[الله اكبر سبحانه]

غمض عينيك و طوف بقلبك في عالم تاني و تخيل

تخيل نفسك كل أعمالك مسجلة فيديو و كل الناس شايفاك هل كنت هتنظر نظرة حرام لصورة عارية أو فيلم أو غيره ؟

أو تخيل انك شفت النبي صلى الله عليه و سلم و جريت تسلم عليه هل هيقولك مرحبا و أهلا بمن أطاع الله ورسوله و أحبهما ؟ و لا هيقولك سحقا سحقا لأنك كنت بتعصي ربنا و رسوله و بتنظر للحرام ؟؟
تخيل نفسك فاضل لك خمس دقايق بس و هتموت هل كنت هتنظر نظرة حرام ؟

أو تخيل نفسك جالك ملك الموت وواقف امامك و انت شايفه حالا هل هتقوله اتفضل أنا طول عمري في طاعة الله و لا هتقوله ثواني لما اقفل الحرام اللي بتفرج عليه ؟

أو تخيل انك واقف يوم القيامة أمام ربنا و بيسألك عن كل أعمالك في الدنيا و سألك عن نظرتك الحرام للصور و الأفلام هتقول كنت عاوز اتفرج يا رب ؟ مقدرتش اصبر على أمرك و طاعتك يا رب ؟

أو تخيل نفسك اتحاسبت على كل أعمالكو تساوت الحسنات و السيئات و فاضل لك عمل واحد فقط لم تحاسب عليه و هيحدد مصيرك للجنة و لا للنار و اذا بالمفاجأة انه كان نظرة ل.... هل يسرك انها تكون نظرة لصورة أو فيلم إباحي و لا نظرة في كتاب الله ؟

و في المقابل تخيل نفسك تبت من النظرات الحرام دي و ربنا غفر لك ما مضي من ذنبك بتوبتك التوبة النصوح بشروطها الخمسة و أصبحت ممن مثواهم الفردوس الأعلى من الجنة مع الأنبياء

الباب لسة مفتوح لازم تلحق تاخد فرصتك و ترجع لربنا قبل ما الباب يتقفل
لازم تلحق نفسك قبل ما تكون سبب في عذاب نفسك بنار أكبر من أكبر نار في الدنيا بسبعين مرة
عينك و ايديك و رجليك هيشهدوا عليك امام الله على ذنوبك

تخيل ..... و حدد مصيرك .... و اختار طريقك

عــــــيـــــــــــنـــــــــــــك أمــــــــــــــــانــــــــــــــة

[بنت عبدالله 00]

يامقلب القلوب ثبت قلوبنا على دينك

[حسناء وردة]

شـكــ وبارك الله فيك ـــرا لك ... لك مني أجمل تحية .

[رؤى الأحلام]

بارك الله فيك كلمات جميله