[أم دعاء.]

السلام عليكم ورحمة الله وبركاته
رحاب حبيبتي ادا انتي تشوفيت انه لديكي القدرة في التفسير فابدئي عللى بركت الله و اعملي زي ما قالت ليكي امنية انتي ابدئي في التعبير بالمجاني و ايضا حاولي تنمي قدراتك بتمارين الدكتور فهد و ايضا حاولي تقرئي تفسيرات المعبرين المعتمدين للمشتركين او حاولي تفسري بينك و بين نفسك و بعدين قارني تفسيرك مع تفسير المعبر و ان شاء الله راح تشوفي نفسك احسن من اول كما قال لي الدكتور فهد الله يجازيه كل خير كلما ابحرتي اكثر كلما وجدتي بضاعتكي ضائعة فيه و ان شاء الله نشوفك تفسيرين .

[ملاك الخير]

واه والله ما شفت ردك يا لحبيبة ايه نتواصلوا هنا يا بنت بلادي واش نقولك يا حبيبتي الامور نتاعي و الله ماراهي تعجب و امر الخطبة راح عندي معلق واش نقولك كيما يقولوا عندنا في الجزاير الي من دمك هما همك نضن راكي فهمتي المعنى يعني لفامي نتاوعي مراهومش حابين ليا الخير و حسدوني على الخطبة و راهم يتمنولي غي الشر لي يسمعهم يهدروا عليا تقول انا اول وحدة تنخطب في العالم و الله غي ربي يهديهم هدا مالواحد يقول . سمحيلي زدتلك حتى همي المهم انتي واش راكي و راكي عادا الديري الرقية و الامور نتاعك كيفاش راهي نشاء الله غي الخير.

انا الامور نتاعي راهي بخير والحمد لله مع الرقية انفتحت قدامي الابواب من جهة الخدمة تخيلي جاوني زوج تع الخدمة ..دخلت في بلاسة وحدة نقري الرياضيات في cem غير شهرين وجاتني الخدمة تع pré-emploi والحمد لله بصح امور من جهة هاداك الخاطب ماكاش حتى جديد خاصة الاوضاع الي راهي عندهم وتخيلي انتي الموقف تع دارنا )يعني مليح كيما تزوجتوش)انا راني يائسة بصح الرؤى مبشرة الي شفتها مع انو الوضع مخاااالف راكي فاهمة عليا.........بالنسبة ليك والله راني حاسة بيك بصح مرة كتبتلك في موضوعك بلي ما تقطعيش الرقية ابدا عاودي ارجعيلها وما تنسايش التحصينات ...انا في وقت الرقية شفت رؤى بزاف وفسرتهم لي وحدة الي نتابع عندها الرقية في منتدى ثاني بلي راني نشفى والضر الي راه يجيني ما يقعدش فيا راه يروح من التحصينات ........شانقول اختي الله يوفقك ياربي ويسهلك قاع الامور ويكفيك شر الحاسدين ....على فكرة انا من غليزان وانتيا؟

[حليمه 1411]

كييفك يا ملاك

ماشالله كلامكم حلوو

قريته فهمت منه القلييييييييييييييييل مو كثير

حلوه لغتكم او لهجتكم ماشالله تبارك الله

[ملاك الخير]

مرحبا حكيمة
انا الحمد لله بخير
انتي شو اخبارك طمنينا عنك
شلون امورك
مشكورة اذا ما فهمتي اي كلمة قوليلي عشان اشرحها لك وهيك راح تتعلميها .

[أم دعاء.]

المشاركة الأصلية كتبت بواسطة ملاك الخير انا الامور نتاعي راهي بخير والحمد لله مع الرقية انفتحت قدامي الابواب من جهة الخدمة تخيلي جاوني زوج تع الخدمة ..دخلت في بلاسة وحدة نقري الرياضيات في cem غير شهرين وجاتني الخدمة تع pré-emploi والحمد لله بصح امور من جهة هاداك الخاطب ماكاش حتى جديد خاصة الاوضاع الي راهي عندهم وتخيلي انتي الموقف تع دارنا )يعني مليح كيما تزوجتوش)انا راني يائسة بصح الرؤى مبشرة الي شفتها مع انو الوضع مخاااالف راكي فاهمة عليا.........بالنسبة ليك والله راني حاسة بيك بصح مرة كتبتلك في موضوعك بلي ما تقطعيش الرقية ابدا عاودي ارجعيلها وما تنسايش التحصينات ...انا في وقت الرقية شفت رؤى بزاف وفسرتهم لي وحدة الي نتابع عندها الرقية في منتدى ثاني بلي راني نشفى والضر الي راه يجيني ما يقعدش فيا راه يروح من التحصينات ........شانقول اختي الله يوفقك ياربي ويسهلك قاع الامور ويكفيك شر الحاسدين ....على فكرة انا من غليزان وانتيا؟

ايا الحمد لله كي ربي فتح عليك في الخدمة عقوبا للخاطب ان شاء الله
انا بالنسبة للرقية رجعتلها لو كان تشوفي الحبوب اللتي خرجت في وجهي ايا عرفت بلي هدي غي عين راهي فيا وهي هي سباب التعرقل لي راح عندي و حتى الاخ ابوا البراء فسر ليا رؤية و قالي بلي راهي فيك عين و قالي ارقي نفسك و قالي الرؤية مبشرة بتيسير امورك و الله رد فيا الروح الله يجازيه بالخير الحمد لله على كل حال
و انتي كيفاش تعرفتي على هاد الخاطب انتي قلتي هو من سوريا صح و انتي بالجزائر يعني جا الجزائر و لا كيفاش.
انتي من غلزان الله يبارك خيار الناس انا من مغنية الحدود نتاع المغرب ياك تعرفيها

[أم دعاء.]

المشاركة الأصلية كتبت بواسطة حكيمه .. كييفك يا ملاك ماشالله كلامكم حلوو قريته فهمت منه القلييييييييييييييييل مو كثير حلوه لغتكم او لهجتكم ماشالله تبارك الله

حكيمة ربي يحفضك راح اعملك يوم مخصص اعلمك فيه كلامنا بالاميل موافقة هههههههههه
"حكيمة مشيت باش نرقد شوي و نريح كيما قتلك و مجانيش رقاد" بالجزائرية اعرف انك ما فهمتيها
الترجمة هههههههه
"يعني قلت لكي انا رحت عشان انام و اتسطح شوي زي ما قتلك و لم استطع النوم"

[ملاك الخير]

ايا الحمد لله كي ربي فتح عليك في الخدمة عقوبا للخاطب ان شاء الله انا بالنسبة للرقية رجعتلها لو كان تشوفي الحبوب اللتي خرجت في وجهي ايا عرفت بلي هدي غي عين راهي فيا وهي هي سباب التعرقل لي راح عندي و حتى الاخ ابوا البراء فسر ليا رؤية و قالي بلي راهي فيك عين و قالي ارقي نفسك و قالي الرؤية مبشرة بتيسير امورك و الله رد فيا الروح الله يجازيه بالخير الحمد لله على كل حال و انتي كيفاش تعرفتي على هاد الخاطب انتي قلتي هو من سوريا صح و انتي بالجزائر يعني جا الجزائر و لا كيفاش. انتي من غلزان الله يبارك خيار الناس انا من مغنية الحدود نتاع المغرب ياك تعرفيها

انا الحبوب خرجت في فخادي تخرج حمرا من بعد تيبس وتتقشر ..........انتي من مغنية الله يبارك من هدرتك عرفتك بلي من الغرب راكي حدانا .......المهم انا ما نقدرش نعطيك التفاصيل كل شي راكي عارفة الموضوع مفتوح للكل بصح نسيي نقولك.........هو مابغاش يجي حتى يدي الموافقة نيشان وامو هدرت معانا وخطبتني رسميا بصح اهلي من بعد فكروا مليح وخافوا لخطرش مايعرفو عليه والو وفات الوقت وعاود تقدم وهدر مع خوالي ونفس الشي رفضو اهلي على اساس بعيد وخافو من المستقبل ومازالو باغييني دارهم وامو كل يوم تسقسي عليا ومازال ناوي المرة الثالثة واهلي راهم رافضين ودفنو الموضوع انا راني حايرة بزااف والله ...على فكرة لوكان تروحي لموضوع تع ملقانا الجنة تع رموز الاعداد وشوفي شاراني كاتبة راني نحاول نفكك في رموز تع رؤيا شفتها روحي شوفي وقوليلي رايك ...راني نستنى فيك.

[rehab-88]

الله يسعدكم يارب
اكيد راح اسمع كلامكم
الله لايحرمني منكم ياااارب

[حليمه 1411]

رحااب ..

عندي سؤاال ..

كيف سرتي مشرفه تحت المراقبه ..؟؟؟؟؟؟

[rehab-88]

انا اقول لك حبيبتي
شوفي موضوع طلب مشرفين ومشرفات
وحاطين ايميل تراسليهم وتعطيهم معلوماتك
وهما يتواصلو معاكي
وطبعا ارسلت معلوماتي وصرت مشرفه