[بنت سوزان]

هلا اختي

ياريت تدخلي موضوعي عشان اعرف شخصيتك واقدر افيدك

http://www.22522.com/vb/showthread.php?t=109838

[الصديقة الصدوقة]

مشكورة على مساعدتج لي وواقفة معاي لحل هل مشكلة يا منتهى الدروب اشكرج جزيل الشكر

[الصديقة الصدوقة]

إلى بنت سوزان أنا الصراحة طموحة وأنا أكون حساسة على حسب الكلام الي يقولون لي أقدر آخذ حقي وأنا غير فوضوية وما احب شي اسم فوضة أحب أسوي كل شي في أسرع وقت وأحيانا إذا بغيت أسوي شي عدة مرات وما أنجح أعصب وأهده وأسوي شي ثاني بداله والصراحة أنا أتردد في وايد أشياء .
وأشكر كل إلي أحاول مساعدتي .
والصراحة هل منتدى في غاية الروعة

[منتهى الدروب]

رجعت لك ..ادري متأخره بس المعذره ..
هذي خطوات حاولت الم فيها اشياء كثيره مفيده وان شاء الله اكون وفقت..

1- تقوية العلاقه مع الله والثقه به والتوكل عليه وتسليم الامور له..والمحافظه على الصلاة الذكر وخاصة اذكار الصباح والمساء فالذكر يكسو الذاكر المهابة والحلاوة والنضرة." وبانزل لك الاذكار على شكل مذكره ويمكنك حفظه كملاحظه بالجوال اذا ماعندك برنا مج الاذكار وهي اسهل في الرجوع اليها"..

2- اقبلي نفسك كما هي بمميزاتها وعيوبها ...واعلمي ان كل البشر فيهم نقص وكل واحد فيه مميزات تفضله عن غيره بس اهم شيء يعرف ايجابياته وسلبياته.
وتعليق على كلامك((إذا بغيت أسوي شي عدة مرات وما أنجح أعصب وأهده وأسوي شي ثاني بداله )) اعلمي ان كل شخص له قدرات واذا اخفقتي في عمل الشيء كرري الى ان تصلي للنجاح واكيد اذا ما نجحتي بهالشيء تلقين نفسك تبرعين في غيره بس الانسان يقبل نفسه كما هي ثم يبدأ في تطويرها..

3-احصي ايجابياتك واشيدي بها واحصي عيوبك وقللي من شأنها وناقشيها مع نفسك وقولي لنفسك انك قادره على حلها ..(بورقه وقلم او ذهنيا) واشوف فيك حسب ماذكرتي انك تتمتعين بصفات حلوه ما شاء الله عليك..

4- عززي ثقتك بنفسك وذلك بترديد كلمات ايجابيه ترفع معنوياتك..مثل انا شخصيتي حلوه ليش استحي ..وش الي يمنع اني ما اكلم المدرسه هي عاديه انسانه مثلي فيها عيوب ..ليش فلانه وفلانه يتجرأون يغلطون ويعلون اصواتهم على المدرسه وهم غلطانين..وانا ما اقدر وانا باقول كلام زين..وشيء زي كذا ..

5-قومي بعمل تمارين لنفسك تتدرجين فيها لكسر الحاجز اللي واقف امامك..فابدأي بشيء بسيط مثلا كنتي في مكان عام او بساحة المدرسه وفيه بنات ما تعرفينهم اسألي كم الساعه او تكلمي عن اي شيء عن الجو عن شيء حصل امامكم يعني ادخلي في حوار بسيط وكل ما شوفتي فرصه اتيحت لك في اي مكان تكلمي وشوي شوي تحسين انك توسعتي وزادت جرأتك وراح التردد..

6- مهما كانت النتايج استمري وتذكري انك على تحدي مع نفسك للتغير..وبتشوفي نتايج طيبه ان شاء الله..

7- خلي الابتسامه شعارك دااااائما لان ابتسامتك تنعكس على اللي يقابلك ويكون هاديء ومبتسم وكأنه ينتظرك تتكلمي وهذا يسهل لك الحديث معه بدون ارتباك..

واخيرا دعواتي لك ..ان الله يرفع قدرك ويحقق لك مبتغاك ويجعلك افضل مما تتمنين ..وان شاء الله يكون كلامي واضح لك وسهل التنفيذ حاولت جاهده ابسط الكلام لابسط الحدود علشان يسهل عليك تطبيقه وهذا مااخرني الى الآن..وانتظر عودتك بنتايج طيبه بإذن الله..

[الصديقة الصدوقة]

الصراحة ما اعرف كيف أشكرج وهذي المعلومات وااااايد مفيدة وتعبتج معاي واااااااااااااااااااااااااااااايد بس سامحيني و يعطيج العافية على كل إلي سويتيه علشاني يا منتهى الدروب :) :) :) :)

[منتهى الدروب]

حبيبتي لا شكر على واجب..انا اشوفك اختي الصغير<<مصلحه نفسها كبيره ههههه
وليش تتعذرين عادي والله انا افرح لما اشوف غيري مبسوط ومستانس..وان شاء الله تجين تبشريني قريب انك اجرأ وحده في العالم بس جراءه بأدب ههههه..الله يعافيك يارب..
واي شاي ثاني لا تترددين اكتبي موضوع ..او زورينا بالديوانيه وان اجيلك..الله يرعاك غلاي

[الصديقة الصدوقة]

إن شاء الله بس استحي إي الديوانية هههههههههههههههههه
اتغشمر معاج

[منتهى الدروب]

ما بقولك اخاف نضيعك من دراستك..وش اللي مسهرني الى الحين الى ديوانية البنات هههه

[الصديقة الصدوقة]

أنا خلصت من الدراسة بس الحين احنا في إجازة نصف السنة ليش انتوا ما خلصتوا من الدراسة والإمتحانات