[** فــادي **]

الورقة اللي جننت الناس ..!!

يقولك فيه عجوز على فراش الموت وما عندها إلا ولد واحد ....
وهي على فراش الموت قالت له وصية
خذ يا وليدي الورقة هاذي ... وأي واحد تشوفه ( بأي مكان ) أفتح له الورقة ( وخله يقراها )
ويا ويلك (( إذا قريت اللي فيها )) أنت ما تشوفها
ما تفتح الورقة .... إلا إذا وافتك المنية ... وقربت تموت
قالها أبشري ....... وماتت الأم ====> الله يرحمها
حزن الولد حزن شديد .... وضاق صدره

بعد مده ..... قال لازم أنفذ وصية أمي
طلع للشارع .... وبالصدفة وهو مار من عند ( محل كافي )
قال يالله ... اضرب لي فنجال قهوة أعدل الراس فيه
دخل المحل ........ وطلب قهوة
جى لمه العامل في المحل ... وقدم له القهوة
وهو يشرب القهوة ... قال ليه ما أوريه الورقة ... فكرة والله
قام أخينا بالله وفتح له الورقة

العامل على طوووووول ... قام يصارخ عليه
يا للي فيك وما فيك ... يا قليل الأدب .... يا عديم الذمة ......يا عديم الضمير ...

الرجال .... طايرتن بوهته (مستغرب)... ما يدري وش السالفة
جاء راعي الكافي .... وطرده
المسيكين ضاق صدره ... وحزت في خاطره
قال أكيد العامل هذا مجنون ... أكيد فيه شي

طلع من الكافي ... ومشي في الشارع ... وبالصدفة لقى ملاهي ... قال أبي أدخل فيها

دخل الملاهي ... وراح يلعب فيها
راح إلى لعبة تصادم السيارات
مالقى ولا سيارة فاضيه .... شافه واحد ... قال له .. تعال أركب معاي
الرجال إنبسط ... فرح ... ركب معاه ... وقام يلعب
وسواليف ... وفله .. وسعه صدر
وبالأخير .... عزمه على آيسكريم .... إنهبل ... ماصدق خبر
راحوا يشترون آيسكريم ... وقعد يسولف معاه
قال أبي أوريه الورقة ... أكيد يختلف عن اللي في الكافي ... فتح له الورقة

الرجال على طوووووول
يا للي فيك وما فيك ...يا قليل الأدب .... يا عديم الذمة ......يا عديم الضمير ...
صطره ووراه شغله.. وهج منه

برضه الرجال ..... ما يدري وش الطبخة
ونفسه يقرأ اللي في الورقة ... لكن أمة ... محذرته
راح للبيت ... مر على مطعم ... قال ليه ما أتعشى
طلب عشاء كبسه رز .... أدهر فيها بالبيت ... وشبع
بالليل عوره بطنه ... قام يتوجع ... الظاهر فيه ( زايدة ) ====>الله يشفيه
طار للمستشفى ... سووا له عملية زايدة
يوم صحى من النوم ... شاف الدكتور قدامه ... قال أكيد هذا يختلف عن الباقين
هو بيرحمني ... أنا مريض ... وراح يعطف علي
وقام أخينا بالله ... ووراه الورقة

الدكتور على طوووووول
يا للي فيك وما فيك ... يا قليل الأدب .... يا عديم الذمة.... يا عديم الضمير ...
وقوم وأحذفه من الدريشة

إنهبل الرجال ..... جن جنونه .... قال مالي قعود بالبلد هذي ..... أكيد كلهم مجانين
مالي إلا السفر ..... خارج الديرة هذي
قص تذكرة على أول رحلة خارج البلد .... ركب الطيارة
وقعد في الكرسي ... جت المضيفة تخدمــه
جابت له العصير ... وقال بإذن الله راح اوريها الورقة
أكيد هذولي المضيفات.. شغلهم ... أكيد أن مستواهم عالي ... ومحترمين

فتح الورقة لها .......... والبنت على طوووووول
يا للي فيك وما فيك ... يا قليل الأدب .... يا عديم الذمة .....يا عديم الضمير ...

والله لأنادي لك السوبرفايزر ... أشتكيه عليك
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعود بالطيارة هذي ... أبداً
ما فيه إلا حل واحد ........ ما فيه غيره .... نرميك من عند باب الطيارة =====> والله ياناس رحمتـــه

إنهبل الرجال وإنفقعت مرارته .... وبرضه ما يدري وش الطبخة ..... قال لهم معزمين على الدفه من الباب
قالوا أبد ... من عند الباب ... قال شكواي إلى الله
اللهم إني أنفذ وصية أمي ...... =====> وش يسوي بار في أمه
قال لهم طيب أنا عندي طلب ممكن ...... قالوا تفضل

قال وأنا واقف عند الباب .... قبل ما تدفوني على الأرض .... ودي أقراً الورقة
لأن سالفة أمي كذا وكذا ... و قال لهم إن أمة موصيته إنه مايقرأ الورقة ... إلا إذا جاء يموت
وهو أكيد راح يموت لأنه بيطيح من الطيارة

... وهو واقف على الباب ومفتوح حاسهم الهواء ...
وهو على وشك إنهم يدفوووونه عشان يطيح .... فتح الورقة ..... عشان يقراها

أخينا بالله أول ما أنفتح الباب ... فتح الورقة

^
^
^
^
^
^
^
^
^
وش صار له

^
^
^
^
^
^
^
^
^
^
^
^
^
^
^

طارت الورقة
ودفوووووه من عند الباب وطاااااح

ومات المسكين وهو ما يدري وش في الورقة
وأنا بعد .... ما أدري وش فيها


الله يرحمه,,


ان شاءالله تعيشون وتاكلون غيرها,,


اخــــــــــوكم//**فــادي**


مخطوش <<قصدي ملطوش

[مها]

أستغفر الله .. ما صارت وصيه صارت عقوبه عليه ...

اشكرك على النكت الجميله بارك الله فيك ....

[baraa_998]

ههههههههههههههههههههههههههههههههههههههههه

[الـمـؤمـنـة]

هههههههههههههه
حلووووووة

[** فــادي **]

حيااك مهــا

لاشكر على واجب وشكــريا على مرورك المشرف,,


اخـــوكم//**فــادي**

[** فــادي **]

حياك براء او برا

مشكور على مرورك والضحكات الجايات اكثر ان شاءالله

[** فــادي **]

هلا بك المؤمنه

وشاكر لك مرورك