[جويانا]

السلام عليكم ورحمة الله وبركاته
طلبتكم يابنات طريقه كيكه اللي عليها طبقه شوكولاه
هذي الكيكه جابتها جارتنا عندنا وطعمها جنان ما حبيت اسالها لاني ادري انها راح تنقص بالمقادير <<<حركات الحريم
وهالكيكه روعه وانا فاشله فشل ذريع في صنع الكيك كل الحلا يضبط معي الا الكيك مادري ليش لو ضبط معي تطلع ريحه البيض بالكيكه مع اني احط فانيلا بس ما ادري ليش وهذا اللي معقدني بالكيك
ياليت احد يساعدني ويعطيني مقاديرها بكل امانه لان عندي عزومه الخميس ولا ودي اتفشل

وياليت بعد مقادير البسبوسه العاديه لانها هي برضو ماتضبط معي الا نادرا

طلبتكم عاد لاتفشلوني

[سنا الفضه 2]

طريقة البسبوسه..

1 كاس حليب
2 علبه قشطه
1بيالة شاي زيت
وبنفس البياله 1 سكر
وملعقة صغيره فانليا..

حركيهم مع بعض الين يتجانسون,,

وبعدين بنفس الكاس اللي حطيتي فيه الحليب حطي

1 كاس سميد
ملعقة صغيره بكنج بودر

وحركيهم كلهم مع بعض وادهني الصينيه وحطيهم في الصينيه..

واذا جهزت البسبوسه

جيبي حليب نستله وحطي نص العلبه بصحن وحطي عليه نص بيالة مويه او ثلاث ارباعها وحركيهم الين تتجانس المويه مع الحليب,,

وصبيه فوق البسبوسه واهي حاره يصير طعمها افضل من الشيرا اللي هو القطر ,,

وسلامتك ياعسوله ^_^

ان شاء الله تعجبك..

[جويانا]

تسلمين ياقلبي انتي بس ما اضيف عليها جوز الهند لاني عاده احط جوز الهند وش رايك

[سنا الفضه 2]

عادي تقدرين تحطين نص الكاس سميد ونصه جوز هند اتوقع بيطلع طعمه احلى مع حليب النستله

اذا جربتيه وصار طعمه حلو قوليلي اسويه على اني حاسه انه حلو لاني اعشق البسبوسه مع حليب النستله واعشق جوز الهند مع النستله..

^_^

[جويانا]

انتي الاحلى حبيبتي اكيد حلو جوز الهند مع النستله لكن سؤالي هو جوز الهند مع السميد نفسه وتسلمين اكيد بجربه وارد لك

[جويانا]

معليش ياقلبي انا فهمت غلط وتسلمين افدتيني ياعسل

[سنا الفضه 2]

حياك الله يالغاليه ^_^

[جويانا]

بنات بليز اللي تعرف طريقه كيك روعه تفيدني ومشكورين

[وجدااااان]

وعليكم السلام ورحمة الله وبركاته

حياااا الله أختي الكريمة جويانا


انا أحب استخدم الكيك الجاهز ( بيتي كروكر ) وله عدة نكهات افضل نكهة
الفانيليا والشكولاته
وايضاً لها كريمة جاهزة بالفانيليا والشكولاته يمكنك من استخدامها بعد ما تجهز الكيكة وتبرد

( وطريقة التحضير ) مكتوبه على الكرتون من الخارج
( والطريقة سريعة وسهلة والطعم وجوناااان )

وهذا شكله ( أعتقد أنه معروف عندك ) لكن انصحك به








ونصيحة لك بالنسبة لرائحة البيض
اشتري بيض ما يكون تاريخه قارب على الانتهاء
وممكن تضيفي قشر البرتقال او الليمون ( برش خفيف ) للتغلب على رائحة البيض او اضيفي
ذرة نسكافة ...

وعندي كتاب فيه طريقة للكيك البيتي ( طريقتة صعبة شوي )
إذا تريدين اكتبها لك ؟
اكتبها
والعذر والسموحة على القصور

[جويانا]

تسلمين ياقلبي وما جا منك قصور حبيبتي
الكيك الجاهز روعه واسويه دايم
لكن انا ابي طريقة الكيك بالبيت كذا مره صلحت كيك بالبيت حلو بس لك عليه
وانا ودي اسوي كيك بالبيت مثل اللي جابته جارتنا لانه مره روعه <<<<وش عرفهم به
اما عن البيض فهذي مشكلتي الازليه لكن باحاول انتبه للتاريخ واسوي اللي قلتي عليه ولوعندك طريقه كيك ياليت تكتبينه فضلا لا امر
وتسلمين ومشكوره حبيبتي