[منهاتن]

[SIZE=5]السلام عليكم ورحمة الله وبركاته.

اخواني واخواتي تكفون دبروني بحل لمشكلتي اللي بموت بسبتها.

وهي العنصرية القبلية التعصب ( القبيلي والخضيري)

حبيت شاب وحبني واتفقنا على الزواج ويوم صار الجد توقف امه بطريجنا وش اسوي انا الحين بموت وهو ماهو عارف شلون يقنعها عجز وانا عجزت مع الهلم ان اهلي ما يدرون وصعبة لويدرون برفض امه بيزيدون اهلي عناد فيصير الرفض من طرف واحد افضل اللي هي امه. تكفون عطوني حل دبروا لي سالفة نقنع امه فيها والله السالفة طويلة بس اختصرتها لكم لاني تعبانة صارلي اسبوعين وانا لا اكل ولا انام مثل الناس لاتقولون لي خليه يتقدم لحاله هو عرض علي هذي الفكرة وانا رفضت لان اهلي بيرفضون اذا شافوه لحاله شلون ارجوكم وش السواة والله لا انا ميتة ولا حية من هالموضوع وش السواة مع امه ابي اي سالفة نختلقها عليها عشان تقتنع وتوافق على طول هي هددته انها بتنشر سالفته عند عمامه وخواله لو تزوجني وش السواة وانا ماودي بهذا الشي هو يقول لازم ندبر سالفة على شان تقتنع على الاقل نعدي فترة الملكة وبعدين خلاص يصير اللي يصير خلهم يعرفون الحقيقة وش نسوي ارجوكم لاتقولون لي خليه يضغط عليها ومهما كان مافي ام توقف بطريق سعادة ولدها الا فيه خصوصاً بامر الزواج امه ماتتفاهم ولا عندهم سالفة والله البنت احبها وابيها ممنوع ومستحيل. تكفون دبروا لي سالفة . ولكم مني دعوة من خالص الفلب. وشكراً لكم
على الاقل انام مثل الناس واكل ماغير معتكفة بغرفتي ولا احد داري عني . دبروني ارجوكم.[/SIZE]

[أبو مالك]

والله إن الا نسان لا يدري الخيره أين هي لاكن هناك صدقيني حل عظيم ووالله إنه لفخر للإنسان ان يعمله وإذ سالك عبادي عني فإني قريب إنه الله في الدعاء وأبشري بالخير بإذن الله

[منهاتن]

اشكرك اخوي ابو مالك على تفاعلك والحمدالله اني حاطة الله جدام عيوني وما انام الا وانا مترجية بربي سبحانه وتعالى
لكن اريد ان اتسبب واساعده باقناع امه .بعد دعاء الله عزوجل.

[هداية]

اختي ليس لديك الا الدعاء وقيام الليل وسورة البقرة والصدقة ،، واسأل الله العلي العظيم ان يهدي والدته ويزينك في عينها وقلبها ويكتبك زوجة له آميييييييييين يارب العالمين ،،

لكن يبقى لدي سؤال ارجو ان تاخذيه بعين الاعتبار ،، هل انتي متؤكدة انه كلم والدته وفاتحها بالأمر دعيكي من كلامه ،، فمعظم الشباب يخترعون هذه الحجة هروبا من الزواج ،، لذلك هل انتي متأكدة كما انتي متأكدة من حبك له ؟؟

[منهاتن]

اختي هداية اشكرج على ردج ومساعدتج صدقيني هو ماعنده سوالف الشباب اللعب والخرابيط اساساً هو اللي فاتحني بامر الزواج مو انا وهو اللي قالي لازم نتزوج من كيفه وبعدين يا اختي هو ناضج عمره 30 سنة ويعمل مدرس وشايل حمل البيت كله على راسه يعني هو الاب والاخ لاهله على شان جذا انا وهو ماودنا يشد مع امه ودنا انه ياخذها باللين والسياسة . افضل .

[منهاتن]

طيب اختي لو ما كنت متأكدة شلون اتأكد ارجوكم اعينوني وطلعوني من الهم اللي انا فيه والله اني ما انام الليل وحالتي ماتسر لا صديق ولا عدو ارجوكم دبروا لي سالفة تقنع امه حتى لوكانت ملفقة.وصح هو سبق له الزواج وفشل بزواجه الاول لان زوجته ما كانت متفهمة لظروفه مع اهله بس ما عنده اطفال على شان جذا اول ما فاتحني قالي انا ابي استقر معاك لانك انتي اللي فاهمتني .وهذي كل السالفة وهو يقول لازم ادخل على امي بقصة عنه هو وبعد هذي القصة توافق على طول على زواجنا بدون مقدمات وجدال ارجوكم دبروا لي قصة. ولكم مني جزيل الشكر.

[هداية]

اختي ماعنده خوات ،، ممكن يااختي يرسل اخته تتعرف عليج ثم تقنع امه وتقول هذه صديقتي وانا ارشحها زوجة اخوي هذه اكثر قصة ألفوها الناس ونجحت وبعدين يااختي دام انه مطلق فهو له حرية الاختيار خصوصامثل ما قلتي عمره ثلاثين سنة !! بس ودي اعرف هو شقال لأمه بالضبط علشان اساعدك على الحل ،،

[أيها الأمل أبقى]

أختي ارجوك أوقفي كل مخططاتك...

أختي اسمحي لي سكون قاسية معك ولكن والله لم تأتي ألا من حب الخير لك...

أولاً :

كيف سمحتي لنفسك بتعرف على شاب بطريقة غير شرعية... وهذا أهم ما في الموضوع أختي استغفري ربك


الله يرشدك إلى طريق التوفيق بإذن الله ..أعذريني طريقك دخله الشيطان أختي.. فوالله لن يكون النور والفلاح حليف

حياتك

ثانياً:


لا تتزوجين من زوج أهله لم يتقبلوك لأن الأم أدرى بما يناسب طبيعة البيئة لديهم فالتوفيق بختيار الأهل أخيتي...


ثالثاً:


مسألة الأصل مهمة لا يمكن أن يكون هناك توافق بين القبيلي والخضيري ... سيترتب عليها ردود نفسية على الأولاد

والزوج يمكن أن تهدم الحياة..



الا خلق قبيلي خلق خضيري خذي من ثوبك....



هذا ليس تعصب لكن من ضرورات الحياة وتوافقها.. .



أختي انصحك بدعاء الله أن ينسيك هذ الشخص ويقطع الله كل وصلك به ألا إن كان بحلال..

وبرأي الزواج محكوم عليه بالفشل



أسأل الله العلي العظيم أن يرزقك الزوج الصالح والطريق المنير والذرية الصالحة...


أختي سامحين والله ما كتبت الا محبتاً لك وخوفا عليك....

[أبو مالك]

بارك الله فيك ونفع المسلمين بك اثلجت صدري بالرد الجميل حقيقه الذي غفلت عنه واسأل الله ان ييسر حالها للخير في الدارين

[؟؟؟؟]

اختي بداية اقول لك ( مابني على باطل فهو باطل )


العلاقه من الاساس علاقه خارجه عن نطاق الدين والعرف


اختي حكمي عقلك ودعي عواطفك ومشاعرك جانبا وانظري للموضوع من منطلق عقلي بحت ستجدين ان هذه العلاقه من اساسها


تحتسب ضدك 0 اختي انتي تقولي انه رجل مطلق وعمره 30 سنه بالله عليك رجل بعمره هل تستطيع والدته والذي هو اساس البيت

بقولك انه هو من يصرف على البيت هل تستطيع ان تقف وتعارض زواجه ؟؟؟ ام انها قصه اختلقها لك وما معنى كلامه بانه يريدك ان


تختلقي قصه لامك وعلى اثرها توافق على طول دون تردد !!! ماذا يريدك ان تقولي هل يريد ان يقول لك قولي لامك ان علاقتكم وصلت


الي طريق الهاويه هل هو يريدك ان تقولي لها مثل هذا الكلام وحتى تستر عليك فتوافق على طول ؟ بالله هذا منطق يريدك ان تفكري


وان تنفذي كلام سيكون هذا الكلام في يوم من الايام ضدك 0 اختي انتي تقولي ان الاصل لايهم قبيلي او خضيري لماذا ؟؟؟


انسيتي قول رسولنا عيله الصلاة والسلام عندما قال عن اختيار المرأه ( تنكح المرأه لاربع لجمالها ولمالها ولحسبها ولدينها فأظفر

بذات الدين تربت يداك ) وايضا قال ( تخيروا لنطفكم فإن العرق دساس ) ماذا تعني هذه الاحاديث ؟؟؟ اختي تزوجي من هو يتوافق


مع اصلك انتي حتى لا تجري نفسك لمشاكل مستقبليه فيما بعد 0ثم اختي ماذا تريدين برجل لايستطيع ان يأخذ قرار حياته بنفسه


انا لا ادعوا هنا لمعصية الام لاسمح الله ولكن يستطيع هو اقناعها ان هو ارد ذالك فأن لم يستطيع فبالله عليك ماذا تنتظرين مستقبلا


من رجل امه لم تكن موافقه على زواجه بك صدقيني ستكون حياتك كلها مشاكل في مشاكل اذا كانت الام وهي التي تختار زوجة


ابنها في بعض الاسر تكون سبب في المشاكل بين الزوج وزوجة وهي اختيارها فمابلك انتي من رفضتك من البدايه ؟


اختي لنجاح اي مشروع لابد من دراسته من جميع جوانبه 0 مشروعك اختي محكوم عليه بالفشل قبل تنفيذه لان الفكره من الاساس


خاطئه فمن المؤكد ان النتائج ستكون فاشله مسبقا 0 ان غلبت عليك العاطفه والله المستعان فأخبريه ان يتقدم لاهلك وادعي الله


ان يختار لك مافيه الخير فأن هم عارضوا اهلك فأعلمي ان الله هو من اختار لك الخير فأنتي لجأت له مسبقا فأنتي لاتريدن ان


تتزوجي ثم بعد فتره تصبحين مطلقه0 ارجو ان تكثري من الدعاء والصلاه في الثلث الاخير من الليل واقرئي القرآن دائما فوالله


لن تشعري ابد بالضيق او الحزن ولن تعتزلي اهلك وتجلسين بغرفتك وحيده تحت سيطرة وساوس الشيطان اقرئي القرآن وداومي


عليه وستلاحظين الفرق في افكارك وسلوكياتك وحتى قراراتك صدقيني ستلاحظين الفرق 0 واسأل الله العظيم رب العرش العظيم

ان يختار مافيه الخير لك وان يصرف عنك كل شر وان يبعد عنك وساوس الشيطان وان يقويك بالايمان والذي هو السلاح الفتاك امام


اي مشكله او موقف انه ولي ذالك والقادر عليه


والله يحفظ الجميع