[بلاتين]

بصراحه ,, عندي عزه نفس فضيعه وإذا كرهت اكره من قلب وانتقم لو بعد سنين (( طبعا هذا تفكيري قبل سنه )) ,, وبقولك قصتين صارت لي ومن بعدها تغيرت فكرتي تماما ,, في ول ايام دوامي طبعا وفقني الله بوظيفه لي فيها سلطه ,, وبينما انا في قاعه الانتظار بروح للبيت المح وحده موظفه (( كانت دارسه معي ورتني الويل ترمي اغراضي وغيره وكنت ابكي منها يعني هي وشلتها مستقوين علي لدرجه تدخلت امي في الموضوع بعد ماهددت بترك الدراسه واثر على نفسيتي )) ,, طبعا اول ماشفتها وانا افكر كيف ارد اعتباري طبعا طلعت لابوي في السياره وقلت له تتوقع من شفت ؟؟ شفت فلانه ,, طبعا ابوي انصدم وسألني وش سويتي فيها ؟؟ طبعا رديت بكل ثقه ماسويت شيء بس ناويه فيها شر كل ماجتني فكره اقول بدور شيء اسوا اسويه فيها ,, طبعا ابوي عصب وقال لي وش بتستفيدين ؟؟ وقالي هالايه

(وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ



أَحْسَنُ فَإِذَا الَّذِي بَيْنَـــكَ وَبَيْنَهُ عَدَاوَةٌ كَأَنَّهُ وَلِيٌّ



حَمِيمٌ . )) طبعا طنشت كلام ابوي ونصايحه ,, وبعدها باسبوع شفتها بقاعه الانتظار وطاحت عيني بعينها طبعا البنت عرفتني ولبست نظاره شمسيه (( مدري هي منحرجه ولا خايفه )) ,, في هاللحظه انا بموضع قوه وهي بموضع ضعف و اقدر اضرها ,, وجيت وجلست جنبها وانصدمت مني ,, وفي هاللحظه تذكرت سواياها وقلت لها ماعرفتيني ؟؟ قالت لا ,, قلت بذكرك تذكرين فلانه وفلانه (( طبعا الشله اللي مستقوين علي )) ,, قالت تذكرتك ,, سبحان الله في هاللحظه تذكرت كلام ابوي وقلت يابنت العني الشيطان ,, وابتسمت وجلست اسولف معها ,, سبحان الله ,, كل ماشافتني سلمت علي ,, قلت الحمدلله ماضريتها لو ضريتها كان كلما شفنا بعض تعكر مزاجنا وكرهنا بعذ وكسبنا آثام على تفاهات ,,

[بلاتين]

القصه الثانيه ,, كنت ادرس ووحده من الطالبات كان أسلوبها مش ولابد معي ,, وكانت طول الوقت تكشر في وجهي وانا مسالمه ومااسأت لها , كنت شايله هم المحاضره وشلون بتحمل نظراتها اكثر من ساعتين ,, المهم ,, يوم من الايام جو الطالبات وقالوا لي فلانه تعبانه عند الممرضه ,, بصراحه قلت في نفسي فكه منها بشرح وانا مرتاحه وبان على وجهي الل مبالاة ,, وطنشت وبعد المحاضره انبني ضميري وقلت بروح للممرضه اطمن عليها موشرط احبها علشان أقوم بالواجب ورحت لقيتها طلعت لبيتهم وسالت الممرضه عنها وقالت بخير ,, وانا طالعه لقيت احد صديقاتها وسالتها عن فلانه اللي تعبانه ونسيت السالفه ,, بعدها باسبوع جتني الطالبه تشكرني ,, من بعدها تغيرت الطالبه صارت مبتسمه ومجتهده وتابع الشرح وتشارك عكس قبل ,, سبحان الله ماتوقعت زياره ماكلفتني 5 دقائق بتغير نفسيه شخص تجاهي لها الدرجه ,, طبعا تذكرت الايه

(وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ



أَحْسَنُ فَإِذَا الَّذِي بَيْنَـــكَ وَبَيْنَهُ عَدَاوَةٌ كَأَنَّهُ وَلِيٌّ



حَمِيمٌ .

[فاتن..]

ماشاء الله تبااااااااااارك الله كلامك لامس مشاعري ؟؟

اسعد الله قلوبكم وامتعها بالخير دوماً

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخيروعافيه

[ضحكتك تكسر عنادي]

عادي راح اتعانل معه لاوني اكره
طبعا بس بسطحييييييه جدا

[فاتن..]

اسعد الله قلوبكم وامتعها بالخير دوماً

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخيروعافيه

[آهات قصيميه]

الحمد لله ليس للكراهيه مجال في حياتي ،،،،،،،

[فاتن..]

اسعد الله قلوبكم وامتعها بالخير دوماً

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخيروعافيه

[ياسمين مرواني]

السلام عليكم ورحمة الله وبركاته
إن لم هناك مفر من مقابلة هذا الشخص كل يوم..يتوجب علي التعايش مع الوضع بمحاولة تصفية القلب من الكراهية و التسامح

[مميزةة]

لا اكلمه ولا انظر إليه إلا لحاجة