[1211]

السلام عليكم ورحمة الله وبركاته
اليوم عندنا ضيوف على العشاء
وبنسوي لهم عشا صينية دجاج بالخضار
ومكرونه بالبشاميل
ومحتارين ايش نسوي معاها
فزعتكم ياحلوات
ايش يناسب نسوي معاها

[همس الوعد]

وعليكم السلام ورحمة الله وبركاته
اهلين ياقمر شفت موضوعك دخلت عشانك
شوفي لو تضيفي معاها مقبلات مثل سلطه مكرونه او سلطه سيزر مره روعه او اي سلطه يكون افضل
وسبرينق رول وكبة بطاطا وورق عنب
اذا كان عددهم كثير لازم تسوي كبسه معاها مثل مندي لحم او دجاج طبعا طرقها سهله
لان ماراح يكفي للي عدددهم كبير الا الكبسه الصراحه ومعها المقبلات
ولو تسوي حلا خفيف بعد العشا يكون افضل اي حلا يكون حلا صحون وطرقها سهله بعد
الله يعينكم على الحوسه
حبيت ارد عليك
بالتوفيق ياقمر

[1211]

ياعمري انت
شفتك رديتي على موضوعي دخلت
مشكوره ان شاءالله بشوف اي طبخه من الطبخات الحلوه اللي جبتيها
ونسويها
جزاك الله خير

[درة حبي]

سلطه خضرامع بطاطس مسلوقه
حلوه ومفيده

[عبدة لله]

جبت لك حلى لذييذ جدا وسههل

وهي :

المقادير والطريقه
كأس سكر وكأس ماء ونص كأس زيت و4 ملاعق حليب بودره وملعقتين كاكاو بودره نخلطهم مع بعض ونتركهم على جنب الخلطة(أ)

ونخلط كأس طحين مع بيضتين وفانيلا وملعقة طعام بيكنج بودر مع كأس من الخلطة(أ)وهذي الخلطه (ب)

وندهن صينيه الفرن بشوية زبده ونرش عليها طحين ونسكب الخلطه (ب) في الصينيه وندخلهم الفرن مسبق التسخين على حراره عاليه

وبعد مانطلعها من الفرن نحضر خلطه مكونه من 6 حبات كيري ونص حليب نستله المركز ونخلطهم في الخلاط الكأس ونسكبه على الصينيه,

ونرجع الصينيه الفرن بس علشان تتماسك الطبقه الثانيه ما نطول عليها يعني مو تصيرو زي احترقت الطبقه الثانيه بس رقعتها بعدين و نتركها يمكن 10 دقائق اذا مو أقل

وبعد مانطلعها من الفرن نكب عليها باقي الخلطه (أ) وعلى الثلاجه لحين التقديم

وبالعافيية