[قلبي طيب]

خل التفاح

يعني خصر رشيق
ويذيب الشحوم
و............ ......... ...

بس وش اللي ما تعرفونه عنه
بقولكم قصص عنه
وتقدرون تتاكدون من صحتها
القصه الاولى
بنت من سكان الحاير (محافضه من محافظات الرياض )
المهم البنت انخطبت ومثل باقي البنات جلست تحوس في نفسها انواع الاهتمام
استعملت خل التفاح عشان الكرشه
المهم تزوجت البنت وحملت...ولما صارت بالتاسع قالو لها مستحيل تولدين طبيعي
لان الحوض مره صغير
لازم قيصري
يوم كشف عليها الطبيب استغرب قال وش استخدمتي على بطنك ؟
قالت ولاشي
قال إلا استخدمتي شي لمدة مستمره عليه
قالت قبل اتزوج استخدمت خل التفاح
قال الحين حتى قيصري ما اقدر اعمل لك
لأن لحم البطن ما راح يلتأم ابدا
لأن حرارة خل التفاح انضجت لحم البطن عندك
والحل الوحيد أن نعطيك دوا يقتل الطفل ويتقطع وينزل
البنت طلعت من المستشفى على مسؤليتها
والطبيب خبرها ان قبل اشهر توفت بنت بعد عملية الزايده
ما التأم الجرح بسبب خل التفاح
وكذالك في مستشفى المواساة في الرياض حاله ثالثه
فيابنات انتبهوا منه
لا وزياده البنات مخترعين اختراع عبقري
يلفون النايلون على البطن والافخاذ بعد ما يحطون الخل
انتبهوا

منقول
للأهمية لأنه صراحة منتشر كثير بين البنات حاولت اجربه لكن ماتشجعت بس الحمد الله اني ماجربته

[✲ღالبرنسيسة✲ღ]

يعطيك العااافية عالمعلومة ...

[*أم الجود*]

شكرا لك........

[ام إلياس]

يمه...شي يخوف...والله اعرف بنات يستخدموه...مشكورة اختي

[مدى1]

مشكوره يامنبع الامل والله انا استعمله كثير الله يستر علي

[لحظة شقى]

الله يجزاك الف خير

[قلبي طيب]

مشكورين على ردودكم الحلوة

[رياحين 2009]

تسلمين يالغلا على المعلومه
والله يحفظنا واخواتنا ياارب من كل ماهو مضر..

[محبة المطر]

منبع الامل يعطيك العافية
هذه المعلومات مبالغ فيها .... اهم شي يكون خل التفاح اصلي ونوعه جيد
في كثير يستخدموه ولا صار فيهم شي .. وفي امراض يفيد فيها خل التفاح مثل الحساسية
وله فوائد غير اذابت الشحوم معروفه عند الاطباء والطب البديل. اهم شي الاعتدال وعدم المبالغة .
تقبلي مروري

[ام إلياس]

صراحة قرأت عن هذا الموضوع ...مع إني أستخدمته كذا مره...وخفت وماعد كملت..
وفي يوم من الأيام...سمعت الدكتور عبدالباسط الي يجي في قناة بداية ..وسألوه عنه خل التفاح...وقالوله نفس الكلام...الي أذكره انه نفى هذا الكلام...يعني موصحيح..وفسرها بطريقة علمية..بس أنا من الدلاخة مافهمت..ليتني سجلته بالجوال...والله سمعتها بإذني...ماحد قالي...وأظنها قبل أسبوعين...