[يمامة الوادي]

تزاحم بالضمير هموم قلـبٍ حايـرٍ مكسـور
ولا ينفـع بقلـب المنكسـر كثـرة جبايرهـا

تلاطم بالضلوع العوج موجٍ عاتـيٍ وبحـور
ولا من مركبٍ وشراع يامـن ثـار ثايرهـا

أنا مالي بها الدنيا سوى قلب وقلـم وشعـور
وصديقٍ صادقٍ ياقف ليـا صكـت معابرهـا

وليا ضاعوا بليَّاها حيـاةٍ مـن نكـد وعثـور
فلا مطرودها ملحـوق مـن كثـرة عثايرهـا

أنا قلبي دليلي فـي زمـانٍ مدبـرٍ مسعـور
كبيرٍ مايهمـه لـو تحـاول بـه صغايرهـا

ألملم بالقلم أشتات روحي في ورق وسطـور
وأنثر كل معنى في ضميـر اللـي يناظرهـا

لي إحساسٍ يصور ما يحوم بداخلـي ويثـور
صدوقٍ وأعذب الأشعار ما تصدق مشاعرهـا

صديقي صعبٍ أختاره بعالـم بالأنـام يمـور
حسود وجاهل وراعي مصالح مـع مكابرهـا

ياكثر اللي يتضاحك لي وقلبه بالمرض مغمور
على وجهه يبين اللي يخفِّـي فـي سرايرهـا

صديقي مأمني ياقف معي بالخير وألا شرور
ولا يبيع الذي بينـي وبينـه فعـل غادرهـا

ولا ينسى ليالينا ولا هـو جاحـد ومغـرور
مواقفنـا القديمـة دايـمٍ بالخيـر ذاكـرهـا

ياليت الروح بحمول المصايب والعذاب تثور
دخيلك شيلها يـا مـال ويـن اللـي يثورهـا

علينا من عنا الدنيا متاهـات وشقـا ودهـور
ولو إن الجبـال تشيلهـا مـا أظـن تقدرهـا

إذا بظفرك طرفت العين لا تدور على دكتور
ترى ما تحرق النيران غير اللـي يجاورهـا

لو الدنيا على كيفي أسوقه.. ولو تجي بعسور
ولكنَّا علـى كيفـه نغامـر فـي مخاطرهـا

أنا وقتي غدر بي مالحظي بالزمـان عبـور
سنينٍ يقطعه مـا أقسـاه ماترحـم مسافرهـا

ناسٍ كنها تقضي حياتـه فـي وسـط تنَّـور
ونـاسٍ مـادرت عنـا ولا ذاقـت مرايرهـا

أنا كلي عذر واللي شكا من هالزمن معـذور
وأنا أدري جرح روحي زاد من كثرة تعذرها

تصنعنا السعادة يوم سرنا في فرح وسـرور
نحـاول نخفـي العلـة وتفضحنـا عبايرهـا

على الله كل شي يسير وأيام الزمـان تـدور
متى تضحك لنا الدنيا عقب ما شـان ناظرهـا




للمنشد // محمد البريك


http://www.emanway.com/multimedia/flash/1179830147.swf
http://download.media.islamway.com/s.../256/04_Ter.rm

[دموع الالم]

جاري التحميل

مشكورة

[يمامة الوادي]

شكرا لمرورك

[غلاهم]

يسلموووووووووووووووووو الاياااااااااااااااادي

[يمامة الوادي]

الله يسلمك بالفعل نشيد مؤثر(^_^),,

[&تراتيل&]

جزاك خير الجزاء واسال الله باسمه الاعظم ان يغفر لك ولوالديك ويكتب لك الاجر

بعدد من سجد له ويحط عنك الخطايا بعدد من شهد بالوهيته
ويوفقك الى مايحب ويرضى ويجعلك من احبائه واوليائه ومن حفظة كتابه وينير قلبك بنور الايمان..
واساله بوجهه الكريم الفردوس الاعلى لك ولوالدييك ومن تحب وجميع المسلمين..آمين

[يمامة الوادي]

آميين
بارك الله لك

[اشراقة أمل]

نشيد رائع ...........

[الحنـ المقيد ـين]

أشكرك..


جاري التحميل..


وننتظر المزيد

[يمامة الوادي]

شكرا لمروركم