[رانيااااا]

السلام عليكم ورحمة الله وبركاته

في قصيدة قرأتها أول الألفية.. وضيعتها تالي .. وكل ما بحثت بالنت ما ألقاها كاملة دايم ناقصة وفيها كسور..الخ

منها هالأبيات:

يهمك تعرف اوضاعي انا مستانس وطيب ..
انا مثل البحر تدري يثور وتركد امواجه
ابد لا يزعجك حزن(ن) بعيني شوفه يشيب ..
حبيبي هذا هو طبعي احب الحزن واحتاجه


تكفون ابيها كاملة و صحيحة لان اغلب اللي موجود بالنت ناقص و مكسور واللي يعرف بعد شاعرها منو لا يبخل علي

مشكورين

[غيوم ممطره]

إختي الفاضلة "رانيااااا",,
القصيدة اسمها ""لاطيب ولاحاجه"",,وهي كاملة في السطور التالية:-
.
يهمك تعرف اوضاعي انا مستانس وطيب
انا مثل البحر تدري يثور وتركد امواجه
.
ابد لا يزعجك حزن(ن) بعيني شوفه يشيب
حبيبي هذا هو طبعي احب الحزن واحتاجه
.
من اول مولدي حتى يجي هالموت ويغيب
عن عيونك عيون اللي عيونك دنيته أبهاجه
.
احبك وادري بقدري حبيب(ن) ماني حبيًب
واعرف أشلون لو يزعل زمانك اطلق حجاجه
.
ورثت من الطنا سيف(ن) عظيم(ن) ضربه يعيب
عليك الله وامان الله لوضح كيف منهاجه
.
واذا خايف من الدنيا ترى لي قلب(ن) يهيب
هموم(ن) همها تكسر خوفقي وتفتح ادراجه
.
وترى ما دام لك قلب يحب ومني قريب
وإذا أسودت بعيني تصير بليلى سراجه
.
وغلاتك يكفي بس تسال عن اوضاعي وارد طيب
مع اني صدق في غيابك لا طيب ولا حاجه.
:::::::::::
هي للشاعر/عبدالله المزعل.

[رانيااااا]

اختي الغالية .. غيوم ممطرة


انا لو اشكرك من الان لي باكر ما أوفيك حقك..
انا سنين ابحث عنها ..

مشكورة كثر ما فرحتيني واسعدتيني بردك وجوابك الشافي

الله يسعدك ويسخر لك الناس

انتي والله غيث

[ورد الريـاض]

أختي رانيا ..
القصيدة جميلة وأحببت لفت إنتباهك إن كنتِ سترددين
القصيدة أو تتغنين بها إلى وجود قسم
بغير الله في آخر بيتين من القصيدة ( وغلاتك ) ..
فلا يجوز التلفظ به ، لأن الحلف بغير الله محرم ويدخل صاحبة في الشرك ..


..

[حورية القصر الأبيض]

المشاركة الأصلية كتبت بواسطة ورد الريـاض أختي رانيا .. القصيدة جميلة وأحببت لفت إنتباهك إن كنتِ سترددين القصيدة أو تتغنين بها إلى وجود قسم بغير الله في آخر بيتين من القصيدة ( وغلاتك ) .. فلا يجوز التلفظ به ، لأن الحلف بغير الله محرم ويدخل صاحبة في الشرك .. ..

صحيح ياورد الرياض ..
الله يجزيك خير على التنبيه ..