[الجودي123]

سبحان الله ,, تغير الزمن ..!

اثناء سواليفي مع بعض قريباتي الكبار في السن تطرقت للماضي لأني أعشق السواليف الشعبية


المهم قلت ليش أعرستوا مبكرين يعني 11 سنة احس ان هالعمر صغير مرة

قالت وحدة فيهم بدل ماتقولين ليش تعرسون مبكرين قولي وشلون اعرستوا ؟؟

الأولى تقول قاعدة أكنس البيت بسعف النخل كالعادة ما ادري الا يوم جا المغرب وقال ابوي شفتي هاك الرجال اللي جالس ؟؟ هذا بتروحين له الليله.. خلاص تبي تعرسين..

تقول مد لي ريال قال هذا المهر وطرت انا واخوي اللي أصغر مني رحنا نشتري به قشطة ونحط عليها سكر وناكلها...!!!!!!!!!!

تقول جا عقب العشاء وقاموا يسبحوني ويلبسوني ويمشطون شعري ..

مادريت الا وصعدوا بي لغرفة السطح < كانت غرفة العريس >

تقول يوم دريت ان الدعوة جد حاولت انحاش وصحت وطلعت برا البيت ومسكني ابوي وحدتني امي ورجعوني له وثلاثة اسابيع مااكلمه ولا يكلمني < زعلانه > والحين ماشاء الله صرت جدة..


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

تقول قريبتي الثانية كان عمري عشر سنوات تقول والله ماكن ادري وش السالفة كان عندنا معازيم وااااجد يوم جوا أمي وخالاتي مسكوني وقالوا تعالي نرتبك

تقول والله من صغر البيت اني يوم تروشت طلعت وكنت لابسة الفوطة على جسمي ومريت من عند المعازيم كلهم !!!!!!!!!!!!!!

وماكنت ادري اني بعرس يوم دخلت الغرفة دخل علي هالرجال اللي مادري حتى عن اسمه وماعاد ادري عن احد حاولت اطلع مسكني ...!!!! من بكرة سألتهم وش يبي ذالرجال؟ قالوا ماعاد انتي بطالعة من بيته هذا رجلك ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

وهذي عاد قصة جدتي:

تقول كان عمري 11 سنة وكنت أساعدهم في العشاء حق المعازيم يوم خلصت رحت ألعب مع اللي كبري قالت خالتي وين قالت بروح العب معهم قالت لا روحي اسبحي وتعالي أسوي لك جدايل...

مادريت الا والعريس جاي ياخذني ... تقول بغيت اموووت لين تأقلمت عليه..

عاد جدتي مسكينة كانت امها ميته ما شافتها واللي عاشت عندهم زوجوها يفتكون..


ــــــــــــــــــــــــــــــــــــــــــــــــــ ـــــــــــ


انا بصراحة هالقصص مأثرة فيني واجد...!

[عقد الأوركيد]

تسلم ايدينك اختي الجودي123

[بنت جابر الخير]

والله ان اغلب نسائنا بالماضي تزوجن بنفس الطريقه

أنا كانت احدى قريباتي تبلغ من العمر 10 سنوات وكانت متزوجه من شخص يكبرها بكثير وكان منزل اهلها قريب جدا من منزل زوجها وكانت تنام عند اهلها ويأتي زوجها ليحملها وهي نائمه ويعيدها الى بيته

[الجودي123]

عقد الاوركيد
نانسي

شكراً على المرور

[لؤلؤة المخبتين]

بصراحة على الرغم من كونه أمر مضحك في ظاهرة
إلا انه جد محزن وغير شرعي

[يا سنين العمر مهلا]

الحمدلله انهم تغيرت العادات قسم يحزنون

[فلآإويه]

ياويلي الوحده ماتدري الا لمن يقولون هذا عريس الغفله حراااااام هيكا

[الفجـــر]

حللللللللللللوة

شكرا لك