[غيوم ممطره]

السلام عليكم ورحمة الله وبركاته



الجواب الصعب


يالغلا في غيبتك عشت بجدال
وانت مالك في وسط قلبي شبيه

بين نزعات الوصل والانفصال
القرار الصعب من يقوى عليه

الجواب الصعب من صعب السؤال
وكان تبغى العلم اسمع مايليه

قلبي الهايم سالني عنك قال
ليه اعز الناس غايب ليه ليه

قلت من كثر الشغل والانشغال
يمكن ظروف الزمن ماهي بيديه

قال طيب مامعه رقم اتصال
يتصل يسأل من اللي يحتريه

قلت ياقلبي على كل ابو حال
لو نسى صاحبك لاتزعل عليه

قال لاتدور عذر مابه مجال
الرفيق اللي تبي ماعاد فيه

من نسى صاحبه مابه احتمال
الا ان اسمك من ايامه نسيه

قلت ياقلبي سواليفك محال
كيف ينساني وانا اللي مشتريه

قال باكر تشكي ظروف الليال
ولا وقعت تعرف قلبك من يجيه

الزمن ماعطاك درس الامتثال
لو عطاك الدرس علمك النزيه

سد قلبك في زمان الاحتلال
لايعيش الا انت في قلب تبيه

قلت كيف اقطع مواعيد الوصال
والغرام وصحبة اللي مهتويه

قال لاتسولف ولاتعيد الجدال
الرفيق اللي تبي ماعاد فيه

الرفيق اللي تبي ماله احتمال
الا انه مات او اسمك نسيه.

*****************************
للشاعر/ صالح العبدالله.

[Maryam Salam]

هاذا هو الحال للاسف في هاذا الزمان ، بورك فيك أختي غيوم ممطرة شـكــ وبارك الله فيك ـــرا لك ... لك مني أجمل تحية .