[أم عابد]

الحمد لله تحققت أجزاء الرؤيا جميعا وآآآخرها كان البارحه..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

السلام عليكم ورحمة الله وبركاته

رأيت اني وكأنني في مبنى كبير يشبه الكلية التي تخرجت منها مع بعض الاختلاف البسيطه..وكنت انا ومعي امرأه لا أذكرها كنا نسير بجوار السور المحيط بهذا المبنى..وكانت هذي المرأه تقول لي شوفي هذه الاعمال التي قام بتصميمها الاعضاء(كأنها المشرفه وجدااااان..)وكنت امر واشوف الاعمال كانت عباره عن كراتين نفس كراتين الموية اللي تجي قوارير..بس الكرتون كبير طوله تقريبا مترين وارتفاعه متر ويأخذ شكل الصندوق..وكان كل كرتون عليه اسم عضو من الاعضاء في منتدى العصيمي كانت كثيييره ومترابطه بواسطة اسلاك معدنيه..كأني شفت عمل العضوه هديل35..والراحله يوما ما..والمشرفه وجدااااان وكان كل عضو اسمه مكتوب بنفس اللون الموجود لمعرفه بالمنتدى..وحسيت بفرح كبير لما شفت عمل الاستاذه وجدااااان وكأنه كان مميز..بعدها دخلنا داخل المبنى(الكليه)وكأن سبب تواجدنا في هذا المبنى..هو زواج يخص خادم الحرمين الشريفين الملك عبدالله..حفظه الله..كنت اشوفه لابس ثوب ابيض والبشت لونه اسود وغتره بيضا وعقال بنفس هيئته اليوم..وكان يروح ويجي وكأنه يدور واحد من احفاده..في البدايه شفته مر ومعه ولد عمره تقريبا 17 سنه ولابس ثوب ابيض بس..وكان شكله يحبه كثير بس متلهف على حفيد ثاني اصغر من هذا بعدين كانت في حريم كثير في الدور الثاني كأنهم سمو الاميرات بناته وحريمه وكذا وكأنهم منتظرين وحده من بنات الملك بتجي ومعها حفيده المقرب له..وبعدين شفت انها وصلت ومعها هالولد وعمره تقريبا 10 سنوات وكأنهم حمموه(اعطوه دش في الدور الثاني ونزله الملك بسرعه للدور الارضي عندنا وكان لابس سروال طويل وظهره برى وكان كأنه ماتنشف زين من بعد الحمام..وحاط ثوبه على كتفه. مالبسه لان الملك استعجل عليه ونزله,,.والملك كان فرحان بحفيده هذا..وكان مبين عليه(الملك انه طيب حسن المعشر مع المعازيم..كانت له ابتسامه حنونه علينا..وكنت انا وبعض من زميلاتي في الجامعه وبنات جيراننا في بيتنا القديم جالسين في حلقه كذا وعندنا صحن فيه شوي ايدام اسمه (قوار)وشوي خبز..على انه من باقي الغداء..وكنت انا وزميلاتي بالجامعه بس ناكل..انا ومنى وامنه..اما بنات جيراننا شريفه واختها صالحه كانوا ورانا ماياكلون..استغربت اني اكلت معهم مع اني في الاصل استحي اكل معهم وكنت اذوق ان الملح ناقص شوي ومع كذا قعدت اكل معهم لين خلصناه وحسيت اني من جد شبعت..وامي كانت موجوده ومعها وحده وكانوا يطلبون مسلسل معين تبغى تشوفه..كان في شاشه تلفزيون جنوبنا انا والبنات شغاله وتعرض المسلسل على قناة البحرين وفي شاشه شمالنا تعرض نفس المسلسل على قناة ابوظبي..وكنت اقول لامي مو انتي خلاص قد شفتي هذا المسلسل ذيك المره وبعدين موخلاص بطلنا مسلسلات ..بس هي مااهتمت الاتبغى المسلسل عشانها تسمع كلام حرمه عندها..وكان الملك يمشي ومعه حفيده عندنا في الدور الرضي ويدخل غرفه على يسارنا ويطلع ومعه حفيده..وكلمناه ورد علينا بأسلوب ابوي وحنون..جداــ وكان لباس نساؤه راقي اكثر منا وأمْيز ,,لكن يتضح عليهم التواضع وعدم الكبر..

انتهى
انا انسه..غيرموظفه..
زميلاتي امنه غيرمتزوجه..لاتعمل
منى غير متزوجه ولاتعمل.
شريفه واختها منقطعه علاقتي بهم من زمن..
امي ونحن بحمد الله تركنا مشاهده المسلسلات في الواقع..واسأل الله الثبات.
رأيتها اليوم قبل صلاة الفجر

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ


رؤيتك الله أعلم لها مدلولات متعددة

أول جزء من الرؤيا يظهر احتفال ومناسبة كريمة سيحضى بها منتدانا المبارك وخصوصا بعض منتسبي المنتدى المبارك
وربما الاسماء التي ذكرت ينالها نصيب ان شاء الله ويكون ذلك على يد المشرفة الكريمة وجدان ربي بارك فيها =>تحقق


والجزء الثاني تظهر مناسبة كريمة حضي بها بلد الحرمين اللهم بارك اظنها متعلقة ببيعة خادم الحرمين حفظه الله =>تحققت بذكرى البيعه
ورعاه ويبدو حبك للبلد وللملك ربي يبارك فيك ويعزك ويرفع شان البلد آمين

والجزء الثالث أظنها الخطوبة التي ذكرت والتي لم تتم الا انه كان رد اهل المخطوبة ( قوار = قوارير) ورفضهم
بلطف وأظن والدتك اعجبت بالأسرة وأظن الوالدة ستخطب مرة ثانية لاخوك ولو انك رافض للأمر كونه مثل ما ذكرت ليس مهيء ( ملح ناقص )=>تحقق

في الحديث : ( كان أحب الثياب إلى النبي صلى الله عليه وسلم القميص )
الراوي: أم سلمة المحدث: الألباني - المصدر: صحيح الترمذي - الصفحة أو الرقم: 1762
خلاصة حكم المحدث: صحيح

والله اعلم بالحق
أسعدكم المولى

بارك الله فيكِ ورفع شأنك..

[brownhair]

ماشاء الله تبارك الله

["الخنساء"]

ما شاء الله لاقوة إلاّ بالله

زادك الله علما وبارك لك فيه أختي ملقانا الجنات

[التفاحه الحمراء]

ماشاء الله تبارك الله

[Malqana aljanat]

اللهم بارك
ربي يحفظك أختي اطلالة العيد
باذن الله تتحقق كل رؤاك المبشرة على خير
جزاك الله خيرا على تبشرينا بشرك الله بالجنان
وكل الشكر للاخوات الكريمات على ردهم الطيب