[الخيالة700]

طيب ممكن يكون انه من رحمة الله بعباده انه يغفر لهم ؟؟؟؟؟؟
اذا لا........ صبري لا تقولين خليني أفكر ......

جزاك الله خيـــــــــر

[النصر آت]

كان عندنا في هالأسبوع ملتقى الحج .. كان عبارة عن محاضرات في كل يوم لمدة اربع ايام واليوم كان برنامج من اعدادي (النشاط وشاركونا بنات الدار وفقهم الله )

كان تحت مسمى ياراحلين ..

بصراحة كان فيه تفاعل من الحضور ودموع آه أسأل الله أن يرزقنا حجه كان برنامج مؤثر .. إن شاء الله أحاول أنزل العرض ...

والمادة العلمية

واشتمل على طبق خيري وكان هناك العديد من الأركان ركن بوصلة الملتقى عبارة عن ركن مسابقات ..
وركن الأشغال وهو عبارة عن اساور واكسسوار من انتاج الطالبات .. وكذلك بطاقات تذكارية وبطاقات معايدة ...وحصلت على اعجاب الجميع
وركن صوت وبلوتوث الحج يباع مجلات اسلامية قديمة لكن بأقل من نصف السعر ب3 ريال فقط مثل حياة الآسرة والدعوة واصدارات مؤسسة وهج..
غير بقية الأركان الكوفي وغيرها ..

اتمنى ممن سبق ودرست تمهيدي أولاد تحفيظ تسعفني ببعض الطرق والوسائل في التعامل معهم

[الخيالة700]

ماشاء الله روعه يالنصر آت الله يبارك فيك وينفع بك .....
بالنسبة لتمهيدي أولاد بسأل وحدة من الزميلات هي ولدها يدرس ............(بعد الإجازة بإذن الله)
بس أكيد لما تشغلين لهم القارئ اللي يكرر راح ينبسوطون ويتفاعلون معه أكثر .......يحبون الأشياء الحركيه
وخلي كل يوم واحد منهم يصير كأنه المعلم هو يقرا وهم يرددون ((عاد كللللللللش بيتشقق))
يعني انهم يتعلمون المسؤليه.....ويحبونها بعد .......

[النصر آت]

المشاركة الأصلية كتبت بواسطة الخيالة700 ماشاء الله روعه يالنصر آت الله يبارك فيك وينفع بك ..... بالنسبة لتمهيدي أولاد بسأل وحدة من الزميلات هي ولدها يدرس ............(بعد الإجازة بإذن الله) بس أكيد لما تشغلين لهم القارئ اللي يكرر راح ينبسوطون ويتفاعلون معه أكثر .......يحبون الأشياء الحركيه وخلي كل يوم واحد منهم يصير كأنه المعلم هو يقرا وهم يرددون ((عاد كللللللللش بيتشقق)) يعني انهم يتعلمون المسؤليه.....ويحبونها بعد .......

مشكورة الخيالة ربي يسعدك على هالأفكار والنصائح ..

إن شاء الله ربي يسر الأمور..

على فكرة أنتي معلمة في الدار أو لا ؟؟

[الخيالة700]

هلا ومرحبا ...........
لا أنا لسا أدرس
بس احنا نستخدم هالطرق علشان يأهلونا نصير معلمات بنفس الطريقة
اول شي حصة تدبر في الآيات (عشان يسهل الحفظ)
وبعدين حصة الحفظ .......نقسم الجزء المراد حفظة في اليوم الى مقاطع وبعدين يشتغل القارئ الصوتي يكرر المقطع 5مرات تقريبا واحنا نحفظ معه واذا خلص نقرأ جماعي والأستاذة تصلح الأخطاء الظاهرة وبعدين تقول يالله مين أسرع مجموعة حفظت ؟؟؟؟
على فكرة احنا في الحلقة مقسمين مجموعات كل مجموعة فيها 4 او 5 طالبات
عاد احنا سباق اللي يخلص قبل
وبعدين نقرأ (اقصد المجموعة) ولازم بصوت عالي علشان الأخطاء التجويدية تكون واضحة ونقدر نصلحها
وأحيانا نقرأ فردي ((تصحيح تلاوه يعني )) بس هو في حصة تصحيح خاصة
واحيانا نتشطر وبعد ما يخلص القارئ تقول الأستاذة مين اللي يلقن اليوم ؟؟؟؟؟؟؟
وتقوم تقرأ بنت واحنا نرد وراها ...........
وهذيك الفترة الأستاذة كانت مشغولة عنا فصرنا نخلي بنت تقرأ آيه وكل البنات يصلحون لها عاد هذي الحركة لازم اذا تعودوا طلابك على بعض عشان ما يتحسسون من بعض ويزعلون

وش رايك بطريقتنا ؟؟؟؟؟؟؟
تراها حلوة وتخلينا نتآلف مع بعض أكثر
وكذا مرة يسوون لنا حركة تبديل المجموعة يلخبطون الأعضاء يعني عشان ناخذ ونعطي مع الكل ...........
على كل مجموعة نعين قائد ((المتحدث الرسمي)) خاصة في الحصص الثانية
وعادي يتغير بس لازم نتشاور بعدين نخليه يتكلم
والحلقة كلها لها قائد وهو المتحث الرسمي مع الإدارة .............
سلاااااااااااام

[النصر آت]

بصراحة روعة الدار عندكم وحركة بصراحة ..فعلا شيء مرتب ومنظم تصدقين ينقص دارنا هالشيء احس فية حزبية بشكل كبير في دارنا وما فيه تآلف بشكل كبير .. بصراحة أحس اسلوبكم تربوي كثير بحكم اني تربوية اصلا واختي جنبي معلمة قرآن علمتها بطريقتكم واعجبها كثير ..

[الخيالة700]

على فكرة احنا ندرس معهد صباحي .......
والفصول الماضية كنا ندرس مواد ثانية تقريبا ساعة الا ربع مثل الفقة والعقيدة والنحو والحديث
احنا عندنا التجويد ثابت يوم السبت والحفظ في الأربعة الأيام الباقية ........ونراجعها كلها يوم السبت مع التجويد وفي حركة الشيخ محرص عليها وهي انه اذا جينا نختبر ذالفصل لازم آخر يوم في الإختبارات يكون إختبار شامل لكل ماحفظ
وطبعا اليوم إختياري اللي تخلص مراجعة تروح تختبر ........
و المشرفين عالمعهد ماخذين دورات في التعليم التعاوني
هم أصلا دكاترة ويدرسون في الكليه ........
والمعلمات عندنا مجازات في القرءان و مسويين لهم دورات عن التعليم التعاوني.....عشان يشملون لنا كل شي .....
واحنا كطالبات أخذنا مرة نص دورة عن التعليم التعاوني علشان نطبقة ((النص الثاني ماكان فيه وقت.......
وانا قلت لك من شوي ان معلمتنا ذالفترة مشغولة لأنهم قاعدين يألفون لنا منهج طرق التدريس ومشغولين فيه والدكتور بتاع التعليم التعاوني مشرف عالمنهج ولسه قبل اسبوعين مجتمع فيهم يعطيهم دورة ..........
احنا كانوا مقررين لنا بعد العيد ننزل مدارس نطبق فيها طريقتنا في المعهد عشان كذا هم يعطونا طرق تدريس بس آخر يوم قالوا بيأجلون التطبيق الفصل الجاي علشان ماننضغط في الحفظ ........
والشيخ الله يجزاه خير حريص على أن الفكرة تنتشر لأنه يقول الحفظ في مدارس التحفيظ مش ولا بد ولازم النفع يعم الكل
فإذا كان بإيدك تطبقونها فأنت راح تسوين شي كبيـــــــــــــــر ........
تصدقين حتى السجون الشيخ راح زارها وعلمهم طريقتنا((تدبر ثم حفظ)) وجابت نتيجة كبيـــــــــرة ويقول انه كل واحد في السجن بعد ما يطلع من الدورة اللي عندة ويرجع لسجنة يعلم اللي هناك والله رووووووووووووووعة ويقول قرايتهم صارت فوق 90% بعد ماكانت بالكاد تجي 75........
بالتوفيق للجميع ...........
وأي إستفسار نحن بالخدمة ..........

[الخيالة700]

المشاركة الأصلية كتبت بواسطة من غض بصره الهمه الله الفراسه مشكوره ياالخياله700 على طرحك لموضوعي زادك الله علما وفقها بكتابه العزيز الايه فيها سر عظيم وهو اقتران الرحمه مع المغفره في القران الكريم دائما ولاتنفك عنها الا ايه واحده في سورة الاعراف قدمت الرحمه قبل المغفره في قصة موسى عليه السلامفالمغفره هي الستر وترك المؤاخذ بالذنب ،والرحمه إذا قرنت مع المغفره يراد بها الايوقعه في مثله في المستقبل. مثلا اذا قمت بغيبه احد او سبه ثم قلت يارب اغفرلي وارحمني بمعنى ربي اغفرلي ذنبي هذا ولا ارتكبه مرة اخر وهذا كثير من الناس يغفلون عنه ودــــــــمت دائمـــــــا واـــــــبد بحفـــــــــظ الله ورعايـــــــــــــته

بعد التأكد ...........
الموضع الوحيد اللي قدمت فيه الرحمة على المغفرة هو في سورة سبأ الآيه الأولى
وكانت خاتمتها ((الرحيم الغفور)) لأن الآية سياقها لم يذكر فيه شي عن المعاصي والذنوب....
شكرا جزيلا لك ..........

[00 فــــجــــر 00]

الخياله ما شاء الله عليكم طريقتكم بجد روعه

[النادمه]

بارك الله بالجميع