـك عــدد
والله يرحمك يـا الشهـم الشجيـع الكريـم
يــا راعــي الـعـز عــزك شـامــخٍ لـلأبــد
هذا الملك مـا رحـل وهـو بفـؤادي مقيـم
انا اعتبر هـا الملـك موجـود مـا مـات ابـد