[نادر]

ما كـل مـن يضحـك بدنيـاه مسـرور
لـو ضحكتـه دايـم تحـرك حجاجـه
وما كل من يبكي مـن النـاس مقهـور
بعض الدموع رخاص من شـان حاجـه
وما كل صادق لو حكا لك مـن شعـور
يا كثر مـن زيـف المشاعـر خراجـه
وما كل ما يخفـا مـن السـر مستـور
بعض الوجيه ابين من ارهـف زجاجـه
وما كل بيت ( ن ) بابه انصك مهجـور
كم بيت ( ن ) اطفا الشح واهج سراجـه
وما كل ورد ( ن ) تزرعه ينثر عطـور
لـو مـاه صافـي مـا يخالـط هماجـه
وما كل مرهف قلب لو يـزرع زهـور
قلـب يحـب الـورد وجـواه صاجـه
وما كل من يخطي مـن النـاس معـذور
البعض يخطـي مـن علـوم العواجـه
وما كل من يسكت على الظيـم مجبـور
لجل الغـلا ساكـت ويدعـي انفراجـه
وما كل راس ( ن ) ضيع الفكر مسحور
كم راس سحر الحـب جـاب ارتجاجـه
ومـا كـل علـه فادهـا طـب دكتـور
كم من عليل ( ن ) وصل خلـه علاجـه
وما كل من شاور حكيم ( ن ) خذا الشور
بعـض البشـر مـا يقنـع الا مزاجـه
وما كل من سمي صقـر يشبـه صقـور
كم من صقـر وقـت الشدايـد دجاجـه
وما كل فزاع ( ن ) لجل مدح مشكـور
البعـض مرجلتـه وسـامـه وتـاجـه

[خلووووود الخالد]

أبيات جزلة ومعانيها قوية وحكيمة

يعطيك العافية نادر على النقل وتمنيت لو كتبت اسم شاعرها

حفظا للحقوق الأدبية

وما كل من سمي صقـر يشبـه صقـور
كم من صقـر وقـت الشدايـد دجاجـه

اختيار موفق ورائع


سلمت يمينك

[غفا]

وما كل ما يخفـا مـن السـر مستـور
بعض الوجيه ابين من ارهـف زجاجـه

صحيح ...ومشكور أخوي نادر وجزاك الله خير

[نادر]

يسعدني مرورك اختي خلود وياهلا فيك وابشري بالازين

[نادر]

ومرحبا اختي غفا وشاكر انا لك اكثر مرورك

[نجوم الظهريه]

بارك الله بك , شكراً أخي الكريم

[نادر]

حياك الله اختي نجوم وشكرا لمرورك

[وحيدة الكلمة]

وما كل من سمي صقـر يشبـه صقـور
كم من صقـر وقـت الشدايـد دجاجـه


ابيات رائعة وفيها من الحكمة الكثير وفقك الله

[haneen2006]

قصيده رائعه صح لسان قائلها وسلم ناقلها بارك الله فيك