[ظبيه]

السلام عليكم ورحمة الله وبركاته

كيف الحال - ان شاء الله بخير "اتمنى هالشيء" :)



.


عندي مشكله ويا ليت الكل يعطيني حل للمشكله :

المشكله الله يسلمكم ان بنت عمي عمرها الحين 19 سنه تعرفت على اكثر من بنت يعني صحبه وكان هالشيء في المدرسه .

المهم تعرفت على وحده من البنات - وكانت علاقتهم لمده 4 سنوات ورقمها عند البنت والعكس - بعد ما خلصوا من مرحله الثانويه كل وحده راحت في طريقها - بنت عمي راحت الجامعه وصاحبتها راحت لبلادها عشان تكمل الدراسه بحكم انها وافده بس بعد فتره قاموا شباب يتصلون لبنت عمي ويقولون لها ان نحن جايين من طرف فلانه وقالوا انك تطلعي مع الشباب وعندك شقه "اسمحوا لي على هالكلام بس والله انه الواقع"

البنت انصدمت من الكلام - صاحبتها اللي من 4 سنوات يصير منها كذا

ووحده ثانيه - صار لهم سبع سنين وتقابوا في الجامعه بنت عمي فرحت انها شافت صاحبتها - صاحبتها قالت لها مين انتي ما اعرفك ولا شفتك من قبل وبنت عمي حساسه كثير


وهالشيء سبب لها عقده وهي انها طول الوقت ساكته وما تتكلم واي حد يغلط عليها توقف دقايق تشوفه وتروح حجرتها تبكي - بس قدامنا ما تبكي ولا ترد على اللي يغلط عليها

.
.


وبعد فتره تعرفت على واحد من الشباب من خلال النت وصار لهم فتره وكلمته بالموبايل وتطورت العلاقة بينهم
يعني بس موبايل او على الماسنجر والولد طبعه راعي سوالف والبنت ساكته 24 ساعه
لدرجه ان يقول لها وش فيكي تقولولا شيء وطول الوقت ساكته !!
هي تحبه موت بس ما تقدر تقول اللي في خاطرها تخاف من ويش ما ادري والولد يحس انها ما تحبه والسبب السكوت - وهو يحبها بس يعاني من سكوتها ويبيها تتغير بس ماقدرت - ومرات يقول لها بتتكلمين ولا لا ؟
تقول له ما ادري يعصب ويسكر الخط واليوم الثاني ولا كأن شيء صار بينهم ؟ :D
ولا تقولون انها بيخونها او شيء - الولد ما قصر معاها ويخليها تكلم اخواتها بالموبايل عشان يعطيها ثقه اكثر بس ما تتكلم :p






وش السواة - البنت ميته والله
طول الوقت ساكته حتى مرات اخوها الصغير اللي عمره 12 سنه يمد يده عليها وهي ما ترد ولا تقول شيء - اقول لها دافعي عن عمرك تقول لي ما بقى شيء من الدنيا وتروح غرفتها تبكي !



ابي اشوف بسمتها - ابي اغيرها بس كيف ؟؟

ساعدوني دخيل الله



البنت معاي تتكلم بس مع الغير مستحيل - كلامها يكون بالتنقيط مع غيري
والصدمات اللي مرت عليها كثير


اسعفوني

[الشــاهينة الأزديــة]

المشاركة الأصلية كتبت بواسطة ظبيه السلام عليكم ورحمة الله وبركاته كيف الحال - ان شاء الله بخير "اتمنى هالشيء" :) عندي مشكله ويا ليت الكل يعطيني حل للمشكله : المشكله الله يسلمكم ان بنت عمي عمرها الحين 19 سنه تعرفت على اكثر من بنت يعني صحبه وكان هالشيء في المدرسه . المهم تعرفت على وحده من البنات - وكانت علاقتهم لمده 4 سنوات ورقمها عند البنت والعكس - بعد ما خلصوا من مرحله الثانويه كل وحده راحت في طريقها - بنت عمي راحت الجامعه وصاحبتها راحت لبلادها عشان تكمل الدراسه بحكم انها وافده بس بعد فتره قاموا شباب يتصلون لبنت عمي ويقولون لها ان نحن جايين من طرف فلانه وقالوا انك تطلعي مع الشباب وعندك شقه "اسمحوا لي على هالكلام بس والله انه الواقع" البنت انصدمت من الكلام - صاحبتها اللي من 4 سنوات يصير منها كذا ووحده ثانيه - صار لهم سبع سنين وتقابوا في الجامعه بنت عمي فرحت انها شافت صاحبتها - صاحبتها قالت لها مين انتي ما اعرفك ولا شفتك من قبل وبنت عمي حساسه كثير وهالشيء سبب لها عقده وهي انها طول الوقت ساكته وما تتكلم واي حد يغلط عليها توقف دقايق تشوفه وتروح حجرتها تبكي - بس قدامنا ما تبكي ولا ترد على اللي يغلط عليها وبعد فتره تعرفت على واحد من الشباب من خلال النت وصار لهم فتره وكلمته بالموبايل وتطورت العلاقة بينهم يعني بس موبايل او على الماسنجر والولد طبعه راعي سوالف والبنت ساكته 24 ساعه لدرجه ان يقول لها وش فيكي تقولولا شيء وطول الوقت ساكته !! هي تحبه موت بس ما تقدر تقول اللي في خاطرها تخاف من ويش ما ادري والولد يحس انها ما تحبه والسبب السكوت - وهو يحبها بس يعاني من سكوتها ويبيها تتغير بس ماقدرت - ومرات يقول لها بتتكلمين ولا لا ؟ تقول له ما ادري يعصب ويسكر الخط واليوم الثاني ولا كأن شيء صار بينهم ؟ :D ولا تقولون انها بيخونها او شيء - الولد ما قصر معاها ويخليها تكلم اخواتها بالموبايل عشان يعطيها ثقه اكثر بس ما تتكلم :p وش السواة - البنت ميته والله طول الوقت ساكته حتى مرات اخوها الصغير اللي عمره 12 سنه يمد يده عليها وهي ما ترد ولا تقول شيء - اقول لها دافعي عن عمرك تقول لي ما بقى شيء من الدنيا وتروح غرفتها تبكي ! ابي اشوف بسمتها - ابي اغيرها بس كيف ؟؟ ساعدوني دخيل الله البنت معاي تتكلم بس مع الغير مستحيل - كلامها يكون بالتنقيط مع غيري والصدمات اللي مرت عليها كثير اسعفوني

الحال يا أختي بخير ... ومن يرى مارأيت من هذه السطور تأتيه الغمة ....

ظبيه ... ابنة عمك عمرها 19 عاما .. أنتي ياظبيه كم عمرك ..؟

لا حول ولا قوة إلا بالله العلي العظيم .... هل أخطيء ... ؟

والله لا أعرف من أين أبدأ ... ولا نريد أن نزيد النار حطباً ...هل أنت في وعيك ِ ؟ هل أنت جادة ..؟
وتقولين أن ابنة عمكِ حساسة وأنها تسكت .. وتبكي ولا تغلط على أحد ..

والطااامة الكبرى غلطتها في حق نفسها وبإغضابها ربها .. و على سمعة أهلها ...

والمصيبة ..

أن محدثتنا الأخت ظبية تستنجد بنا لتلقي بابنة عمها بالهاوية ...

أختي أنار الله بصيرتكِ ..

ماذا تعنين بقولك الخالي من الأدب مع نفسك .. ومع من تحدثين .. وفي حق من ؟ أبحق ابنة عمك ..؟
تقولين أنها ساكتة 24 ساعة .. كيف وأصابعها شغااالة 24 ساعة مع ذئب شرس ؟؟

يابنت ...

خافي الله في نفسك أنت أولا ً .. والمشكلة بكِ أنت الآن ..
والمصيبة أنكِ تحملين هم الذئب قبل الضحية ( ضحيتك أنت وضحية أحد شياطين الأنس )

** ماذا تعنين بقولك :

(هي تحبه موت بس ما تقدر تقول اللي في خاطرها تخاف من ويش مادري ) ؟؟

والله لاااأعرف أن أعبر ... أو كيف أن أوجه الكلام ..

ياااابنت ..

وش تقصدين يابنت الناس بـ هالكلااام ...؟ وش تبينها تقول .. ؟؟
طريقتك معاها وسؤالك لنا الحين عن الحل ( اللي في نظرك واللي في نظرنا انك تودينها ورا الشمس ) .. وش تسمينها ؟

إذا هذي بنت عمها وتسوي كذا معها .. عجل رفيقة السوء وش تسوي ؟؟؟ فهميني ؟؟؟

وتقوليـــن :

(ولا تقولون انها بيخونها او شيء - الولد ما قصر معاها ويخليها تكلم اخواتها بالموبايل عشان يعطيها ثقه اكثر بس ما تتكلم وش السواة - البنت ميته والله )

أنتي وش تقولين ... أنتي من جدك ؟
هذا يتسلى عليها وانت تزيدين الطين بله ... واتحداك تشوفينه يرضى لأخته تكون مكانها .. ومع واحد غيره وبنفس الأسلوب ... وقابليني إذا فكر فيها في يوم من الأيام كزوجه ...

يااابنت اصحي اصحي .. البلا بالشيطان واتباعه وافهمي من اقصد ... وخلي البنت في حاالها واللي يسخرلها اللي ينصحها وينصحك قبلها ....

وتبين تشوفين ابتسامتها .. ؟؟

كيف تبتسم ويرتاح قلبها والقلب بعيد عن الله وعن مايرضيييه ... والصدمة الحين مهب منها لك ... الا منك لها ولنا مع الصبح ... وماراااح اكمل ...

اللهم إني أسألك الهداية لك قبلها ثم لها ولبنات المسلمين ...

وإنا لله وإنا إليه راجعون ...

[الياقوت والمرجان]

كلام رائع
(من زمرة المتقين )








الله يجزاك الجنه....







اختكمـ الياقوت والمرجان

[مجهول]

ماشاء الله زمرة اليقين ماقصرتي
بس ودي اقول ان من كلامك مبين انك اعز صديقاتها ابسألك تهون بنت عمك عليك وهي تكلم واحد.....؟؟
اذا ماتهون اول شي ابعديها عن هذا الشاب باللطف وبالتدريج وبيني لها انك ماسويتي كذا الا لانك تحبينها وخايفه عليها اما عن الشباب اللي يدقون عليها ويقولون احنا من طرف فلانه فلا ترد عليهم ولا شي وحاولي انك ماتخلينها ترد على التليفون كثير الى ماتهدى الاتصالات وعززي ثقتها بنفسها وبينيلها ان حساسيتها الزايده ممكن تبعد الناس منها يعني لازم تخففها شوي وان اللي حصلها ان شاء الله يكون خير لها
ان شاء الله وصلت اللي ابيه يوصل

[@ حنين @]

السلام عليكم ورحمة الله وبركاته

لاحول ولاقوة الابالله العلي العظيم .

شوفي يا أختي أنا من نفس عمرك وممكن تسمعين نصيحتي في هالموضوع .
بالنسبة للشباب الذي يتصلون عليها بالهاتف فانصحيها أن تغير رقم هاتفها فورا حتي تقطع الموضوع من أصله وتنتهي منه .
شوفي يا أختي ما أعتقد أن هناك حب عن طريق الانترنت لأن معنى الحب أكبر من هذا ! ثاني شي صدقيني أن الشخص هذا مو جاد بعلاقته معها لأنه اشلون يحبها وهو يرضى أنها تخون أهلها ! فعلاقته معها مو صحيحة وانصحيها أنها تقطع علاقتها معه فورا ولاتقولين أنها ماتقدر ! صدقيني الله أنعم علينا بنعمة عظيمة وهي النسيان ومع الأيام صدقيني راح تنسى . راح تقولين لي اشلون تنسى ؟ راح أرد عليج من خلال انها ترجع لدينها وصلاتها وقراءة القرأن وقيام الليل والدعاء لله عز وجل أنه يفرج لها ويهديها للطريق السليم وينور قلبها .

ومن خلال رأيي الشخصي لا توجد علاقة شريفة بين الرجل والمرأة عن طريق الهاتف !

ويجب عليكما مراقبة الله وحده وعسى أن يهدينا ويهديكم الله للطريق الصحيح .

أختك بالله :
@ حنين @

[محمد عبد الله زينو]

الســـــــــلام عليكــــــــم روحمــــــــة اللـــــــــه وبركاته

إن بنت عمك تظل ساكتة هذي بالفعل مشكلة .... لكن المشكلة الأكبر والطامة الأعظم إنها أول ما تخرج من حالة الصمت اللي هي فيها

بدل ما تقول وتنطق اول ما تنطق ( بالحمد لله ، وسبحان الله ، اللهم اغفر لي وتب علي ) ...تقول وتنطق بكلام العشق والفحش والبذائة

مع ذلك الذئب ....

إنت تبغين إطلعينها من مشكلة لكن تبغين تورطينها في مشكلة أكبر منها ... نسأل الله العافية ..والله يحرسها ويكفيها شرك

ويكفيك شر نفسك ....

ولا حولة ولا قو إلا بالله ....

[q888]

السلام عليكم

الصراحة الاخوان ماقصروا في جوابهم وردودهم

وانا احب اتكلم عن نقطة تخص صاحبة المشكلة وكثير بنات وهي ان البنت اذا فقدت الحب من صديقاتها او اسرتها او غيرة وانصدمت منهم مثل صاحبة القصة الي صدموها صديقاتها تقعد تدور الحب برة ومع شاب على اساس يعوضها الحب والحقيقة ان الشاب يستغل هذي النقطة بالذات ويقعد يحسسها ان يعوضها الحب والحنان لان يدري ان هذي نقطة ضعفها وانها ماراح تقدر تستغني عنة لان باختصار غيابة عنها يعني فقدانها لمصدر الحب والحنان وهنا يبدي يتمادى الشاب معاها ،،،، والنقطة الاهم ان مو شرط تكون النهاية ان هذا الشاب يستدرجها الى ان يقع الفأس بالرأس ويعاشرها لان بعض البنات يظنون ان هالشي ماراح يوصله وانها ضامنة نفسها ،،، والحقيقة الغائبة عن البنت ان ممكن لما ماينول الي يبيه يفضحها ويشهر فيها حتى في اشياء ماسوتها وهي بريئة منها والكثيرين بيصدقونة او الغالبية


والشي الثاني ان كتابتج للمشكلة يعطينة احساس عدم جديتج انا هذا الي حسيتة من كتابتج للمشكلة فعلامة الضحكة لما قلتي يعصبون ويسكرونة ويرجعون ولا كان صار شي والعلامة الثانية حسسونه ان عاجبج هالشي وان مو المشكلة انها تكلم شاب بل العكس الصح انها تكلم شاب غريب ولكن المشكلة انها مو عارفة تقوله انها تحبة
يعني تظنين بانقولج خليها تحسسة انها تحبة ؟؟؟؟؟؟؟

كبري عقلج انتي وبنت عمج ولاتخلون نفسكم مهزلة لهذا الشاب تراها بتصير مضحكة عندة اذا صدقتة
وشكرا

[هداية]

اختي ظبية ... انا لن اعلق على مشكلة غير مشكلة تكلمها مع الشاب .. ليس لانها عقدة انما مصيــــــبة !!

اين انتي يااختي منها ؟؟

هل بدل ان تنصحيها بالتقرب الى الله تنصحيها بالتقرب الى الشيطان وهذا الشاب ؟؟

اين انتي من قوله سبحانه :

(( فما جزاء من يفعل ذلك منكم الا خزي في الحياة الدنيا ، ويوم القيامة يردون الى اشد العذاب ، وما الله بغافل عما تعملون ، اولئك الذين اشتروا الحياة الدنيا بالآخرة ، فلا يخفف عنهم العذاب ولاهم ينصرون )))

[سنافية]

لاحول ولاقوة الا بالله العلي العظيم :(

اللـــــــهم ارزقنا وارزق بنات المسلمين عفة مريـــم ابنة عمران

اللهم اميــــــــــــــــــن

[محمد بن منصور]

السلام عليكم و رحمة الله و بركاته

في بعض الأحيان يكون الصوت و الصورة أبلغ من الحروف ...

حملي هذه النصيحة ...

http://www.islamway.com/flashes/2/Qissaty.exe

و السلام عليكم و رحمة الله و بركاته