[نورقباء]

السلام عليكم ورحمة الله وبركاته

كيفكم حبيباتي شخباركم .
مستغربين من العنوان طبعا هي منقوله بس حبيت انزلها عشان تتعلم اختي راحيل وراح تطبقها وتنزل لكم المرقوق التقليدي هههههههههه
وشلونكم مع هالبرد يووووه .

اليوم حبيت اعرض عليكم بعض اكلاتنا الشعبيه اللي اسويها بطريقتنا وخاصه نسويها في فصل الشتاء لانها تدفي ولذيذه بعد .
اتمنى تعجبكم وصفاتنا واعذرونا على القصور وترى مو كل اكلاتنا بس تقريبا هذه اللي نسويها دايم .







نبتدي مع المرقوق ~









المقادير مع الطريقه ~

اولا ناخذ حبة بصل متوسطه مقطعه ونحمسها مع شوي زيت وما احب اكثر البصل عشان تروكي ما يحب

البصل .نقلبه لين يتحمر ثم نحط ملعقة معجون طماطم ونحركه ثم نحط حبة طماطم متوسطه

وتكون حمراء ناضجه وما نكثر الطماطم عشان ما يسبب حموضه في المرقوق ونضيف اللحم والبهارات (

فلفل اسود ,كمون . بهار مشكل . عود قرفه . ليمون اسود للي يحبه ) ماجي وملح ونتركه يتسبك


ونحط بعدي الماء المغلي ونخليه لين يستوي نص استواء





نعجن العجينة قبل نبدأ بعمل المرقوق وتكون تقريبا

3كوب دقيق ( انا استخدم دقيق بر مع دقيق ابيض بنسبة 2 الى 1 ويكون مملح من عند المطحنه ودقيق المرقوق لازم يكون ناعم عشان ما يتقطع في الفرد لكن الخبز والعصيد ما يكون ناعم مره )

كاس ونصف او حسب الحاجه ماء دافئ

تعجن وتترك لمدة نص ساعه ثم تكور ..


ونقوم بتقطيع الخضار اللي متوفره عندك والافضل ( كوسا , جزر , قرع,فاصوليا , فلفل رومي ) ونخليها على جنب ..







بعد ان يستوي اللحم نص استواء تقريبا بعد مرور 20 دقيقه نحط الخضار ونبدأ نرق العجين ونفرده زين ونحطه على الخضار في القدر ..






نفرد العجين بالدقيق فيه ناس لهم مذاهب في الرق ناس تستخدم الماء بعد تقطيعه صغار

وناس تفرده بالزيت اما انا فأستخدم الدقيق وارقه الى ان يكبر حجم الرقاقه وانقله على


يديني وابدأ اقلبه من يد الى الثانيه عشان ينفرد زين ونتخلص من الدقيق اللي فردنا فيه







بعد ما نحط الرقاقه ما نحط الثانيه عليها لين نشوفها تقريبا استوت وحتى لو غمرناها


بالمرق ما راح تتقطع وتتعجن وبعدين نحط اللي بعدها ..





بعد ما نخلص ويستوي المرقوق نغرفه في الصحن ونرش على وجهه سمن بري ومسمنه

واهجمو عليه ..









المطازيز ~







نفس مقادير وطريقة المرقوق لكن نستغني عن الخضار ونكثر اللحم شوي ويكون مقطع


صغير والعجينه تكون اقسى من عجينة المرقوق شوي ..



نبدأ نفرد العجينه ونقطعها بأي شئ دائري عندك انا احبها صغار مره واستخدم القمع






نطرح المطازيز بشكل متفرق عن بعض عشان ما تلتصق ونخليها تستوي زين..




تقدم بالف عافيه على قلوب الجميع ..

[aishahsalem]

تسلم يد من سوتها و ناقلتها

[رؤى 4]

الصور رهيبه
والله اشتهيت المرقووووق
يالله وش اسوي ابيه الحين رنت في راسي
شـكــ وبارك الله فيك ـــرا لك ... لك مني أجمل تحية .

[اميره في حياه اميري]

يم يم تسلمين يانورررر
من اطعم الأكلات الشعبيه
يعطيك الف عافيه

[سآمحني يآرب]

شـكــ وبارك الله فيك ـــرا لك ... لك مني أجمل تحية .

یعطيكِ اللللللللللللللللف عاافيه خيتووو لاعدمنا جديدك غلاتي

[نورقباء]

المشاركة الأصلية كتبت بواسطة aishahsalem تسلم يد من سوتها و ناقلتها

نورتي الله يعطيك العفيه عوافي

[نورقباء]

المشاركة الأصلية كتبت بواسطة يارب بشرني بما يسرني الصور رهيبه والله اشتهيت المرقووووق يالله وش اسوي ابيه الحين رنت في راسي شـكــ وبارك الله فيك ـــرا لك ... لك مني أجمل تحية .

شاكره مرورك نورتي
طيب سوي وقولي رايك

[نورقباء]

المشاركة الأصلية كتبت بواسطة اميره في حياه اميري يم يم تسلمين يانورررر من اطعم الأكلات الشعبيه يعطيك الف عافيه

عوافي عليك اميره
ليس من اطعم تصحيح للمعلومه من الذ هههههههه
الله يعافيك طبقي ورينا شطارتك :t ongue:

[نورقباء]

المشاركة الأصلية كتبت بواسطة سآمحني يآرب شـكــ وبارك الله فيك ـــرا لك ... لك مني أجمل تحية . يعطيكِ اللللللللللللللللف عاافيه خيتووو لاعدمنا جديدك غلاتي

شاكره مرورك نورتي
وصحتين وهنا عليك

[زينة الحلوة]

السلام عليكم ورحمة الله وبركاته
تسلم الأيادي أمووت في المطازيز الله يرحمها جدتي نفس الطريقه بس المعجون ما أحمسه مع البصل علشان مايحكك أحطه تالي مع المرقه والمطازيز ناكلها بالنفاس أكثر شي بس هم تحلى ألحين بالشتا يبيله خخخخ بس طحين أسمر أو ابيض أو مخلوط