[عبدالرحمن الحربي]

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والأبيات تبكي حتى القلب القاسي


اترككم مع القصيده


وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا


يـا ليتنـي خدامـة بيـن اياديـك .. من شان اشوفك كل يوم برضايـا


مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا


(حسبي الله ونعم الوكيــــــــــــــل)
الله يكون فعونها آميــــــــــــــــن

[الابتسام]

بسم الله الرحمن الرحيم

صبر جميل والله المستعان، بارك الله فيك أخي الفاضل لعرضك هذه القصيدة، وشكراً لك.

[عبدالرحمن الحربي]

المشاركة الأصلية كتبت بواسطة الابتسام بسم الله الرحمن الرحيم صبر جميل والله المستعان، بارك الله فيك أخي الفاضل لعرضك هذه القصيدة، وشكراً لك.

الشكر لكي موصول على مرورك الرائع

[haneen2006]

الله يالحربي قصيده مؤثره
الله يكون في عونها
ويصبرها
ويرزقنا من انفسنا وازوجانا قرة اعين
مشكور

[عبدالرحمن الحربي]

المشاركة الأصلية كتبت بواسطة haneen2006 الله يالحربي قصيده مؤثره الله يكون في عونها ويصبرها ويرزقنا من انفسنا وازوجانا قرة اعين مشكور

اللهم آمين


شكرا حنين على مرورك

[الطفل البريء]

ماشاء الله

[الطفل البريء]

الله عليك شكرا

[الطفل البريء]

شكررررررررررررراااااااااا

[الطفل البريء]

جميله جدا شكرا

[عبادي3]

جزاك الله ألف خير