[قلب الماس]

السلام عليكم ورحمة الله وبركاته

مشكلتي لاأعرف ماذا أسميها أو بماذا أبدأ....
ولكن سأتكلم بالعاميه حتى تكون أقرب لقلوبكم قبل آذانكم.
أنا فتاهـ عمري 24سنه اً لي أخت تكبرني بـ3 سنوات مشكلتها مرتبطه بمشكلتي بشكل غير طبيعي هي ماتهتم كثير بنفسها ولا تطلع الا عن ماتهتم كثير بنفسها يعني بمظهرها الخارجي وماطلع عند الناس كثير ودايم جالسه بالبيت وأي انتقاد يجيها تطنش ولا كأن أحد انتقدها أو نصحها وأنا عكسها تماماً ...
مشكلتي انها لحد الان ماتزوجت واللي تقدمولها مايتعدون أصابع اليد الوحده ودايم الرفض يجي من اختي لانه مايعجبها او من العريس نفسه...
نفسه... مشكلتي اني أنا أبغى ارتبط بشخص معين وانتظرته من 5 سنوات لين تخرج وانتظر التوظيف وتوظف وجا خطبني لكن أبوي رفض بحجة اني ماأتزوج قبل اختي الكبيره,انا حاولت كثير مع اختي انها تحاول تغير من نفسها وحياتها بس هي مو راضيه ,هي قاعده تهدم حياتي معها والانسان اللي أبيه جا وتقدم 3 مرات وأبوي يقوله خلاص نرد عليك ومايرد عليه ومو بس هذا الشخص كثير ناس يتقدمون لي بس يواجهون نفس المصير..!!
أنا والله أدعي بعد صلاة الفجر ان ربي يفك كربتي ويفرج همي انا واختي بس (اسعى ياعبدي وأنا اسعى معاك) كل صديقاتي اللي بعمري تزوجوا وعندهم عيال وأنا جالسه انتظر رحمة اختي (والله أرحم بعباده) بس مجرد تفكيري بالشي هذا يضيق صدري ..
أنا اتمنى أني أتزوج وأستقر ويكون عندي عيال أعوضهم عن كل اللي شفته بحياتي..
غير النظرات والكلام اللي أواجهه من الناس بسبب اختي ليش ماتزوجت..
ساعدوني واعطوني حل الله يوفقكم.
ولحد يقوللي أكل أبوي أو أخلي أحد يكلمه لأن علاقتنا بأبوي شبه منقطعه ومايعرفنا الا وقت الأمر والنهي ومافي أحد يقدر يوصله أو يكلمه وأصلا هو عايش بديره وحنا بديرهــ
.......................................