[املي بربي *]

اسأل الله العظيم أن ييسر لكي اموورك اسالي عن خلقه ودينه وصلاته اهم

الله يوفقك

استخيري اختي
هذا هو الحل

[عذووبه]

السلام عليكم ورحمة الله وبركاته
ياعمري ياتراتيل الله يعينك مشكله لما يكون فيه اعتراض ,,والله شوفي اخوك معليش موب دايم لك والرأي المهم لوالدك هو اللي يحكم صحيح ان رأي الاخو مهم لكن والدك راح يقنعه وبعدين لا تواخذيني اذا تهمينه ليش مايخليك تعيشين مع اهللك بنفس البيت ؟
والتعدد مو مشكله برأيي صدقيني التوفيق بيد رب العالمين ..بس لاتضعفين وطالبي بحقك واستخيري .
الله يكتب لك اللي فيه الخير ...

[& ترآتيــــــل الفرح &]

اشكر الجميع على طرح أرائهم

واسأل المولى أن ينير بصائركم ويوفقكم لكل خير

بالنسبة لاخي هو عذره بأنه مايبغى يعطيني لرجال من غير منطقتنا لايعرفه ولايعرف عنه شئ
وحتى لو بغى يسأل لا يعرف احد من منطقته يسأل عنه

وبالنسبة لي اخاف كثيرآ على اخوي لانه مهما صار الزوج لابد ما يروح لكن اخي يبقى هو اخي طول عمري
ماعمره يتغير علي

وبالنسبة لسكني مع خالتي هذا الامر اعتدت عليه مع صعوبته ولا استطيع ان اعيش مع اهلي بعد ماصار عمري 27 سنة
والحمدلله على كل حال

[البارقه 2009]

سوف اكتب لك لمعزتك عندي واذا لم يعجبك اضربي برايي عرض الحائط ...
اولا استخيري الله عزوجل الانسان يبحث ويطلب السعاده في اي شي يرضي الله عزوجل ولاتدرين مع من تكون السعاده مع شاب او مطلق ام معدد ...
المعدد له سلبيات وله ايجابيات ...
وايجابياته غالبا متفهم للحياه الزوجيه وتعيش معه المراه غالبا متفرده وتاخذ كامل الحقوق ولاتاخذ احد في عين المجامله بعكس زوجه الشاب (هذا من وجه نظري )

حقيقه احيانا يراودني معدد لكن اذا حصلت الحقيقه اتراجع ...الله يكتب الي فيه الخير

برايي تنظري لاخيك بسب اباحه دمه فالزوج بدله زوج ولكن الاخ ليس بدله اخ ...
انتي استخيري واستشيري وحاولي الاقناع والا الابتعاد اولى واهم والحمدلله باقي لك عمر لسا تحصلي على شاب ان شاء الله والمتزوجين يبحثون ليل نهار عن اخريات وانتي ماوصلتي ....العمر الغير مرغوب فيه والله حتى العجايز ماضاعن تقولين اخاف ماالقى معدد والله الي كاتبه يصير

تبغي معلومات عن حائل اخي موجود فيها ...اهلها اجاود وتبعد الدمام عن الرياض 300 تقريبا والرياض عن القصيم 300 تقريبا و القصيم 250 تقريبا عن حائل ( تقع في شمال المملكه )

[& ترآتيــــــل الفرح &]

كلامك على العين والرآس يالغالية عمري مااضرب فيه عرض الحائط

كلامك سليم عسى ربي يحفظك ويزيدك علم وهداية

من جهة اخوي اعزه كثير ولايهون علي زعله كيف حلفه على نفسه
ومن جهة الرجل المعدد ماعندي عليه اعتراض لكن بعده عن اهلي وعدم معرفتهم به شخصيآ هو مايجعلني اتردد كثيرآ

الله يرزقنا وإياكم من واسع فضله ويقدر لنا الخير حيث كان ثم يرضينا به

[::سارونه::]

أكثري من الصلاه على النبي والإستغفار

وأستخيري كثيرا

وأنا أرى أنك صغيره على رجل عنده خمس أطفال

الكثير يتمنونك

[& ترآتيــــــل الفرح &]

المشاركة الأصلية كتبت بواسطة ::سارونه:: أكثري من الصلاه على النبي والإستغفار وأستخيري كثيرا وأنا أرى أنك صغيره على رجل عنده خمس أطفال الكثير يتمنونك

اللهم صلي وسلم وبارك على نبينا محمد

الله يجزاك خير ولايحرمك الاجـــــر

[& ترآتيــــــل الفرح &]

المشاركة الأصلية كتبت بواسطة القصاني وعليكم السلام ورحمة الله وبركاته هلا بك ,, بداية اذا كان الخاطب صاحب دين وخلق ومقتدر على فتح بيت آخر .. فهنا عليك بالاستخارة واخذ راي الوالدين فاذا وافقوا تبقى مشكلة الاخ هداه الله .. والحل مع اخيك من وجهة نظري له طريقتين .. الاولى ان تفاتحيه بالموضوع وتوضحي له انه لا يجوز هذا الامر وان فعلك هذا فيه ظلم علي واثم عليك وان هذا من الكبر الذي يغضب الله ومن اعمال الجاهلية .. وتذكريه بقول الله تعالى ( يا ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ) .. وحديث الرسول صلى الله عليه وسلم ( لينتهين اقوام عن فخرهم بحسب آبائهم واجدادهم انما هم حصب ( حطب ) جهنم او ليكونن اهون على الله من الجعلان الذي يدهده الخراء بانفه الناس من آدم وآدم من تراب ) .. والطريقة الثانية ان توسطي شيخا ليتكلم مع اخيك بخصوص هذا الامر ويبين له حكم الشرع وخطأ موقفه .. وعليك بالدعاء بان يسهل الله امرك وياخذ بيدك لما فيه خير لدنياك ودينك وان يهدي اخاك ويطيب نفسه عليك .. مع خالص التحية

شيخي الله يحفظك ويحفظ عليك نعمه

لااستطيع ان ادخل احد في الموضوع غير والدي واخواني لانهم من النوع المتعصب في هذه الامور بالذات ولايرضون بتدخل احد
وانا كذلك لااتجرأ على فتح مثل هذا الموضوع مع احد


الله يرضى عليك شيخي دنيا وآخرة ولا يحرمك اجر ماكتبت

[البارقه 2009]

المشاركة الأصلية كتبت بواسطة & ترآتيــــــل الفرح & كلامك على العين والرآس يالغالية عمري مااضرب فيه عرض الحائط هههههههه امزح عليك الله يسعدك كلامك سليم عسى ربي يحفظك ويزيدك علم وهداية اللهم امين من جهة اخوي اعزه كثير ولايهون علي زعله كيف حلفه على نفسه صحيح ومن جهة الرجل المعدد ماعندي عليه اعتراض لكن بعده عن اهلي وعدم معرفتهم به شخصيآ هو مايجعلني اتردد كثيرآ...هنا المشكله الله يرزقنا وإياكم من واسع فضله ويقدر لنا الخير حيث كان ثم يرضينا به

اللهم امين والله ناظري راي اخوك ومردك له بالنهايه له وشوفي رضاه اولى
الله يحقق امانيك بلي ييسعدك ويقر عينك يارب ...